1 Johanes 1:1-10
1 Itulis kami man kena kerna ia si enggo lit mbarenda nari, si enggo begi kami, si enggo idah kami alu mata kami, si enggo perdiateken kami, ras si enggo dadap kami alu tan kami, eme kap kerna kata si mereken kegeluhen.+
2 (Kegeluhen si rasa lalap e enggo jelas man kami. Enggo idah kami, janah gundari bere kami kesaksin+ ras ceritaken kami kerna si e man kena.+ Kegeluhen si rasa lalap e rehna arah Bapak nari, janah si e enggo jelas man kami.)
3 Kataken kami man kena kai si enggo idah kami ras si begi kami,+ gelah kena pe banci ersada ras kami. Alu bage, kena ersada ras Bapakta bage pe ras AnakNa, Jesus Kristus.+
4 Tulisken kami kerina enda gelah sempurna keriahen ukurta.
5 Enda berita si begi kami arah ia, janah gundari kataken kami man kena: Dibata e sumber terang,+ la lit sitik pe si gelap bas Ia.*
6 Adi ninta, “Ersada kita ras Dibata,” tapi kita tetap erdalan bas gelap, erbual kap kita e janah la silakoken kai si benar.+
7 Tapi adi erdalan kita bas terang, bagi Dibata si lit bas terang, ersada kap kita kerina. Janah banci kita ibersihken arah kerina dosa nari alu dareh AnakNa, Jesus.+
8 Adi ninta, “La lit dosata,” sitipu kap banta,+ janah la lit kebenaren bas kita.
9 Adi siakui dosata, ampuni Dibata dosata janah bersihkenNa arah kerina perbahanen si la benar, perban Ia setia ras adil.+
10 Adi ninta, “La kap pernah silakoken dosa,” siban kap Dibata e perbual janah kataNa la lit bas kita.
Cataten i teruh
^ Ntah “bas persadan ras Ia.”
