Sanga sibaca Pustaka, banci siriset terdauhen kai si sangana sibaca gelah reh bagesna pengangkanta. Tapi, silakoken si e labo terjeng nambahi pemetehta kerna Pustaka. Sipelajari ateta terbuen kerna sipat-sipat Jahwe si mejile gelah reh kelengna ateta Ia. Guna ngelakoken si e, siukurilah penungkunen enda, ‘Arah ayat-ayat enda, kai si banci kupelajari kerna Jahwe?’

Banci sidarami bukti kerna sipat-sipat Jahwe si luar biasa bagi kekelengen, kepentaren, keadilen, ras kuasa. Tapi, labo e ngenca sipat-sipat Jahwe. Lit denga sipat-sipatNa si deban si menarik. I ja banci daramindu terbuen informasi kerna sipat-sipatNa e?

Banci nenndu daftar si risi lebih 50 sipat-sipat Jahwe bas Indeks Publikasi Menara Pengawal i teruh judul “Yehuwa,” dung e bas subjudul “Sifat-Sifat Berdasarkan Nama.” Pilihlah sipat-sipat si lit hubungenna ras ayat-ayat si sangana ibacandu, janah risetlah kerna sipat e. (Adi Panduan Riset untuk Saksi-Saksi Yehuwa ngenca si banci inenndu, daramilah bas judul “Allah Yehuwa,” dung e bas subjudul “Sifat-Sifat Yehuwa.”)