“Jumpa Pardis Pagi!”
“Kam ras aku i Pardis pagi.”—LUKAS 23:43.
1, 2. Kai saja pendapat kalak kerna pardis?
ENTEREM turang seninata reh arah erbage negara ku kota Seoul, Korea, guna ngikuti kebaktin. Kenca nggo dung kebaktin, ikelilingi Saksi arah Korea me kalak e. Sidada-dadan kalak e janah ikatakenna, “Jumpa Pardis pagi, ya!” Megogo kel ate kalak e. Menurutndu, kai nge pardis si ikatakenna e?
2 Gundari, la seri kerina pendapat kalak kerna pardis. Piga-piga kalak ngatakenca pardis e labo tuhu-tuhu lit. Si deban ngataken pardis e ingan meriah-riah. Lit ka si ngataken adi sangana ia melihe janah mbue pangan i lebe-lebena, e me pardis. Puluhen tahun si nggo lewat, meriah kel akap sekalak diberu sanga idahna lembah si melala bungana i je janah nina, “Andiko, Pardis!” Gundari pe ingan e igelari denga Pardis amin gia tiap tahun itutupi salju si kapalna banci lebih 15 meter. Menurutndu, kai kin Pardis e? Arapkenndu nge e?
3. Ndigan tangtangna kel ituriken kerna Pardis bas Pustaka?
3 Bas Pustaka ituriken kerna pardis si pernah lit Kejadin 2:8, “Tangtangna nari ibahan Tuhan Dibata sada pardis kesenangen: janah i je me itamakenNa manusia si enggo ijadikenNa e.” (Cetak tebal itambahken.) Bas bahasa Heber, enda ikataken ‘Taman Eden.’ Kata “Eden” ertina “Kesenangen,” payo taman e taman kesenangen. Tuhu-tuhu meriah i je, melala pangan, janah binatang ras manusia banci erteman.—Kejadin 1:29-31.
mbarenda bage pe si lit pagi. Tangtangna kel sibaca kerna Pardis eme bas buku si pertama bas Pustaka. Bas Pustaka Katolik Douay Version, si iterjemahken arah bahasa Latin, nina4. Engkai maka banci sikataken Taman Eden e pardis?
4 Kata “taman” bas bahasa Heber iterjemahken jadi pa·raʹdei·sos bas bahasa Junani. Nina sada kamus Cyclopaedia si iban M’Clintock ras Strong adi ibegi kalak Junani kata pa·raʹdei·sos, mis ibayangken kalak e ingan si mejile, taman si mbelang ras aman, lit pohon-pohon si erbage-bage buahna janah lit sungai si bersih si i sekelilingna padang rumput ingan kijang ras biri-biri ipermakani.—Bandingken Kejadin 2:15, 16.
5, 6. Engkai maka lanai banci Adam ras Hawa tading bas Pardis? Janah kai penungkunen piga-piga kalak?
5 Itamaken Jahwe me Adam ras Hawa bas taman e, eme pardis. Tapi perban la patuh kalak e man Jahwe, lanai banci kalak e tading bas Pardis, bage pe anak-anakna. (Kejadin 3:23, 24) Amin gia lanai lit kalak tading bas Pardis, tetap denga nge taman e lit ngasa reh Banjir si Mbelin bas jaman Nuah.
6 Banci saja piga-piga kalak tersungkun-sungkun, ‘Banci denga nge lit Pardis e i doni pagi?’ Kai buktina? Engkai maka tek kam banci kam nggeluh bas Pardis ras kalak si keleng atendu? Banci nge jelaskenndu ngkai maka kam tek pardis e pasti lit pagi?
BUKTI MAKA LIT PAGI PARDIS
7, 8. (a) Kai janji Dibata man Abraham? (b) Kai kira-kira si iteh Abraham arah janji Dibata?
7 Jawapen si pasna kel banci sidat arah Pustaka, sebap buku e rehna arah Jahwe, si erban Pardis mbarenda. Perdiateken kai si ikataken Dibata man temanNa Abraham. Nina Dibata ipebuena kari keturunen Abraham “bali ras kersik i tepi lawit.” Iban Jahwe ka janji si penting man Abraham, nina, ‘Kerina bangsa-bangsa mindo pagi bangKu gelah Kupasu-pasu ia bagi enggo Kupasu-pasu keturunenndu e, perban nggo begikenndu perentahKu.’ (Kejadin 22:17, 18) Kenca e, erjanji ka mulihi Dibata man anak Abraham bage pe kempuna.—Baca Kejadin 26:4; 28:14.
