1 Kronika 16:1-43
16 Emaka ibaba kalak e Peti Perjanjin* Dibata si benar ku bas kemah si enggo iban Daud,+ janah iban kalak e persembahen tutungen ras korban persadan i lebe-lebe Dibata si benar.+
2 Kenca enggo dung persembahken Daud persembahen tutungen+ ras korban persadan,+ pasu-pasu Daud bangsa e i bas gelar Jahwe.
3 Kenca si e, ibagi-bagiken Daud man kerina kalak Israel sada roti si bentukna bagi gelang, sada kue kurma, ras sada kue kismis. La soal dilaki ntah pe diberu, kerina dat bagin.
4 Kenca si e, pilih Daud piga-piga kalak Lewi guna ngelayani i lebe-lebe Peti Perjanjin Jahwe,+ guna nghamati,* muji, ras ngataken bujur man Jahwe Dibata Israel.
5 Asap+ si jadi peminpinna, janah si peduaken kenca ia eme Sakaria. Si main simbal+ eme Asap. Si main harpa*+ ras alat musik si ersenar eme Jeiel,+ Semiramot, Jehiel, Mattitia, Eliap, Benaya, Obet Edom, ras Jeiel.
6 Janah Imam Benaya ras Imam Jahasiel me si alu ratur ngembus trompet i lebe-lebe Peti Perjanjin Dibata si benar.
7 Bas wari e me tangtangna kel iban Daud lagu pengatan bujur man Jahwe, janah suruhna Asap+ bage pe senina-seninana ngendeken lagu e si isina:
8 “Katakenlah bujur man Jahwe,+ janah lebuhlah gelarNa,Ceritakenlah perbahanenNa man kerina kalak!+
9 Rendelah man Dibata, endekenlah puji-pujin man baNa,+Ukurilah alu mbages* kerina perbahanenNa si luar biasa.+
10 Seh kel megahna mberitaken gelarNa si badia,+Ermeriah ukurlah kalak si ndarami Jahwe.+
11 Daramilah Jahwe+ ras pindolah penampatNa,Teruslah darami ngena ateNa.+
12 Ingetlah kerina perbahanen si luar biasa si enggo lakokenNa,+Mukjizat-mukjizatNa bage pe penghakimen si enggo banNa.
13 O kena keturunen Israel, pelayanNa,+Anak-anak Jakup, si enggo pilihNa.+
14 Ia kap Jahwe Dibatata,+Ia kap si ngakimi belang-belang doni.+
15 Ingetlah perjanjinNa seh rasa lalap,Janji si enggo banNa* seh asa seribu keturunen.+
16 Perjanjin si enggo banNa ras Abraham,+Sumpah si enggo belaskenNa man Isak,+
17 Sumpah e banNa jadi sada jaminen man Jakup+Ras sada perjanjin si tahan rasa lalap ras Israel,
18 Nina, ‘Kubereken pagi negri Kanaan man kena+Taneh e jadi warisen man kena.’+
19 Kerna si e enggo katakenNa sanga sitik denga jumlah kena,Payo, sitik denga kel kena, janah kena jadi penduduk asing i taneh e.+
