Anak Muda, Ate Jahwe gelah Kam Ermeriah Ukur
‘Alu kai si mehuli idemiNa geluhndu.’—MASMUR 103:5.
1, 2. Engkai maka bijaksana megiken Si Nciptaken kita sanga erban pilihen bas geluhndu? (Nen gambar pemena artikel.)
ADI kam nguda denga, banci saja melala datndu nasehat kerna masa depanndu. Banci saja guru, penasehat bas sekolah, ntah pe si debanna nuruh kam kuliah ntah pe ndarami dahin si galang gajina. Tapi nasehat Jahwe labo bage. Memang, ate Jahwe tutus min atendu erlajar i sekolah gelah banci kari icukupindu keperlunndu. (Kolose 3:23) Tapi tehNa ka maka sanga kam nguda denga, arus banndu keputusen si penting si banci mpengaruhi masa depanndu. Emaka iberekenNa nasehat gelah banci kam nggeluh bagi si ngena ateNa bas wari-wari pendungi enda.—Matius 24:14.
2 Iteh Jahwe kerinana. TehNa kai si terjadi pagi janah tehNa kel uga deherna kedungen doni enda. (Jesaya 46:10; Matius 24:3, 36) Kam pe itandai Jahwe. TehNa kai si erban kam senang ras kai si erban kam sedih. Mungkin nasehat manusia mejile, tapi adi la arah Pustaka, labo lit gunana.—Kuan-kuanen 19:21.
ARAH JAHWE NGENCA REHNA KEPENTAREN
3, 4. Perban ibegiken Adam ras Hawa nasehat si la mehuli, kai akibatna man bana bage pe man keturunenna?
3 Mbarenda nari pe nggo lit nasehat si la mehuli. Si tangtangna merekenca eme Setan. Ikatakenna man Hawa maka banci lebih senang geluhna ras Adam adi iputusken kalak e sendiri kai si atena ilakokenna. (Kejadin 3:1-6) Tapi egois kel Setan e! Atena Adam ras Hawa bage pe kerina keturunen kalak e patuh man bana janah nembah ia, labo Jahwe. Tapi la lit kai pe si nggo ibereken Setan man manusia. Jahwe me si mereken kerina si lit bas kalak e. IberekenNa man Adam sekalak ndehara bage pe man Hawa iberekenNa sekalak perbulangen. IberekenNa ka taman si mejile jadi ingan kalak e tading, janah daging kalak e pe sempurna tahan rasa lalap.
4 Tapi Adam ras Hawa la patuh man Dibata. Dungna ndauh me kalak e ras Dibata, si mere kegeluhen. Parah kel akibatna. Bagi bunga si ipotong bas batangna nari, alu manjar-anjar metua me Adam ras Hawa dungna mate. Anak-anakna pe ikut susah, termasuk kita kerina. (Roma 5:12) Teremen jelma gundari la nggit megiken Dibata janah ate-atena saja geluhna. (Epesus 2:1-3) Kai akibatna? Nina Pustaka, ‘sia-sia kap kepentaren’ adi ilawan kalak Jahwe.—Kuan-kuanen 21:30.
5. Tek nge Jahwe maka lit manusia si nggit nandai ras ngelayani Ia? Engkai maka Ia tek?
5 Tek Jahwe maka pasti lit manusia termasuk nterem anak muda si nggit nandai ras ngelayani Ia. (Masmur 103:17, 18; 110:3) Meherga kel anak-anak muda e iakap Jahwe! Termasuk nge kam? Pasti igejapkenndu melala ‘si mehuli’ si bereken Jahwe bandu, janah reh riahna akapndu ndalani geluhndu. (Baca Masmur 103:5; Kuan-kuanen 10:22) Lit empat pemere Jahwe si man bahasenta kari, eme pangan rohani, teman si mehuli, cita-cita rohani, bage pe kebebasen situhu-tuhu.
