1 Kronika 26:1-32
26 Enda kelompok-kelompok si njaga gerbang:+ arah keturunen Korah nari eme Meselemia+ anak Kore. Kore e keturunen Asap.
2 Lit piga-piga anak Meselemia si dilaki. Sintua eme Sakaria, si nomor dua Jediael, si nomor telu Sebadia, si nomor empat Jatniel,
3 si nomor lima Elam, si nomor enem Jehohanan, janah si nomor pitu Eliehunai.
4 Lit piga-piga anak Obet Edom si dilaki. Sintua eme Semaya, si nomor dua Josabat, si nomor telu Joah, si nomor empat Sakar, si nomor lima Netanel,
5 si nomor enem Amiel, si nomor pitu Isakar, janah si nomor waluh Peuletai. Bage me Dibata masu-masu Obet Edom.
6 Anak Obet Edom sintua eme Semaya. Lit piga-piga anak Semaya jadi peminpin bas keluarga bapakna sebap kalak e megegeh janah banci iandalken.
7 Anak Semaya si dilaki eme Otni, Repael, Obet, ras Elsabat. Keluarga Elsabat eme Elihu ras Semakia pe banci iandalken.
8 Kalak e ndai kerina eme keturunen Obet Edom. Kalak e bage pe anak-anakna ras senina-seninana banci iandalken janah beluh i bas tugasna. Jumlah keturunen Obet Edom lit 62 kalak.
9 Anak Meselemia+ si dilaki ras senina-seninana pe banci iandalken. Jumlah kalak e kerina 18 kalak.
10 Hosa eme keturunen Merari janah lit piga-piga anakna si dilaki. Amin pe Simri labo anak Hosa sintua, ia si ipilih Hosa jadi peminpin.
11 Si nomor dua Hilkia, si nomor telu Tehalia, janah si nomor empat Sakaria. Kerina anak Hosa si dilaki bage pe senina-seninana jumlahna lit 13 kalak.
12 Tugas peminpin kelompok si njaga gerbang enda seri tugasna ras senina-seninana si deban eme ngelayani bas rumah Jahwe.
13 Emaka iban kalak e undi+ menurut keluarga bapakna sekalak-sekalak, la soal enterem ntah pe lang anggota keluargana guna nentuken gerbang si apai si ijaga kalak e.
14 Kenca iban undi, Selemia si dat tugas njaga gerbang sebelah timur. Janah Sakaria dat tugas i sebelah utara. Sakaria e anak Selemia, ia penasehat si pentar.
15 Obet Edom dat tugas njaga gerbang sebelah selatan, janah anakna si dilaki+ itugasken njaga gudang-gudang.
16 Supim ras Hosa+ dat tugas njaga gerbang sebelah barat, ndeher ras Gerbang Salehet si lit i deher dalan nangkeng-nangkeng, janah sada kelompok si njaga ersebelahen ras kelompok si debanna.
17 Lit enem kalak Lewi si njaga gerbang sebelah timur. Tiap wari lit empat kalak si njaga gerbang sebelah utara, janah empat nari njaga gerbang selatan. Bas tiap gudang+ pe lit dua kalak si erjaga, janah kalak e ersebelahen ras dua kalak si erjaga si debanna.
18 I serambi* sebelah barat, lit empat kalak si erjaga i dalan si galang,+ janah dua nari erjaga i serambi e.
19 Kalak e ndai me kelompok-kelompok si njaga gerbang arah keturunen Korah ras Merari.
20 Arah kalak Lewi, Ahia si njaga erta-erta i bas rumah Dibata si benar bage pe si njaga ingan nimpan erta-erta si enggo ipebadiaken.*+
21 Salah sada keturunen Gerson eme Ladan. Arah keturunen Ladan salah sada si jadi peminpin keluarga bapak eme Jehieli. Jehieli+
22 ras dua anakna si dilaki eme Setam ras Joel ertugas njaga ingan nimpan erta i rumah Jahwe.+
23 Arah keturunen Amram, Ishar, Hebron, ras keturunen Usiel+ eme
24 Sebuel anak Gersom. Gersom e anak Musa. Ia si jadi kepala bas gudang-gudang.
25 Senina-senina Sebuel arah keturunen Elieser+ eme Rehabia,+ Jesaia, Joram, Sikri, ras Selomit.
26 Selomit ras senina-seninana ertugas njaga kerina ingan nimpan erta si enggo ipebadia.+ Si mpebadia erta-erta e eme Raja Daud,+ peminpin-peminpin keluarga bapak arah kalak e,+ peminpin si ngawasi seribu kalak ras peminpin si ngawasi seratus kalak, bage pe peminpin-peminpin pasuken.
27 Ipebadia kalak e hasil jarahen+ arah perang+ nari guna ngurus rumah Jahwe,
28 termasuk kerina si ipebadiaken Samuel kalak si lit pengenehenenna,*+ Saul anak Kis, Abner+ anak Ner, bage pe Joap+ anak Seruya.+ Selomit ras senina-seninana ertugas njaga kerina si enggo ipebadiaken.
29 Arah keturunen Ishar+ eme Kenanaya ras anakna si dilaki. Idat kalak e tugas jadi pejabat ras hakim+ bas Israel. Tugas e ilakokenna i darat rumah Dibata.
30 Arah keturunen Hebron+ eme Hasabia ras senina-seninana si jumlahna 1.700 kalak. Kalak e banci iandalken, janah kalak e ertugas bas Israel sebelah barat Lau Jordan. Tugasna ngawasi kerina dahin guna ngelayani Jahwe ras ngelayani raja.
31 Jeriah+ arah keturunen Hebron eme peminpin keturunen Hebron. I bas tahun pe-40-ken Daud merentah,+ idarami anak buah Daud kalak si megegeh ras banci iandalken arah keturunen Hebron nari, janah datna kalak si bage bas Jaser+ i Gileat.
32 Lit 2.700 kalak senina-senina Jeriah si banci iandalken. Kalak e si jadi peminpin i bas keluarga bapakna. Emaka itugasken Raja Daud kalak e ngawasi suku Ruben, suku Gat, bage pe setengah arah suku Manase. Kerina tugas kalak e lit hubungenna ras Dibata si benar bage pe ras raja.
Cataten i teruh
^ Ingan si lit atapna bage pe tiang-tiang i pinggirna.
^ Ntah “si enggo ibereken man Dibata.”
^ Bas bahasa Heber, kata enda ngertiken kengasupen sekalak jelma si bereken Dibata guna meteh sura-suraNa.
