1 Kronika 15:1-29
15 Terus ibangun Daud rumah-rumah man dirina i Kota Daud. Sikapkenna ka ingan man Peti Perjanjin* Dibata si benar, janah banna kemah guna Peti e.+
2 Paksa si e me kataken Daud, “La lit ise pe si banci maba Peti Perjanjin Dibata si benar selain kalak Lewi, sebap kalak e enggo pilih Jahwe guna maba Peti Perjanjin Jahwe, bage pe guna ngelayani Ia seh rasa lalap.”+
3 Emaka pepulung Daud kerina kalak Israel i Jerusalem guna maba Peti Perjanjin Jahwe ku ingan si enggo isikapkenna.+
4 Ipepulung Daud keturunen Harun+ ras kalak Lewi:+
5 Arah keturunen Kohat eme Uriel ras 120 kalak seninana. Uriel si jadi peminpinna.
6 Arah keturunen Merari eme Asaya+ ras 220 kalak seninana. Asaya si jadi peminpinna.
7 Arah keturunen Gersom eme Joel+ ras 130 kalak seninana. Joel si jadi peminpinna.
8 Arah keturunen Elisapan+ eme Semaya ras 200 kalak seninana. Semaya si jadi peminpinna.
9 Arah keturunen Hebron eme Eliel ras 80 kalak seninana. Eliel si jadi peminpinna.
10 Arah keturunen Usiel+ eme Aminadap ras 112 kalak seninana. Aminadap si jadi peminpinna.
11 Kenca si e, lebuh Daud me Imam Sadok+ ras Imam Abiatar,+ bage pe kalak Lewi, eme Uriel, Asaya, Joel, Semaya, Eliel, ras Aminadap.
12 Janah nina Daud man kalak e, “Kena kap peminpin-peminpin keluarga bapak arah kalak Lewi. Pebadialah diri kena ras senina-senina kena, jenari babalah Peti Perjanjin Jahwe Dibata Israel ku ingan si enggo kusikapken.
13 Sanga tangtangna Peti Perjanjin e ipindahken, la kena si mabasa,+ emaka merawa kel Jahwe Dibatata man banta+ sebap la siikutken perentahNa.”+
14 Emaka ipebadia imam-imam ras kalak Lewi dirina guna maba Peti Perjanjin Jahwe Dibata Israel.
15 Kenca si e, ibaba kalak Lewi Peti Perjanjin Dibata si benar, tamana kayu guna maba Peti e ku barana,+ bali bagi si perentahken Jahwe arah Musa.
16 Jenari suruh Daud peminpin-peminpin kalak Lewi guna ngelantik senina-seninana jadi penyanyi. Semangat kalak e rende sanga musik imainken alu alat musik si lit senarna, harpa,*+ ras simbal.+
17 Emaka pilih kalak Lewi me senina-seninana, eme Heman+ anak Joel, Asap+ anak Berehia, bage pe Etan+ anak Kusaya arah keturunen Merari.
18 Si ikut ras kalak e lit senina-seninana arah kelompok si peduaken,+ eme Sakaria, Ben, Jaasiel, Semiramot, Jehiel, Unai, Eliap, Benaya, Maaseya, Mattitia, Elipelehu, Mikaneya, ras si njaga gerbang eme Obet Edom ras Jeiel.
19 Selain si e, teluna penyanyi eme Heman,+ Asap,+ ras Etan itugasken guna mainken simbal tembaga.+
20 Sakaria, Asiel, Semiramot, Jehiel, Unai, Eliap, Maaseya, ras Benaya itugasken guna mainken alat musik si lit senarna si nadana icocokken ras nada tinggi.*+
21 Mattitia,+ Elipelehu, Mikaneya, Obet Edom, Jeiel, ras Asasia itugasken guna mainken harpa si nadana icocokken ras nada rendah,*+ janah kalak e me peminpin si main musik.
22 Kenanaya+ eme peminpin kalak Lewi si ertanggung jawap i bas dahin maba Peti Perjanjin e, sebap ia beluh i bas dahin e.
23 Berehia ras Elkana ertugas njaga gerbang Peti Perjanjin.
24 Obet Edom ras Jehia pe ikut njaga gerbang Peti Perjanjin e. Imam-imam eme Sebanya, Josapat, Netanel, Amasai, Sakaria, Benaya, ras Elieser, tugasna ngembus trompet alu megang i lebe-lebe Peti Perjanjin Dibata si benar.+
25 Kenca si e, Daud ras peminpin-peminpin Israel bage pe peminpin-peminpin si ngawasi seribu kalak, erdalan ngikutken kalak e guna maba Peti Perjanjin Jahwe arah rumah Obet Edom+ nari alu meriah ukur.+
26 Enggo sampati Dibata si benar kalak Lewi maba Peti Perjanjin Jahwe, emaka ipersembahken kalak e pitu lembu jantan si nguda denga bage pe pitu biri-biri jantan.+
27 Ipake Daud rompi si gedang arah uis si halus. Janah kerina kalak Lewi si maba Peti e, penyanyi-penyanyi, ras Kenanaya pe make rompi si gedang arah uis si halus. Kenanaya e ertanggung jawap nandangi dahin guna maba Peti e bage pe nandangi penyanyi-penyanyi. Selain si e, ipake Daud ka epod* arah linen nari.+
28 Kerina kalak Israel ermeriah ukur maba Peti Perjanjin Jahwe+ janahna ngembus trompet tanduk ras trompet.+ Imainken kalak e ka simbal, alat musik si ersenar ras harpa alu sora si megang.+
29 Tapi sanga seh Peti Perjanjin Jahwe i Kota Daud,+ Mihal+ anak Saul ngenen arah jendela, janah idahna Raja Daud sangana lompat-lompat ngerayaken kejadin e. Mulai ihinana Daud i bas pusuhna.+
Cataten i teruh
^ Ntah “Peti Perpadanen.”
^ Harpa eme alat musik si ersenar bagi gitar, tapi bentukna beda.