IBERE JAHWE PANGAN ROHANI
6. Engkai maka perlu iperdiatekenndu keperlun rohanindu, janah kai saja si ibereken Jahwe guna nampati kam?
6 La lit keperlun rohani binatang. Maksudna la perlu iakapna nandai Si Nciptaken ia. Tapi kita la bage. (Matius 4:4) Adi sibegiken Dibata, tambah pengertinta, reh pentarna kita, janah meriah me geluhta. Nina Jesus, “Ermeriah ukur me kalak si iakapna perlu itandaina Dibata.” (Matius 5:3) Ibereken Dibata Pustaka janah igunakenNa “budak si setia janah pentar” guna mereken publikasi si banci mpegegehi kinitekenta. (Matius 24:45) Publikasi e ikataken pangan rohani perban banci mpegegehi kinitekenta janah erban hubungenta ras Jahwe reh paguhna. Seh kel buena pangan rohani gundari!—Jesaya 65:13, 14.
7. Kai gunana pangan rohani arah Dibata man bandu?
7 Pangan rohani banci erban kam pentar janah lit kengasupenndu rukur, enda banci negu-negu kam alu erbage cara. (Baca Kuan-kuanen 2:10-14.) Adi lit sipat enda bas kam banci tehndu si apai si la benar. Contohna, sanga lit si ngataken Pencipta e la lit, ntah pe lit si ngataken maka sen ras erta banci erban kam ermeriah ukur. Adi pentar kam janah lit kengasupenndu rukur, banci ilawanndu sura-sura ntah pe kebiasan si banci erban kam dat masalah. Emaka, asa ngasupndu usahakenlah gelah banci kam pentar janah lit kengasupen rukur bas kam. Dungna banci gejapkenndu maka keleng ate Jahwe kam janah si mehulina ateNa terjadi bandu.—Masmur 34:9; Jesaya 48:17, 18.
8. Engkai maka arus sipepaguh hubungenta ras Dibata gundari, janah kai gunana bas wari si pepagi?
8 Lanai ndekah, doni Setan enda ihancurken. Jahwe ngenca si banci ngelindungi kita janah mereken kerina keperlunta, termasuk pangan. (Habakuk 3:2, 12-19) Emaka gundari me waktuna mpepaguh hubungenta ras Dibata bage pe mpegegehi kinitekenta man baNa. (2 Petrus 2:9) Adi silakoken e, kai pe si terjadi, dungna bagi Daud perasanta, si ngataken, “Tetap kugejap maka Dibata ndeher kap ras aku, gelah aku tetap paguh.”—Masmur 16:8.
IBEREKEN JAHWE TEMAN SI MEHULI
9. (a) Bagi sibaca bas Johanes 6:44, kai si ilakoken Jahwe? (b) Kai si unik sanga tangtangna sekalak Saksi jumpa ras Saksi si deban?
9 Sanga tangtangna kam jumpa ras sekalak jelma si la Saksi, mis nge tehndu kerina kerna ia? Banci saja tehndu gelarna, uga rupana, tapi selebihna lang. Tapi la bage sanga tangtangna kam jumpa ras sekalak Saksi. Tehndu keleng atena Jahwe. Tehndu lit si mehuli si inen Jahwe bas ia janah undangNa ia jadi bagin keluarga si nembah Ia. (Baca Johanes 6:44.) La soal ja nari ia bage pe uga latar belakangna, mis melala si tehndu kerna ia, janah ia pe bage!
Ate Jahwe lit min teman-temanndu si mehuli janah banndu cita-cita rohani (Nen paragrap 9-12)
10, 11. Persaman kai si lit bas Saksi Jahwe, janah kai pengaruhna man bandu?
Sepanya 3:9) Ertina kena duana tek man Dibata, seri patoken kena kerna lagu langkah, janah arapen kena pe seri. Kerina enda banci erban kena siteken sada ras si debanna janah pertemanen kena tahan rasa lalap.
10 Sanga tangtangna kam jumpa ras Saksi si deban, mis tehndu maka lit persaman kena. Amin pe la seri bahasa kena, kena lit bas sada ‘bahasa si badia’ eme kebenaren. (11 Sanga kam ngelayani Jahwe, banci ikatakenndu maka nterem teman-temanndu si mehuli. Lit temanndu bas sebelang doni, amin gia lenga kam pernah jumpa! Menurutndu, lit nge kalak si deban selain Saksi Jahwe si ndatken pemere si meherga e?
