LAGU 31
Erdalanlah Ras Dibata
(Miha 6:8)
-
1. Erdalanlah ras Dibata
Alu meteruk ukur.
Teruslah patuh, ula kam ndauh
Arah Kata Dibata.
Pasti kam itegu-teguNa
Ku dalan si benar
Adi kam tetap setia
Ndalanken perentahNa.
-
2. Erdalanlah ras Dibata,
Teruslah kam badia.
Tetap ukuri kai si benar,
Si bersih, ras mehuli.
Teruslah andalken Dibata
Gia lit masalah.
Pasti kam isampatiNa,
BereNa pasu-pasu.
-
3. Erdalanlah ras Dibata
Alu meriah ukur.
BereNa banta pasu-pasuNa,
Bujur ninta man baNa.
Cidahkenlah man k’rina jelma
Keriahen ukurta.
Rendelah arah pusuhta,
Jahwe kap Dibatata.
(Nen ka Kej. 5:24; 6:9; Pil. 4:8; 1 Tim. 6:6-8.)
