Ende-enden 152
Kam Gegeh, Arapen, Ingan Ernalem
-
Bapa Jahwe bereNdu kami
arapen si merga.
Ate kami doni meteh
kerna arapen e.
Tapi perbeben kegeluhen
erbahan kami aru.
Arapen si ersinalsal
rempet menam bene.
(REFREIN)
Kam gegeh, arapen,
ingan ernalem.
K’rina si kurang, bereNdu.
Erb’rita ras ngajar
la kami mbiar,
perban ernalem man baNdu.
-
O Jahwe ras min kita lalap,
la kal terlupaken;
Kam lalap ngapuli kami
paksa kiniseran.
Megegeh ras salang kap kami,
arapen lit mulihken,
Erban kami pang pembarken
kerna gelarNdu e.
(REFREIN)
Kam gegeh, arapen,
ingan ernalem.
K’rina si kurang, bereNdu.
Erb’rita ras ngajar
la kami mbiar,
perban ernalem man baNdu.
(Nehen ka Msm. 72:13, 14; Kua. 3:5, 6, 26; Jer. 17:7.)