SAMPATI JAHWE KAM ERBAN CITA-CITA SI MEHULI
12. Tujun kai saja si banci ibanndu?
12 Baca Pengerana 11:9–12:1. Tujun kai saja si atendu iusahakenndu? Banci saja mbaca Pustaka tiap wari, mereken komentar si mehuli, ntah reh ulina mpeseh tugasndu bas perpulungen. Ntah pe reh beluhna atendu nggunaken Pustaka sanga erberita. Uga perasanndu sanga gejapkenndu nggo reh ulina kam ngelakokenca ntah pe lit si ngatakenca bage bandu? Pasti meriah kel ukurndu! Engkai maka bage? Perban nggo ilakokenndu kai si ipindo Jahwe man bandu, bali bagi si ilakoken Jesus.—Masmur 40:9; Kuan-kuanen 27:11.
13. Engkai maka ndauh ulin ngelayani Dibata asangken ngayaki kai si lit bas doni enda?
13 Adi terus ilayanindu Jahwe banci kam ermeriah ukur, janah lit tujun bas geluhndu. Nina Paulus, “Arus paguh, ula monce-once, janah teruslah sibuk i bas ndahiken dahin Tuhan, sebap iteh kena maka kerja keras kena i bas ngelayani Tuhan labo sia-sia.” (1 Korinti 15:58) Tapi adi kalak si terus ngayaki kai si lit bas doni enda, bagi sen ntah pe jadi kalak si terkenal, kalak e labo tuhu-tuhu ermeriah ukur. Amin gia berhasil kalak e, bagi tempa lit si kurang kapna lalap. (Lukas 9:25) Enda me si banci sipelajari arah Raja Salomo.—Roma 15:4.
14. Kai si banci ipelajarindu arah pengalamen Salomo?
14 Salomo me salah sada kalak si bayakna ras si mbelin kuasana. Lit si icubakenna atena. Nina, “Nggeluhlah aku alu meriah-meriah gelah kueteh kai kin situhuna keriahen.” (Pengerana 2:1-10) Ibangun Salomo rumah si seh kel mewahna, ibanna ka taman si luar biasa, janah ilakokenna kai pe si atena ilakokenna. Puas nge iakapna janah meriah nge ukurna? Sanga iukurina mulihken kai si nggo ilakokenna, nina, “Kueteh maka kerina e la lit ertina.” Janah nina, “Kerina si kubahan e la kap lit kai pe gunana.” (Pengerana 2:11) Setuju nge kam kai si ikataken Salomo e?
Obedience to Jehovah is good for us and makes us truly free
15. Engkai maka perlu kam erkiniteken, janah kai gunana e man bandu bagi si ikataken Masmur 32:8?
15 Lit kalak si erlajar arah kesalahen si nggo ibanna bage pe erlajar ia kenca nggo inanamina mesui perban pengelakona. Heber 6:10) Emaka usahakenlah mpepaguh kinitekenndu. Adi usahakenndu e, banci banndu pilihen si mehuli bas geluhndu janah igejapkenndu maka si mehulina ate Bapakta si i surga terjadi man bandu.—Baca Masmur 32:8.
Ate Jahwe ula min si enda terjadi man bandu. AteNa begikenndu min Ia janah patuh man baNa. Emaka arus kam erkiniteken, tapi labo pernah kam pagi menyesal kerna pilihen si nggo ibanndu perban kinitekenndu. Labo pernah ilupaken Jahwe “kekelengen si ibuktiken kena guna gelarNa.” (IBEREKEN DIBATA KEBEBASEN SITUHU-TUHU
16. Engkai maka arus siergai kebebasen janah sigunaken e alu mehuli?
16 Nina Paulus, “I ja lit kesah si badia Jahwe, i je lit kebebasen.” (2 Korinti 3:17) Ngena ate Jahwe kebebasen, janah kita pe iciptakenNa gelah ngena ateta kebebasen. Tapi ate Jahwe sipake kebebasen e alu mehuli gelah banci kita terlindungi. Banci saja lit temanndu si ngenen pornografi, lit si ngelakoken perbahanen seks si salah, ikut bas olahraga si berbahaya, ntah pe make narkoba ras minem alkohol ngasa mabuk. Banci saja tempa meriah tangtangna, tapi biasana lit akibatna, bagi pinakit, kecandun, ntah pe banci saja mate. (Galati 6:7, 8) Iakap anak muda adi ilakokenna e bebas akapna bana, tapi situhuna labo bage.—Titus 3:3.
