1 Kronika 10:1-14
-
Saul ras anak-anakna mate (1-14)
10 Erperang kalak Pilisti ngelawan kalak Israel. Dungna kiam kalak Israel nelamatken diri arah kalak Pilisti, janah enterem kalak si mate ibunuh i Gunung Gilboa.+
2 Kalak Pilisti lalap ngayaki Saul bage pe anak-anakna. Janah ibunuh kalak e anak-anak Saul, eme Jonatan, Abinadap, ras Malkisua.+
3 Emaka reh beratna akap Saul peperangen e. Sanga pemanah ngidah Saul, panah kalak e ia, janah terluka Saul.+
4 Nina Saul man si maba senjatana, “Buat pedangndu, tebak aku, gelah ula isiksa+ kalak si la isunat ah aku.” Tapi si maba senjata Saul e la nggit, sebap mbiar kel ia. Emaka buat Saul pedang e janah tebakna bana.*+
5 Sanga idah si maba senjatana maka Saul enggo mate, tebakna ka bana alu pedangna janah mate ia.
6 Emaka mate Saul ras teluna anakna si dilaki, bage pe kerina keluargana si ikut ras ia paksa si e.+
7 Sanga idah kalak Israel si lit i lembah maka kerina enggo kiam, janah Saul bage pe anak-anakna enggo mate, kiam kalak e nadingken kota-kotana. Emaka reh kalak Pilisti janah tading i je.
8 Paginna, sanga reh kalak Pilisti guna njarah barang-barang kalak si enggo mate e, idat kalak e mayat Saul ras anak-anakna si dilaki i Gunung Gilboa.+
9 Emaka buat kalak e barang-barang Saul, senjatana, janah potong kalak e kerahung Saul. Jenari, suruh kalak e kalak si maba berita lawes ku kerina daerah kalak Pilisti guna mpeseh berita e man kerina rakyat, bage pe i bas kerina ingan kalak e nembah berhala.+
10 Kenca si e, tama kalak e senjata Saul bas ingan kalak e nembah dibatana, janah pakuken kalak e takal Saul bas ingan nembah Dagon.+
11 Kenca begi kerina kalak Jabes+ si lit i Gileat kerna kerina si ilakoken kalak Pilisti man mayat Saul,+
12 lawes kerina pejuang kalak e guna muat mayat Saul bage pe anak-anakna. Baba kalak e kerina mayat e ku Jabes, janah kuburken kalak e tulan-tulanna i teruh batang kayu si galang si lit i Jabes.+ Jenari, puasa kalak e pitu wari dekahna.
13 Mate Saul perban la ia setia man Jahwe janah la patuhina kata-kata Jahwe.+ Pindona ka petunjuk arah kalak si beluh ngelebuh begu kalak mate,+
14 labo man Jahwe pindona petunjuk. Emaka ban Dibata ia mate janah berekenNa kuasa Saul selaku raja man Daud anak Isai.+
Cataten i teruh
^ Ntah “dabuhkenna bana ku pedangna.”
