1 Korinti 13:1-13
-
Kekelengen e dalan si ndauh ulin (1-13)
13 Adi ngerana aku bas bahasa manusia bage pe bas bahasa malekat, tapi la lit kekelengenku, seri saja aku bagi gung ras penganak si gejek.
2 Adi lit bas aku pemere guna ernubuat, pemere guna ngangkai kerina rahasia si badia ras pemeteh,+ janah paguh kel kinitekenku si erbanca banci kupindahken gunung, tapi la lit kekelengenku, e labo lit ertina.*+
3 Adi kugunaken kerina ertaku ngurus kalak si deban+ janah kukorbanken diriku gelah banci aku bangga, tapi la lit kekelengenku,+ sia-sia kerina e.
4 Kekelengen+ e sabar+ ras mehuli.+ Kekelengen e la percian,+ la tual, la sombong,+
5 sopan,*+ la mentingken bana,+ janah la nukah merawa.+ Kekelengen e la ngkira kesalahen kalak.*+
6 Kekelengen e ermeriah ukur perban kai si benar,+ labo perban kai si la benar.
7 Kekelengen e ngasup nggengken kai pe,+ tek man kai pe,+ tetap erpengarapen,+ janah sabar* bas kai pe.+
8 Kekelengen e la erkeri-kerin.* Tapi pemere guna ernubuat, guna ngerana bas erbage-bage bahasa, janah guna ndatken pemeteh, pasti pagi masap,
9 sebap pemeteh+ ras nubuatta la lengkap.
10 Tapi sanga pemetehta ras nubuatta enggo lengkap, emaka pemeteh ras nubuat si la lengkap e masap pagi.
11 Sanga anak-anak denga aku, pengeranaku bagi anak-anak, bage pe perukurenku ras pengertinku. Tapi kenca aku dewasa, lanai aku bagi anak-anak.
12 Tapi gundari, bayangen si la jelas ngenca si banci siidah bas cermin logam, tapi pagin banci siidah alu jelas, tempa-tempa langsung jumpa. Gundari pemetehku la lengkap, tapi pagin lengkap pemetehku kerna Dibata, bagi Dibata lengkap pemetehNa kerna aku.
13 Amin pe bage, si telu enda tetap lit: kiniteken, arapen, ras kekelengen. Tapi si mbelinna bas kerina e, eme kekelengen.+
Cataten i teruh
^ Ntah “gunana.”
^ Ntah “la dendam.”
^ Ntah “la kasar.”
^ Ntah “megenggeng.”
^ Ntah “labo gagal.”