17, 18. (a) Engkai maka patuh man Dibata erban kita tuhu-tuhu bebas? (b) Engkai maka banci sikataken bebasen nge Adam ras Hawa mbarenda asangken jelma si gundari?
17 Selain si e, patuh man Jahwe erguna banta. Banci kita tuhu-tuhu bebas janah sehat. (Masmur 19:8-12) Adi gunakenndu kebebasenndu alu cara si mehuli, ipilihndu patuh man undang-undang Dibata si sempurna bage pe pedah-pedahNa, banci buktikenndu man Dibata ras orang tuandu maka kam kalak si ertanggung jawap. Banci saja reh tekna orang tuandu man bandu janah banci berekenna terbuen kebebasen. Janah erjanji Jahwe maka lanai ndekah berekenNa me kebebasen si sempurna man kerina si setia baNa. Nina bas Pustaka, kebebasen e “kebebasen si mulia si bali bagi si inanami anak-anak Dibata.”—Roma 8:21.
18 Kebebasen e me si igejapken Adam ras Hawa. Bas Taman Eden mbarenda, sada ngenca larangen Jahwe man kalak e. La banci ipan kalak e buah sada batang kayu si lit i tengah-tengah taman. (Kejadin 2:9, 17) Menurutndu ntah labo adil Dibata e janah kejamsa Ia perban bereNa larangen e? Pasti labo bage! Ukurilah uga buena undang-undang si iban manusia janah ipaksana kalak patuh. Tapi man Adam ras Hawa sada ngenca larangen si ibere Jahwe.
19. Kai si iajarken Jahwe ras Jesus si dungna banci erban kita bebas?
19 Mehuli kel cara Jahwe erurusen Roma 12:9) Bas Khotbah i Deleng, ijelasken Jesus ngkai maka ilakoken jelma kai si la mehuli. (Matius 5:27, 28) Janah bas doni si mbaru pagi, terus iajari Jesus kita selaku Raja bas Kerajan Dibata gelah seri carata rukur ras ia kerna kai si benar ras kai si salah. (Heber 1:9) Sempurna ka pagi iban Jesus perukuren ras dagingta. Bayangken pagi lanai kita tergoda ngelakoken si la mehuli janah lanai mesera siakap perban la sempurna. Dungna sigejapken me “kebebasen si mulia” bagi si ijanjiken Jahwe.
ras kita. Labo berekenNa melala aturen man banta, tapi sabar Ia ngajari kita gelah patuh man hukum kerna kekelengen. IajariNa kita ndalanken patoken-patokenNa, janah iajariNa ka gelah segat ateta kai si la mehuli. (20. (a) Uga Jahwe nggunaken kebebasenNa? (b) Uga carandu ngusih Ia?
20 Bas doni si mbaru pe terbatas nge kebebasenta. Kai maksudna? Kai pe si ilakoken kita arus perban keleng ateta man Dibata ras kalak si deban. Adi lit keleng bas kita, enda ertina siusih Jahwe. Amin gia la lit batasna kebebasen Jahwe, kerina si ilakokenNa perban keleng ateNa, termasuk sanga erurusen ras kita. (1 Johanes 4:7, 8) Emaka banci kita tuhu-tuhu bebas adi siusih Dibata.
21. (a) Uga perasan Daud kerna Jahwe? (b) Kai si man bahasenta bas artikel seterusna?
21 Ngata bujur nge kam man Jahwe kerna kerina si mehuli si berekenNa bandu? Enggo iberekenNa pangan rohani, teman si mehuli, cita-cita rohani, arapen ndatken kebebasen si sempurna bas masa depan, bage pe melala pemere si luar biasa si debanna. (Masmur 103:5) Banci saja seri perasanndu ras Daud sanga ikatakenna bas totona si itulis bas Masmur 16:11, nina, “ItuduhkenNdu bangku dalan si perlawesna kempak kegeluhen. I adep-adepenNdu dem keriahen, i bas tanNdu kap kesenangen.” Bas artikel seterusna, banci sibahas kai ka kebenaren si meherga arah Masmur 16. I je kari banci tehndu dalan geluh si mehulina!