1 Kronika 24:1-31
24 Anak Harun si dilaki eme Nadap, Abihu,+ Eleasar, ras Itamar.+ Keturunen kalak e ibagi i bas piga-piga kelompok.
2 Tapi leben mate Nadap ras Abihu asangken bapak kalak e+ janah la lit anakna dilaki. Eleasar+ ras Itamar tetap ngelayani jadi imam.
3 Ibagi me keturunen Harun ku bas piga-piga kelompok menurut tugas pelayanenna. Si mbagikenca eme Daud, Sadok+ arah keturunen Eleasar, ras Ahimelek arah keturunen Itamar.
4 Teremen anak Eleasar si jadi peminpin asangken anak Itamar. Arah keturunen Eleasar lit 16 peminpin, kalak e me si jadi peminpin bas keluarga bapakna. Arah keturunen Itamar lit 8 peminpin, kalak e me si jadi peminpin bas keluarga bapakna.
5 Kenca si e, keturunen Eleasar ras keturunen Itamar iundi.+ Lit si jadi peminpin guna ngelayani i bas ingan si badia janah lit ka jadi peminpin guna ngelayani Dibata si benar.
6 Semaya anak Netanel eme sekertaris kalak Lewi, catatna gelar-gelar kalak e i lebe-lebe raja, pejabat-pejabat, Imam Sadok,+ Ahimelek+ anak Abiatar,+ bage pe peminpin keluarga bapak arah keturunen imam ras kalak Lewi. Ipilih sada keluarga arah keturunen Eleasar janah ipilih sada keluarga arah keturunen Itamar guna iundi.
7 Undi si pertama ndabuh ku Jehoyarip, si peduaken ku Jedaya,
8 si peteluken ku Harim, si peempatken ku Seorim,
9 si pelimaken ku Malkia, si peenemken ku Miyamin,
10 si pepituken ku Hakkos, si pewaluhken ku Abia,+
11 si pesiwahken ku Jesua, si pe-10-ken ku Sekanya,
12 si pe-11-ken ku Eliasip, si pe-12-ken ku Jakim,
13 si pe-13-ken ku Hupa, si pe-14-ken ku Jesebeap,
14 si pe-15-ken ku Bilga, si pe-16-ken ku Immer,
15 si pe-17-ken ku Hesir, si pe-18-ken ku Hapises,
16 si pe-19-ken ku Petahia, si pe-20-ken ku Jeheskel,
17 si pe-21-ken ku Jakin, si pe-22-ken ku Gamul,
18 si pe-23-ken ku Delaya, janah si pe-24-ken ku Maasia.
19 Enda me tugas pelayanen+ si arus ilakoken kalak e sanga masuk ku rumah Jahwe, menurut kai si enggo perentahken Jahwe Dibata Israel man nini bulang kalak e eme Harun.
20 Enda me keturunen Lewi si dilaki si debanna. Arah keturunen Amram+ eme Subael,+ arah keturunen Subael eme Jehdeya.
21 Arah keturunen Rehabia+ eme Isiah, janah Isiah me si jadi peminpin.
22 Arah keturunen Ishar eme Selomit,+ arah keturunen Selomit eme Jahat.
23 Arah keturunen Hebron eme Jeria,+ janah ia me si jadi peminpin. Si nomor dua eme Amaria, si nomor telu eme Jahasiel, janah si nomor empat eme Jekameam.
24 Arah keturunen Usiel eme Miha, arah keturunen Miha eme Samir.
25 Senina Miha eme Isiah, arah keturunen Isiah eme Sakaria.
26 Arah keturunen Merari+ eme Mahli ras Musi. Arah keturunen Jaasia eme Beno.
27 Arah keturunen Merari eme Jaasia, arah keturunen Jaasia eme Beno, Soham, Sakur, ras Ibri.
28 Arah keturunen Mahli eme Eleasar, janah Eleasar la lit anakna si dilaki.+
29 Arah keturunen Kis eme Jerahmeel.
30 Janah arah keturunen Musi eme Mahli, Eder, ras Jerimot.
Kalak enda ndai me keturunen Lewi arah keluarga bapakna.
31 Janah ban kalak e ka undi+ bagi si iban senina-senina kalak e keturunen Harun. Ban kalak e undi i lebe-lebe Raja Daud, Sadok, Ahimelek, ras peminpin-peminpin keluarga bapak arah imam-imam bage pe kalak Lewi. La soal kerina peminpin e nguda ntah metua, seri perbahanen si lakoken man kalak e.
