Penungkunen Si Mbaca
Ikataken Setan man Hawa maka labo ia mate adi ipanna buah batang kayu pemeteh kerna si mehuli ras si jahat. Payo nge paksa si e ipebetehken Setan man bana maka lit tendi manusia si la banci mate, bagi si iteki nterem jelma gundari?
Lang. Sanga igoda Setan Hawa gelah ipanna buah si ilarang Dibata, labo ikatakenna maka mate Hawa janah tendina nggeluh denga bas ingan si deban. Arah sada nipe, ikataken Setan maka adi ipan Hawa buah batang kayu e, ‘labo kari ia mate.’ Situhuna, maksud Setan banci Hawa terus nggeluh i doni janah pasti meriah kel geluhna la pe isampati Dibata.—Kej. 2:17; 3:3-5.
Adi ajaren palsu kerna tendi si la banci mate labo lit bas Taman Eden, ndigan nge ajaren e mulai lit? La siteh ndigan pastina. Tapi sanga terjadi Banjir si Mbelin bas jaman Nuah, siteh maka Nuah ras keluargana ngenca si selamat, janah kerina kalak e nembah Jahwe. Lanai lit ajaren palsu sanga terjadi Banjir si Mbelin.
Emaka, ajaren kerna tendi si la banci mate pasti mulai lit kenca Banjir si Mbelin. Sanga ikacauken Dibata bahasa i Babil janah ‘merap manusia ku belang-belang doni,’ iajarken kalak e ka man kalak si deban kerna tendi si la banci mate. (Kej. 11:8, 9) La soal ndigan ajaren palsu e mulai lit, siteh maka Setan si Iblis “bapak kalak si perbual” si erbanca lit ajaren palsu e, janah meriah kel akapna perban nterem jelma gundari si tek man bual e.—Joh. 8:44.
Mungkin Menarik Ka Kapndu
SORA ERMOMO—EDISI PELAJAREN
Penungkunen Si Mbaca—Juli 2022
SORA ERMOMO—EDISI PELAJAREN
Penungkunen Si Mbaca-April 2022
Adi lit kalak Kristen si ceraikenna diberuna tapi alasenna la sesuai ras Pustaka nce erjabu ia ras si deban, uga nge akap runggun perjabunna si sebelumna ras perjabunna si mbaru e?
SORA ERMOMO—EDISI PELAJAREN
Penungkunen Si Mbaca—Maret 2022
SORA ERMOMO—EDISI PELAJAREN
Penungkunen Si Mbaca—Desember 2021
SORA ERMOMO—EDISI PELAJAREN