8 La pernah ikataken bas Pustaka Abraham erpengakap maka kalak ndatken upah nggeluh bas pardis i surga. Emaka sanga erjanji Dibata “kerina bangsa-bangsa” dat pasu-pasu, iteh Abraham maka pasu-pasu e bas doni pagi. Tapi enda kin ngenca bukti maka pardis e terjadi pagi i doni?
9, 10. Kai ka janji Dibata si erban kita tek maka pardis e pasti terjadi pagi?
Masmur 37:1, 2, 10) Tapi, “kalak si meteruk rukur ndatken taneh e, inanamina kedamen ras kesenangen.” Ikataken Daud ka, “Kalak bujur me si ndatken bagin taneh i bas negeri e, janah ringan ia i je rasa lalap.” (Masmur 37:11, 29; 2 Samuel 23:2) Menurutndu, kai pengaruh janji e man kalak si ngelakoken peraten Dibata? Dungna banci kalak e tek maka kalak si benar banci nggeluh bas doni pagi, si nggo bali bagi pardis bas Taman Eden.
9 Isuruh Dibata salah sada keturunen Abraham eme Daud, ngataken maka bas wari si pepagi “kalak jahat pedas me lesap.” (Nubuat-nubuat si terjadi erban kita tek maka lit pagi pardis i doni
10 Ndekah kenca si e, nterem kalak Israel ngaku ngelayani Jahwe, tapi itulak kalak e Ia janah lanai ate kalak e nembah Ia. Emaka ipediat Dibata kalak Babilon naluken kalak e, ikernepkenna kutana, janah nterem si itaban. (2 Kronika 36:15-21; Jeremia 4:22-27) Tapi ikataken Dibata arah nabiNa maka umatNa mulihken pagi ku kutana kenca 70 tahun. Kata-kata e tuhu-tuhu terjadi. Tapi janji enda pe terjadi ka bas jamanta gundari. Sanga sibahas kari e, perdiateken uga si e kerina banci erban kita tek maka pardis e lit bas doni enda pagi.
11. Uga nge Jesaya 11:6-9 terjadi mbarenda, janah penungkunen kai si banci saja lit?
11 Baca Jesaya 11:6-9. Ikataken Dibata man nabi Jesaya maka sanga mulih kari kalak Israel ku kuta kemulihenna, pasti dame i je. La perlu kalak e mbiar man kalak jahat ntah pe mbiar iserang binatang. Si nggo metua ras si nguda denga pe aman kerina. Meteh si e, teringet nge kam situasi si aman si lit bas Taman Eden mbarenda? (Jesaya 51:3) Ikataken Jesaya ka maka kerina doni, labo kalak Israel saja, si ‘dem alu pemeteh kerna Jahwe bali ras lawit dem alu lau.’ Ndigan nge e terjadi? Enda terjadi bas masa depan.
12. (a) Pasu-pasu kai si idatken kalak Israel si mulih arah Babilon? (b) Kai buktina maka terjadi ka pagi Jesaya 35:5-10?
12 Baca Jesaya 35:5-10. Perdiatekenndu bas ayat enda, mulihi ka ikataken Jesaya maka kalak Israel si mulih arah Babilon labo kari iserang binatang ntah pe kalak jahat. Ikatakenna ka maka melala pangan bas kuta kemulihen kalak e perban la kurang lau i je, bagi si lit i bas Taman Eden. (Kejadin 2:10-14; Jeremia 31:12) Man kalak Israel saja nge nubuat e terjadi? Perdiateken, nubuat e pe ngataken maka malem me kerina kalak pentang, kalak lumpuh, bage pe kalak pasek. Tapi enda la terjadi man kalak Israel si mulih arah Babilon. Enda mbuktiken maka kerina pinakit ipepalem Dibata pagi.
13, 14. Uga Jesaya 65:21-23 terjadi sanga kalak Israel mulih arah Babilon, tapi nubuat si apai bas ayat e si lenga terjadi? (Nen gambar pemena artikel.)