20 Pindah-pindah kalak e arah sada bangsa ku bangsa si deban,Arah sada kerajan ku kerajan si deban.+
21 La pediatNa ise pe kejam man kalak e,+Tapi, guna kepentingen kalak e persingetiNa raja-raja,+
22 Nina, ‘Ula kuit kalak si Kupilih,Janah ula lakoken si jahat man nabi-nabiKu.’+
23 O kerina si lit i doni, rendelah man Jahwe!
Tiap wari, umumkenlah keselamatenNa!+
24 Umumkenlah kemulianNa i tengah bangsa-bangsa,Bage pe perbahanenNa si luar biasa man kerina kalak.
25 Sebap Jahwe mbelin kap janah patut kel ipuji.
Hebaten Ia asangken kerina dibata si deban.+
26 Kerina dibata arah bangsa-bangsa si deban la erguna,+Tapi Jahwe kap Dibata si nciptaken langit.+
27 I ja Dibata, i je lit kemulian ras kai si luar biasa,+I bas inganNa tading, lit kuasa ras keriahen.+
28 O kerina bangsa,* hamatilah Jahwe,Hamatilah Jahwe perban kemulianNa ras kuasaNa.+
29 Muliakenlah Jahwe perban gelarNa,+Babalah hadiah janah deherilah Ia.+
Sembahlah* Jahwe alu make baju si badia.+
30 O kerina si lit bas doni, nggirgirlah i lebe-lebeNa!
Doni iban i bas inganna si paguh, la banci iugur.+
31 Mbera-mbera langit ras doni ermeriah ukur.+
Beritakenlah man bangsa-bangsa, ‘Jahwe enggo jadi Raja!’+
32 Mbera-mbera laut ras kerina isina ersurak alu sora si megang.*
Mbera-mbera taneh ras kerina si lit i je ermeriah ukur.
33 Mbera-mbera kerina batang kayu bas kerangen pe ersurak alu meriah ukur i lebe-lebe Jahwe,Sebap reh Ia guna ngakimi doni.
34 Kataken bujur man Jahwe sebap mehuli kap Ia,+KekelengenNa si setia tetap lit rasa lalap.+
35 Janah katakenlah, ‘O Dibata keselamaten kami, selamatken min kami,+Pepulunglah kami janah bebaskenlah kami arah bangsa-bangsa,Gelah banci kami ngata bujur man gelarNdu si badia,+Janah puji kami Kam alu ermeriah ukur.+
36 Mbera-mbera Jahwe Dibata Israel ipujiSeh rasa lalap.’”
Kerina bangsa e ngataken, “Amin!”* janah puji kalak e Jahwe.
37 Kenca si e, tadingken Daud me Asap+ ras senina-seninana i je i lebe-lebe Peti Perjanjin Jahwe. Tiap wari, terus kalak e ngelayani i lebe-lebe Peti Perjanjin+ menurut jadwal si enggo itetapken.+
38 Tadingken Daud ka Obet Edom ras senina-seninana si teremna 68 kalak i je. Obet Edom anak Jedutun ras Hosa itugasken jadi penjaga gerbang.
39 Janah Imam Sadok+ ras imam-imam si debanna ertugas i lebe-lebe kemah ingan nembah Jahwe si lit bas ingan si meganjang i Gibeon.+
40 I je, alu ratur tiap erpagi-pagi ras karaben, iban kalak e persembahen tutungen man Jahwe i datas ingan nutung* persembahen. Janah, lakoken kalak e ka kerina si tertulis bas Undang-Undang Jahwe bali bagi si perentahkenNa man kalak Israel.+
41 Si ikut ras kalak e eme Heman ras Jedutun+ bage pe kalak si ipilih guna ngata bujur man Jahwe,+ sebap “kekelengenNa si setia tetap Iit rasa lalap.”+
42 Heman+ ras Jedutun si ertugas main trompet, simbal, ras alat-alat musik si deban guna muji Dibata si benar. Janah anak-anak Jedutun si dilaki+ ertugas i gerbang.
43 Kenca si e, mulih kerina bangsa e ku rumahna, janah Daud pe mulih guna masu-masu keluargana.
Cataten i teruh
^ Ntah “Peti Perpadanen.”
^ As. “nginget.”
^ Harpa eme alat musik si ersenar bagi gitar, tapi bentukna beda.
^ Ntah “Ceritakenlah.”
^ As. “Kata-kata si enggo ibelaskenNa.”
^ Ntah “suku.”
^ Ntah “Sujudlah man.”
^ Ntah “kerina isina ergeruhguh.”
^ Ntah “Terjadilah bage!”
