Download:

• Not Balok

1. 1. Jahwe, Dibata Si Mulia,

   Kam Si Madakuasa.

   Nggit Kam mungkuk surga nari

   Guna mperdiateken aku.

   Gia aku enda abu,

   Nggit Kam rembak ras aku.

   Keleng kel ateNdu aku,

   Uga nge ningku mbalassa?

   (REFREIN)

   Bapak Jahwe, arah pusuh nari,

   Rende aku man baNdu.

   Kam kel ngenca Raja Si Hebatna,

   La kel lit si bagi Kam.

   Terus Kam kumuliaken.

2. 2. Kub’reken geluhku baNdu

   Guna muji gelarNdu.

   Kub’ritaken man kerina

   PerbahanenNdu si mulia.

   Bangga kel aku, o Jahwe,

   Banci ngelayani Kam.

   Kam kel ngenca Dibataku,

   Lalap aku iteguNdu.

   (REFREIN)

   Bapak Jahwe, arah pusuh nari,

   Rende aku man baNdu.

   Kam kel ngenca Raja Si Hebatna,

   La kel lit si bagi Kam.

   Terus Kam kumuliaken.

3. 3. Berngi, bulan si nerangi,

   Ciger, lit matawari.

   Enda bukti kek’lengenNdu,

   Kepentaren, ras kuasaNdu.

   K’rina si iciptakenNdu

   Tuhu luar biasa.

   Kam ngenca si metunggungna

   Kumuliaken ras kupuji.

   (REFREIN)

   Bapak Jahwe, arah pusuh nari,

   Rende aku man baNdu.

   Kam kel ngenca Raja Si Hebatna,

   La kel lit si bagi Kam.

   Terus Kam kumuliaken.