13 Baca Jesaya 65:21-23. Sanga mulihken kalak Jahudi ku kuta kemulihenna, la lit i je rumahna, juma, ras kebun anggurna. Tapi perban ipasu-pasu Dibata kalak e, berubah me keadanna. Bayangken uga riahna ukur kalak e sanga ibangunna rumahna janah tading ia i je, bage pe sanga ipanna pangan bekasna nuan!
14 Perdiateken ka kai nina ayat ndai, gedang pagi umurta “bali ras batang kayu.” Piga-piga batang kayu banci nggeluh ribun tahun dekahna. Gelah banci bage dekahna kita nggeluh, arus kita tuhu-tuhu sehat. Adi tading kita bas ingan si seh kel jilena ras dame bagi si ikataken Jesaya ndai, enda me pardis situhu-tuhu! Pasti terjadi pagi nubuat e!
Kai si terjadi pagi sanga janji Jesus kerna Pardis itepati? (Nen paragrap 15, 16)
15. Kai saja pasu-pasu si icatat bas buku Jesaya?
15 Kerina janji si nggo ibahas enda ndai mbuktiken maka lit pagi pardis. Kerina kalak si lit bas doni ipasu-pasu Dibata. La kita mbiar iserang binatang ntah pe kalak jahat. Malem me kerina kalak pentang, pasek, bage pe lumpuh. Sibangun pagi rumah inganta tading janah sipan pangan bekasta nuan. Gedangen pagi umurta asangken umur batang kayu. Enggo jelas bukti si lit bas Pustaka maka pardis pasti terjadi. Tapi nina piga-piga kalak labo mungkin nubuat kerna pardis terjadi i doni. Uga nge nindu? Engkai maka tek kel kam pardis e terjadi pagi i doni? Jesus, manusia si seh kel hebatna si pernah nggeluh i doni, mereken alasen si jelas man banta.
KAM PAGI I PARDIS!
16, 17. Ndiganai ikataken Jesus kerna Pardis?
16 Amin gia Jesus la erdosa, iukum ia janah igantung bas sada tiang ngayak mate. Lit dua penjahat kalak Jahudi si igantung radu ras ia, bas sebelah kananna ras sebelah kirina. Sekalak penjahat e itehna maka Jesus e raja, emaka nina, “O Jesus, inget min aku sanga kam masuk ku Kerajanndu.” (Lukas 23:39-42) Janji Jesus man penjahat e banci mpengaruhi masa depanta. Kata-kata Jesus e lit bas Lukas 23:43. Piga-piga sarjana ibanna tanda koma sope kata “wari enda” janah iterjemahkenna jadi, “Situhuna kukataken bandu, wari enda kam ras aku i Pardis pagi.” Lit perbedan pendapat kerna i ja nge arusna tanda koma e iban bas kalimat e. Tapi kai maksud Jesus sanga ikatakenna “wari enda”?
17 Bas melala bahasa gundari, tanda koma ipake guna mperjelas makna kalimat. Tapi bas naskah Junani si pertama kel, tanda baca labo lalap ipake. Emaka banci saja kita tersungkun-sungkun, si apai nge situhuna si ikataken Jesus: “Situhuna kukataken bandu, wari enda kam ras aku i Pardis pagi”? Ntah, “Situhuna kukataken bandu wari enda, kam ras aku i Pardis
pagi”? Lit penerjemah si ibanna tanda koma sope ntah pe kenca kata “wari enda.” Banna bage perban bage iakapna si imaksudken Jesus, janah enda banci nenndu bas piga-piga Pustaka gundari.18, 19. Keterangen kai si banci erban kita ngangkai maksud kata-kata Jesus kerna “wari enda”?
18 Ingetlah kai si ikataken Jesus man murid-muridna kerna kematenna. Nina, “Anak manusia e telu wari telu berngi dekahna i bas beltek taneh enda.” Nina ka, “Anak manusia ihianati pagi bas tan musuhna, janah ibunuh kalak e me ia. I bas wari si peteluken, ipekeke me ia.” (Matius 12:40; 16:21; 17:22, 23; Markus 10:34) Ikataken rasul Petrus maka enda terjadi. (Perbahanen Rasul-Rasul 10:39, 40) Emaka labo Jesus ku Pardis i bas wari sanga ia ras penjahat e mate. Nina Pustaka lit telu wari Jesus “i bas Kuburen,” kenca si e ipekeke Dibata ia.—Perbahanen Rasul-Rasul 2:31, 32. * (Nen keterangen tambahen.)
