LAGU 75
“Suruhlah Aku!”
-
1. ’Nterem si nokohi Jahwe,
Gelar Jahwe la ergaina.
Nina, “Dibata e kejam,
La keleng ateNa kita.”
Ise nge si mbela Jahwe?
Ise nge si muji Ia?
(REFREIN 1)
‘O Jahwe, suruhlah aku!
Kupebadia gelarNdu.
Sada kehamaten man bangku.
Jahwe, suruhlah aku!’
-
2. ’Nterem si nembah berhala,
Si debanna muji raja.
Lanai mbiar man Dibata,
Nina, “Labo lit Dibata.”
Ise si ngingetken ia
Kerna wari rawa Jahwe?
(REFREIN 2)
‘O Jahwe, suruhlah aku!
Kuberitaken KataNdu.
Sada kehamaten man bangku.
Jahwe, suruhlah aku!’
-
3. Reh buena kalak jahat,
’Nterem kalak latih kapna.
Daramina alu tutus
Kedamen situhu-tuhu.
Ise si nampati ia
Gelah rembak ras Dibata?
(REFREIN 3)
‘O Jahwe, suruhlah aku!
Kuajari si nggit megi.
Sada kehamaten man bangku.
Jahwe, suruhlah aku!’
