1 Kronika 18:1-17
18 Piga-piga waktu kenca si e, serang Daud kalak Pilisti janah talukenna kalak e, jenari rebutna kota Gat+ ras kota-kota si lit i sekelilingna arah tan kalak Pilisti.+
2 Kenca si e, taluken Daud kalak Moap+ janah kalak Moap jadi budak-budak Daud jenari bereken kalak e upeti* man Daud.+
3 Taluken Daud raja Soba+ eme Hadadeser.+ Hadadeser talu i deher Hamat,+ sanga ia i bas perdalanen guna ndatken mulihi kekuasanna nandangi daerah Lau Eprat.+
4 Rampas Daud 1.000 gereta, janah tabanna 7.000 prajurit si erkuda ras 20.000 prajurit Hadadeser si erdalan.+ Kenca si e, potong Daud kerina urat nahe kuda kalak e selain 100 kuda si ngerintak gereta.+
5 Sanga reh kalak Siria arah Damaskus guna nampati raja Soba eme Hadadeser, ibunuh Daud 22.000 kalak Siria.+
6 Kenca si e, tamaken Daud pasukenna i Siria si lit bas Damaskus. Kalak Siria jadi budak-budak Daud janah ibereken kalak e upeti man bana. Ku japa pe Daud lawes, ibereken Jahwe kemenangen* man bana.+
7 Selain si e, ibuat Daud perisai-perisai* emas si bentukna kibul arah prajurit Hadadeser nari, jenari ibabana kerina ku Jerusalem.
8 Melala kel tembaga si ibuat Daud arah Tibhat ras Kun nari eme kota Hadadeser. Pake Salomo si e guna erban Laut Tembaga,+ tiang-tiang, bage pe peralaten si iban arah tembaga nari.+
9 Sanga ibegi Raja Toi i Hamat nari maka enggo taluken Daud kerina pasuken Hadadeser+ raja Soba,+
10 emaka minter isuruh Toi anakna eme Hadoram ndahi Raja Daud guna nungkun beritana janah ngataken selamat man bana, perban enggo serangna ras talukenna Hadadeser, sebap Hadadeser rusur nyerang Toi. Ibaba Hadoram ka erbage-bage barang si iban arah emas, pirak, bage pe tembaga.
11 Ipebadiaken Raja Daud kerina barang e man Jahwe+ radu ras pirak bage pe emas si irampasna arah kerina bangsa, eme Edom, Moap, kalak Ammon,+ kalak Pilisti,+ bage pe kalak Amalek.+
12 Abisai+ anak Seruya+ munuh 18.000 kalak Edom i Lembah Sira.+
13 Jenari tama Abisai pasuken i daerah Edom, janah kerina kalak Edom jadi budak Daud.+ Ku japa pe Daud lawes, lalap bereken Jahwe kemenangen* man bana.+
14 Lalap Daud merentah i bas kerina daerah Israel+ janah ibanna kai si adil ras si benar man kerina rakyatna.+
15 Joap anak Seruya si jadi kepala pasuken,+ janah Josapat+ anak Ahilut si jadi tukang catat.
16 Sadok anak Ahitup ras Ahimelek anak Abiatar si jadi imam, janah Sausa si jadi sekertaris.
17 Benaya anak Joyada si jadi kepala pengawal-pengawal pribadi Daud.*+ Janah anak-anak Daud si jadi pejabat tinggi.
Cataten i teruh
^ Ntah “keselamaten.”
^ Ntah “ampang-ampang.”
^ Ntah “keselamaten.”
^ As. “kepala kalak Kereti ras Peleti.”
