Baca Kejadin 37:​23-28; 39:​17-23 gelah tehndu uga cara Jusup ngadapi perbahanen si la adil.

Pelajari terdauhen konteksna. Engkai maka iadapi Jusup perbahanen si la adil? (Kej. 37:​3-11; 39:​1, 6-10) Asa kai nge dekahna iadapina perbahanen si la adil? (Kej. 37:2; 41:46) Sanga ngadapi situasi e, uga nge Jahwe nampati ia, janah kai si la ilakoken Jahwe?—Kej. 39:​2, 21; w23.01 17 par. 13.

Banlah riset. Amin pe Jusup ipitnah diberu Potipar, labo lit ikataken bas Pustaka ibela Jusup dirina. Uga nge ayat-ayat enda banci nampati kita ngangkai alasen Jusup la mbela dirina? Uga ayat-ayat enda banci nampati kita meteh engkai maka labo kerinana ituriken bas Pustaka kerna si e? (Kua. 20:2; Joh. 21:25; Perb. 21:37) Sipat kai saja nge si icidahken Jusup gelah ngasup ia ngadapi perbahanen si la adil?—Mi. 7:7; Luk. 14:11; Jak. 1:​2, 3.

Ukurilah kai pelajarenna. Ukurilah penungkunen-penungkunen enda:

• ‘Perban aku pengikut Jesus, perbahanen si la adil kai nge si banci saja kuadapi?’ (Luk. 21:​12, 16, 17; Heb. 10:​33, 34)

• ‘Kai nge si banci kulakoken gundari nari gelah ngasup pagi aku megenggeng ngadapi perbahanen si la adil?’ (Ms. 62:​7, 8; 105:​17-19; w19.07 2-7)