Kenca ibacandu kerina majalah Sora Ermomo tahun 2019, banci nge jawapndu penungkunen-penungkunen enda?

Kai nge maksud janji Dibata: “La lit senjata si banci nakiti kam”? (Jes. 54:17)

Banci kita tek ilindungi Jahwe kita arah ‘kalak merawa si ngayak-ngayak’ kita. (Jes. 25:4, 5) La banci iambati musuhta kita ndatken kegeluhen si rasa lalap.​—w19.01, hal. 6-7.

Arah kai si ilakoken Dibata man kalak Kanaan bage pe man kalak Israel si la patuh, kai si banci siteh kerna keadilen Dibata?

Iukum Dibata kalak si ngelakoken perbahanen seks si seh kel cigana janah iukumNa ka kalak si la mehuli man diberu ras anak-anak. Ipasu-pasuNa kalak si patuh man baNa bage pe kalak si adil man kalak si deban.​—w19.02, hal. 22-23.

Kai nge si arus silakoken sanga lit si ertoto tapi la ia sada kiniteken ras kita?

Bas keadan si bage, sinik saja kita janah sopan, tapi la sikataken “amin” ntah pe la sijemak tan kalak si lit i je sanga ertoto. Banci kita ertoto bas pusuhta.​—w19.03, hal. 31.

Uga nge parahna pelecehen anak?

Pelecehen anak eme dosa man korban, man runggun, man pemerentah, bage pe man Dibata. Pertua arus patuh man undang-undang pemerentah bas inganna tading kerna ngelaporken kalak si iduga ngelakoken pelecehen anak.​—w19.05, hal. 9-10.

Uga carana mperobahi caranta rukur?

Carana eme: Ertotolah man Jahwe. Siukurilah alu mbages gelah siteh kai si perlu siperobahi. Pilihlah teman si mehuli.​—w19.06, hal. 11.

Uga carana ersikap ngadapi penganiayan?

Arus reh rembakna kita ras Jahwe. Teklah kita maka keleng ate Jahwe kita janah la pernah kita itadingkenNa. Bacalah Pustaka tiap wari, janah raturlah kita ertoto. Teklah kita maka janji-janji Dibata pasti terjadi. Hapallah ayat-ayat favoritndu bage pe lagu-lagu si lit bas buku ende-endenta ras si lit bas jw.org.​—w19.07, hal. 2-4.

Uga carana gelah keluarganta banci selamat?

Siusahakenlah ngangkai perasanna, mehulilah perbahanenta, janah sabarlah kita.​—w19.08, hal. 15-17.

Engkai maka banci kita terpegegehi bagi janji Jesus bas Matius 11:28?

Lit pengawasta si seh kel ulina, lit teman-temanta si seh kel ulina, janah lit pendahinta si seh kel pentingna.​—w19.09, hal. 23.

Kai si ilakoken Jahwe gelah lit sura-suranta ras gegehta guna ngelakoken peratenNa? (Pil. 2:13)

Sanga sibaca Pustaka janah siukuri alu mbages, banci ibereken Jahwe man banta sura-sura ras gegeh guna ngelakoken peratenNa. IberekenNa kesah si badia gelah banci kita reh beluhna.​—w19.10, hal. 21.

Kai saja si arus ilakokenndu sope ibanndu keputusen si penting?

Lit lima si arus ilakokenndu: Banlah riset. Ertotolah mindo kepentaren. Ukurilah kai alasenndu erban keputusen. Jelaslah ban tujunndu. Masuk akal lah kam.​—w19.11, hal. 27-29.

Payo nge ajaren kerna tendi si la banci mate mulai lit sanga ngerana Setan man Hawa?

Lang. Labo ikataken Setan maka mate Hawa janah tendina nggeluh denga bas ingan si deban, tapi ikatakenna adi ipan Hawa buah batang kayu e, ‘labo kari ia mate.’ Selain si e, lanai lit ajaren palsu kenca Banjir si Mbelin. Ajaren kerna tendi si la banci mate banci saja mulai lit sope merap iban Dibata kalak si mbangun menara i Babil.​—w19.12, hal. 15.