19 Emaka sanga ikataken Jesus, “Situhuna kukataken bandu wari enda,” Ulangen 6:6; 7:11; 8:1; 30:15.
Jesus sangana erjanji man penjahat e. Cara ngerana si bage nggo biasa bas jaman Musa. Pernah ikataken Musa, “Ola ndigan pe lupaken kerina perentah-perentah si kubereken sendah man bandu.”—20. Keterangen kai ka si banci nampati kita ngangkai kata-kata Jesus?
20 Nina sekalak penerjemah Pustaka arah Timur Tengah, “Si itekanken bas ayat enda, eme kata ‘wari enda,’ emaka arusna ibaca, ‘Situhuna kukataken bandu wari enda, kam ras aku i Pardis pagi.’ Janji e iban bas wari e, janah pasti itepati bas pudi wari.” Ikatakenna ka bage me kebiasan kalak ngerana bas daerah e janah enda mbuktiken maka “janji e iban bas wari tertentu janah pasti itepati.” Pustaka bahasa Siria kira-kira 1.600 tahun si nggo lewat nerjemahken ayat e jadi, “Amin. Kukataken bandu wari enda maka ras aku nge kam pagi bas Taman Eden.” Terpegegehi kel kita kerina kerna janji e.
21. Kesempaten kai si la ibereken man penjahat e, janah engkai?
21 Sanga ikataken Jesus man penjahat e kerna Pardis, labo imaksudkenna pardis e lit bas surga. Janari banci siteh? Salah sada alasenna, la iteh penjahat e nggo iban Jesus perjanjin ras rasul-rasulna si setia guna merentah ras ia i surga. (Lukas 22:29) Janah, penjahat e pe lenga iperidiken. (Johanes 3:3-6, 12) Jadi, penjahat e labo ipilih guna ku surga. Emaka sanga erjanji Jesus man penjahat e pasti si icakapkenna kerna pardis i doni. Banci nge kam kari lit i je?
SI BANCI IARAPKENNDU
22, 23. Kai si banci iarapkenndu?
22 Ingetlah kai si ikataken Daud kerna lit pagi masana “kalak bujur me si ndatken bagin taneh i bas negeri e.” (Masmur 37:29; 2 Petrus 3:13) Si imaksudken Daud eme sada masa i ja kerina kalak i doni patuh man pedah-pedah Dibata. Nubuat bas Jesaya 65:21, 22 ngataken, “Gedang pagi umur bangsaKu, bali ras batang kayu.” Je nari banci siteh maka kalak si ngelayani Jahwe bas doni si mbaru pagi banci nggeluh ribun tahun dekahna. Iarapkenndu nge e? Ue, perban menurut Ketangkasen 21:1-4, ipasu-pasu Dibata me manusia. Salah sada pasu-pasuNa eme “lanai pagi lit kematen.”
23 Enggo jelas kai si iajarken Pustaka kerna Pardis. Enggo bene kesempaten Adam ras Hawa nggeluh rasa lalap i je, tapi doni enda mulihi ka pagi jadi pardis. Bali bagi janji Dibata, ipasu-pasuNa kerina manusia i doni. Ikataken Daud maka kalak si meteruk ukur ras kalak si bujur banci nggeluh rasa lalap i doni pagi. Janah nubuat bas buku Jesaya erban kita tertima-tima gelah banci tading bas pardis i doni si erban meriah geluhta. Ndigan nge e terjadi? Sanga janji Jesus man penjahat e itepati. Kam banci nggeluh bas Pardis e. I je me kari kai si ikataken turang seninata bas kebaktin i Korea tuhu-tuhu terjadi, “Jumpa Pardis pagi, ya!”
^ par. 18 Itulis Profesor C. Marvin Pate melala sarjana si tek maka sanga ikataken Jesus “wari enda,” si imaksudken Jesus eme sanga ia mate mis ia bas Pardis bas wari e. Ikataken Profesor Pate ka maka pendapat enda lenga tentu benar perban la cocok ras keterangen-keterangen si deban bas Pustaka. Contohna, nina Pustaka kenca Jesus mate lit ia bas Kuburen janah kenca si e lawes ia ku surga.—Matius 12:40; Perbahanen Rasul-Rasul 2:31; Roma 10:7.