1 Korinti 6:1-20
6 Sanga lit perjengilen i tengah-tengah kena,+ engkai maka sempat kena lawes ku pengadilen guna ihakimi i lebe-lebe kalak si la ngikutken undang-undang Dibata, labo iadili kalak si badia?
2 La kin teh kena maka kalak si badia nge pagi si ngakimi doni enda?+ Adi kena nge pagi si ngakimi doni enda, la kin arusna ngasup kena ndungi masalah si kitik?
3 La kin teh kena maka sihakimi pagi malekat-malekat?+ Adi bage, engkai maka masalah bas kegeluhen si gundari la banci dungi kena?
4 Adi lit masalah bas kegeluhen si gundari si perlu idungi,+ kalak si la merga bas runggun kin ban kena jadi hakimna?
5 Kukataken bage gelah mela akap kena. La kin lit sekalak pe si pentar i tengah-tengah kena, si banci ndungi perjengilen turang seninana?
6 Tapi lawan kena turang senina kena i lebe-lebe pengadilen, i lebe-lebe kalak si la tek!
7 Situhuna kena enggo talu adi kena siadun ku pengadilen. La kin padin nge nggit kena rugi?+ Engkai maka la kena nggit itipu?
8 Tapi si terjadi, rugiken kena turang senina kena ras tipu kena ia.
9 La kin teh kena maka kalak si la benar la pagi warisina Kerajan Dibata?+ Ula tertipu. Kalak si ngelakoken perbahanen seks si salah,*+ si nembah berhala,+ perlua-lua,+ pelacur si dilaki,*+ dilaki si ngelakoken hubungen seks ras dilaki,*+
10 pinangko, kalak merangap,+ pemabuk,+ tukang hina, ras tukang kompas, la pagi warisi kalak si bage Kerajan Dibata.+
11 Mbarenda, lit kalak si bage i tengah-tengah kena. Tapi gundari kena enggo bersih,+ badia,+ janah ikataken benar+ bas gelar Tuan Jesus Kristus bage pe bas kesah si badia Dibata.
12 Menurutku, kerina banci ilakoken, tapi labo kerina erguna.+ Amin pe menurutku kerinana banci ilakoken, la aku nggit iperbudak kai pe.
13 Pangan guna beltek kap janah beltek guna pangan, tapi duana pagi imasapken Dibata.+ Daging labo guna ngelakoken perbahanen seks si salah* tapi guna Tuan,+ janah Tuan guna daging.
14 Enggo pegeluh Dibata kap Tuan mulihi,+ janah pegeluhNa ka pagi kita mulihi+ alu kuasaNa.+
15 La kin teh kena maka daging kena anggota Kristus?+ Arus kin kubuat anggota Kristus janah ipersada ras pelacur? Tentu lang!
16 La kin teh kena maka kalak si erhubungen seks ras pelacur enggo sada daging ras ia? Pernah kataken Dibata, “Duana jadi sada.”*+
17 Tapi kalak si ersada ras Tuan, enggo seperukuren ia ras Tuan.+
18 Minterlah tulak* perbahanen seks si salah!*+ Dosa-dosa si deban la lit pengaruhna man daging, tapi perbahanen seks si salah erban daging jadi erdosa.+
19 La kin teh kena maka daging kena e rumah pertoton+ kesah si badia, si datken kena bas Dibata nari?+ Selain si e, diri kena labo kap jang kena,+
20 sebap kena enggo merga itukur.+ Emaka muliakenlah Dibata+ alu daging kena e.+
Cataten i teruh
^ Ntah “homo.”
^ Maksudna, dilaki si nggit igunaken bas hubungen homo.
^ As. “sada daging.”
^ As. “Kiamlah arah.”
