Kam si Nentukenca Uga Masa Depanndu
Kira-kira 3.500 tahun si lewat, pernah ikataken Dibata Jahwe man umatNa kai si arus ilakoken kalak e gelah masa depanna mehuli. Nina, “Enggo Kubereken kena pilihen, eme kegeluhen ntah kematen, ipasu-pasu ntah isumpahi. . . . Pilihlah kegeluhen, gelah kena ras keturunen kena tetap nggeluh.”—Ulangen 30:19.
Arus iban kalak e pilihen si benar gelah masa depan kalak e ermeriah ukur. Bali bagi kalak e, kita pe banci erban pilihen. Emaka, uga carana gelah banci siban pilihen si benar? Nina Pustaka, ‘Kelengilah Jahwe Dibata kena janah begiken Ia.’—Ulangen 30:20.
UGA CARATA ENGKELENGI JAHWE RAS MEGIKEN KATANA?
PELAJARILAH PUSTAKA: Gelah banci sikelengi Jahwe, perlu sipelajari lebe kerna Ia arah Pustaka. Adi bage siban, siteh dungna maka situhuna keleng kel ate Dibata kita janah ateNa si mehulina min terjadi man banta. AteNa ertoto min kita man baNa, ‘sebap perdiatekenNa kap kita.’ (1 Petrus 5:7) Lit janji bas Pustaka maka adi siusahaken rembak ras Ia, ‘rembakkenNa ka diriNa man kita.’—Jakup 4:8.
DALANKENLAH KAI SI ENGGO SIPELAJARI: Adi siikutken nasehat Dibata si lit bas Pustaka, e buktina sibegiken Ia. Adi bage siban, ‘berhasil pagi kita janah pentar kita bas ngelakoken kai pe.’—Josua 1:8.
^ par. 7 Gundari, enda lit bas pitu bahasa termasuk bahasa Mandarin ras bahasa Cina Kanton.