LAGU 152
Ingan guna Muji GelarNdu
(1 Raja-Raja 8:27; 1 Kronika 29:14)
1. Jahwe, Kam me Si Meganjangna,
Kam si nciptaken kerina.
Langit si mbelang pe la siat
Man inganNdu guna tading.
B’rekenNdu kesah si badia
Man kami si lit i jenda.
Meriah ukur kami k’rina,
Ersada ngelayani Kam.
(BRIDGE)
B’reken kami baNdu
K’rina si mehulina.
Enda pe datken kami
Bas Kam nari k’rina.
(REFREIN)
’Nggo jadi si arapken kami,
Ingan guna muji g’larNdu.
Rende kami bas pusuh nari,
Bujur kel ning kami baNdu.
2. Jahwe, berekenNdu man kami
Ingan si mejile enda.
Seh kel riahna ukur kami,
ItehNdu keperlun kami.
Sampati kami t’rus setia
Ndalanken k’rina p’rentahNdu.
Tetap semangat erberita,
Bagi si pindo AnakNdu.
(BRIDGE)
B’reken kami Jahwe,
Waktu ras gegeh kami.
Kam kel ngenca si patut
Ndatken kerina e.
(REFREIN)
’Nggo jadi si arapken kami,
Ingan guna muji g’larNdu.
Rende kami bas pusuh nari,
Bujur kel ning kami baNdu.
