1 Kronika 20:1-8
20 Bas awal tahun,* i je me paksana raja-raja lawes erperang. Joap+ si minpin peperangen e janah hancurkenna negri kalak Ammon. Lawes Joap ngepung Raba+ janah serangna, jenari runtuhkenna.+ Tapi paksa si e Daud tetap tading i Jerusalem.+
2 Buat Daud mahkota si lit bas takal Milkom janah pakena. Mahkota emas e beratna kira-kira 34 kilo* janah lit batu-batu si merga bas mahkota e. Buatna ka melala kel jarahen arah kota e nari.+
3 Janah babana kerina penduduk kota e ndarat arah kota e nari. Jenari suruhna kalak e erdahin.+ Lit si erdahin nggergaji batu, lit ka si erdahin make peralaten besi si ntelap, bage pe lit ka si erdahin make kapak besi. Bage me si lakoken Daud man kerina kota kalak Ammon. Dungna mulih Daud ras kerina pasukenna ku Jerusalem.
4 Kenca si e, erperang ka mulihi kalak Israel ras kalak Pilisti i Geser. Paksa si e, Sibekai+ kalak Husa munuh Sippai. Sippai e keturunen Repaim.+ Taluken kalak e kalak Pilisti.
5 Erperang ka mulihi kalak Israel ras kalak Pilisti. Elhanan anak Jair munuh Lahmi senina Goliat+ kalak Gat. Tangke tombak Goliat galangna asa kayu si lit bas alat tenun.+
6 Kenca si e, terjadi ka perang bas Gat.+ I je lit sekalak dilaki keturunen Repaim si seh kel galangna.+ Lit 24 jari-jari nahe ras tanna. Lit enem jari-jarina bas tiap tan ras tiap nahena.+
7 Lalap hinana+ kalak Israel, emaka mate ia ibunuh Jonatan anak Simea,+ senina Daud.
8 Kalak e ndai me keturunen Repaim+ arah Gat+ nari. Kerina kalak e enggo mate ibunuh Daud ras anak buah Daud.
