Heber 2:1-18
2 Eme sebapna perlu kita reh tutusna asangken biasana i bas mperdiateken kai si nggo sibegi gelah ula kita mombak.
2 Adi kata si ipeseh arah malekat e terbukti banci iteki, janah tiap kalak si erban pelanggaren ntah pe si la patuh patut ndatken ukumen si adil,
3 uga kita banci bebas adi la siperdiateken keselamaten si mbelin e? Kata e tangtangna ipeseh erkelangken Tuanta janah kalak si megiken ia mbuktikenca man banta.
4 Selain si e, ibereken Dibata kesaksin alu nggunaken mukjizat, tanda-tanda si luar biasa, ras erbage-bage perbahanen si luar biasa. IberekenNa kesaksin alu mbagi-mbagiken kesah si badia man budak-budakNa sue ras peratenNa.
5 La ibereken Dibata man malekat-malekat kuasa guna merentah doni si nandangi reh e, e me doni si sangana sicakapken gundari.
6 Tapi, pernah ikataken sekalak saksi, “Kai kin manusia e maka ingetNdu ia, ntah kai kin anak manusia e maka ermediate Kam man bana?
7 IbanNdu ia teruhen sitik asangken malekat-malekat. ImahkotaiNdu ia alu kemulian ras kehamaten, janah ibanNdu ia erkuasa nandangi kai si iciptaken tanNdu.
8 Kerinana ibanNdu patuh i teruh nahe Kristus. Alu erban kerinana patuh man bana, la lit si ipediat Dibata si la patuh man bana. Gundari, memang lenga siidah kerinana patuh man bana.
9 Tapi siidah Jesus iban teruhen sitik asangken malekat, imahkotai alu kemulian ras kehamaten perban nggo inanamina kiniseran seh asa mate. Erkiteken lias ate Dibata si mbelin, inanamina kematen guna kerina kalak.
10 Kerinana lit erkelangken Dibata janah guna Dibata. Emaka patut kap Dibata erban Kalak si Ipilih guna mere kegeluhen jadi sempurna alu kiniseran. Alu bage, banci nterem anak-anakNa imuliaken ras iselamatken erkelangken Kalak si Ipilih guna mere kegeluhen.
11 Si mpebadiaken bage pe si ipebadiaken rehna i bas sada Bapak nari, emaka la ia mela ngakui kalak e seninana,
12 nina, “Kupebetehken gelarNdu man senina-seninaku. Rende aku muji Kam i tengah-tengah perpulungen.”
13 Nina ka, “Man baNa kap aku tek.” Selain si e nina, “Enda kap aku bage pe anak-anak si kitik si ibereken Jahwe man bangku.”
14 Emaka, ia jadi manusia perban “anak-anak si kitik” e manusia,* gelah arah kematenna banci ikernepkenna Iblis si banci erban manusia mate.
15 Selain si e, banci ibebaskenna kerina kalak si segedang geluhna iperbudak erkiteken mbiar nandangi kematen.
16 Si isampatina labo malekat-malekat tapi kesusuren* Abraham.
17 E me sebapna maka i bas kai pe arus ia bali bagi “senina-seninana,” gelah banci ia jadi imam si mbelin si dem alu perkuah ate ras setia i bas ngelayani Dibata. Alu bage banci ipersembahkenna korban pendamen guna dosa manusia.
18 Erkiteken ia sendiri pernah ngenanami kiniseran sanga iuji, emaka banci isampatina kalak si sangana iuji.
