Sisembah Jahwe labo saja bas perpulungen ntah pe sanga pertemuan wilayah ras regional. Tapi termasuk sanga silakoken pelajaren pribadi ntah pe ibadah keluarga. Enda piga-piga saran si banci sigunaken sanga pelajaren pribadi ntah pe ibadah keluarga:

• Mpersiapken bahan-bahan guna perpulungen. Kita ras kerina anggota keluargata banci mpersiapken komentar janah latihen ngendeken lagu Kerajan.

• Baca salah sada cerita si lit bas Pustaka. Kenca si e, ban gambar kerna kai si terjadi bas cerita e ntah tulis pelajaren kai si banci sidat arah cerita e.

• Baca salah sada toto si icatat bas Pustaka. Kenca si e, ukuri ntah pe bahas kai si banci ipelajari arah toto e gelah totota banci reh ulina.

• Tontonlah sada video arah organisasi. Kenca si e, bahas ntah tulis pelajaren kai si banci sidat arah video e.

• Persiapen guna erberita. Banci iban latihen guna erberita.

• Perdiatekenlah ciptan. Kenca si e, bahas ntah pe ukuri kai saja si banci sipelajari kerna Jahwe arah ciptan e. a