Markus 16:1-8
-
Jesus ipekeke (1-8)
16 Kenca dung wari Sabat, itukur Maria Magdalena, Maria nande Jakup, ras Salome rempah-rempah gelah banci lawes ku kuburen guna namakenca ku mayat Jesus.
2 Pagi-pagi si lampas i bas wari pertama minggu e sanga nggo pultak matawari, lawes kalak e ku kuburen.
3 Ngerana kalak e sapih-sapih ia, “Ise kari nampati kita nggulingken batu si nutupi kuburen e?”
4 Tapi sanga inen kalak e, idahna batu e nggo igulingken, aminna pe seh kel galangna.
5 Sanga masuk kalak e ku bas kuburen, sengget kel ia perban idahna sekalak anak perana erjubah mentar kundul arah kanan.
6 Nina man kalak e, “Ula sengget. Idarami kena Jesus kalak Nasaret si nggo ibunuh i bas tiang.* Enggo ipekeke ia. La ia i jenda. Nenlah, i jenda me inganna iamparken.
7 Tapi laweslah, kataken man murid-muridna ras man Petrus, ‘Gundari ia sangana bas perdalanen ku Galilea ngelebei kena. Jumpa jah kari kena, bagi si nggo ikatakenna man kena.’”
8 Emaka kenca kalak e ndarat, kiam ia i bas kuburen e nari, nggirgir kel kalak e janah mamang kel atena. La lit kai pe ikatakenna man ise pe sebap mbiar kel kalak e.*
Cataten i teruh
^ Ntah “kayu.”
^ Menurut tulisen-tulisen si pemena si banci terteki, Injil Markus idungi alu kata-kata si lit i bas ayat 8.
