1 Kronika 27:1-34
-
Kelompok-kelompok si ertugas ngelayani raja (1-34)
27 Enda me kelompok-kelompok kalak Israel si ertugas i bas pasuken prajurit raja.+ Bas tiap kelompok lit peminpin-peminpin keluarga bapak arah kalak e, peminpin-peminpin si ngawasi seribu ras seratus kalak,+ bage pe peminpin-peminpin kelompok. Tiap kelompok ertugas sada bulan dekahna tiap tahun. Tiap kelompok lit 24.000 kalak buena.
2 Kelompok si pertama ertugas bas bulan si pertama. Si ngawasi kelompok e eme Jasobeam+ anak Sabdiel, janah lit 24.000 kalak bas kelompokna.
3 Jasobeam eme keturunen Peres.+ Ia kepala kerina peminpin kelompok si ertugas i bas bulan si pertama.
4 Si ngawasi kelompok si ertugas bas bulan si peduaken eme Dodo+ anak Ahoh,+ janah Miklot si jadi peminpin kelompok e. Lit 24.000 kalak bas kelompokna.
5 Peminpin kelompok si peteluken si ertugas bas bulan si peteluken eme Benaya+ anak Joyada.+ Joyada e imam kepala. Lit 24.000 kalak bas kelompokna,
6 janah si ngawasi kalak e eme Amisabat anak Benaya. Benaya e salah sada arah 30 pejuang Daud si megegeh, janah ia si jadi peminpin 30 pejuang e.
7 Peminpin kelompok si peempatken si ertugas bas bulan si peempatken eme Asahel+ senina Joap.+ Si nggantiken ia eme Sebadia anakna. Lit 24.000 kalak bas kelompokna.
8 Peminpin kelompok si pelimaken si ertugas bas bulan si pelimaken eme Samhut kalak Isra. Lit 24.000 kalak bas kelompokna.
9 Peminpin kelompok si peenemken si ertugas bas bulan si peenemken eme Ira+ anak Ikes kalak Tekoa.+ Lit 24.000 kalak bas kelompokna.
10 Peminpin kelompok si pepituken si ertugas bas bulan si pepituken eme Heles+ kalak Pelon keturunen Eperaim. Lit 24.000 kalak bas kelompokna.
11 Peminpin kelompok si pewaluhken si ertugas bas bulan si pewaluhken eme Sibekai+ kalak Husa keturunen Sera.+ Lit 24.000 kalak bas kelompokna.
12 Peminpin kelompok si pesiwahken si ertugas bas bulan si pesiwahken eme Abieser+ kalak Anatot+ keturunen Benyamin. Lit 24.000 kalak bas kelompokna.
13 Peminpin kelompok si pe-10-ken si ertugas bas bulan si pe-10-ken eme Maharai+ kalak Netopa keturunen Sera.+ Lit 24.000 kalak bas kelompokna.
14 Peminpin kelompok si pe-11-ken si ertugas bas bulan si pe-11-ken eme Benaya+ kalak Piraton keturunen Eperaim. Lit 24.000 kalak bas kelompokna.
15 Peminpin kelompok si pe-12-ken si ertugas bas bulan si pe-12-ken eme Heldai kalak Netopa keturunen Otniel. Lit 24.000 kalak bas kelompokna.
16 Enda me peminpin-peminpin suku bas Israel: Peminpin suku Ruben eme Elieser anak Sikri. Peminpin suku Simeon eme Sepatia anak Maaka.
17 Peminpin suku Lewi eme Hasabia anak Kemuel. Peminpin keturunen Harun eme Sadok.
18 Peminpin suku Juda eme Elihu,+ salah sada senina Daud. Peminpin suku Isakar eme Omri anak Mikael.
19 Peminpin suku Sebulon eme Ismaya anak Obaja. Peminpin suku Naptali eme Jerimot anak Asrel.
20 Peminpin suku Eperaim eme Hoshea anak Asasia. Peminpin man setengah suku Manase eme Joel anak Pedaya.
21 Peminpin man setengah suku Manase i Gileat eme Iddo anak Sakaria. Peminpin suku Benyamin eme Jasiel anak Abner.+
22 Peminpin suku Dan eme Azarel anak Jeroham. Kalak enda ndai me kerina peminpin bas suku-suku Israel.
23 La ikira Daud kalak si umurna 20 tahun bage pe si 20 tahun ku teruh, sebap enggo erjanji Jahwe banNa pagi kalak Israel bagi bintang i langit buena.+
24 Joap anak Seruya mulai ngkira kalak Israel, tapi la dungina dahinna e. Merawa kel Dibata man Israel perban kalak Israel ikira.+ Emaka la pernah icatat kerna jumlah kalak Israel bas buku sejarah pemerentahen Raja Daud.
25 Si ngawasi ingan nimpan erta-erta raja+ eme Asmawet anak Adiel. Si ngawasi erta-erta si lit bas* juma-juma, kota-kota, kuta-kuta, bage pe si lit bas menara-menara eme Jonatan anak Ussia.
26 Si ngawasi kalak si erdahin bas juma eme Esri anak Kelup.
27 Si ngawasi kebun-kebun anggur eme Simei kalak Rama. Hasil kebun anggur e iban jadi inemen, janah si ngawasisa eme Sabdi kalak Sipmot.
28 Si ngawasi kebun saitun ras batang ara kerangen+ si lit bas Sepela+ eme Baal Hanan kalak Geder. Si ngawasi ingan nimpan minak eme Yoas.
29 Si njagai lembu-lembu si sangana nggagat i Saron+ eme Sirtai kalak Saron. Si njagai lembu-lembu si lit i lembah eme Sapat anak Adlai.
30 Si njagai unta-unta eme Obil keturunen Ismael. Si njagai kelede-kelede eme Jehdeya kalak Meronot.
31 Si njagai kambing ras biri-biri eme Jasir kalak Hagri. Kalak e ndai me kerina si ngawasi ras si njagai erta Raja Daud.
32 Jonatan+ kade-kade Daud eme sekalak penasehat janah seh kel beluhna. Ia sekalak sekertaris. Si ngurus anak-anak raja eme Jehiel anak Hakmon.+
33 Penasehat raja eme Ahitopel.+ Si jadi teman kompak* raja eme Usai+ kalak Arki.
34 Kenca Ahitopel, si jadi penasehat raja eme Joyada anak Benaya+ bage pe Abiatar.+ Si jadi peminpin pasuken raja eme Joap.+
