1 Kronika 4:1-43
4 Enda me gelar anak Juda si dilaki: Peres,+ Hesron,+ Karmi, Hur,+ ras Sobal.+
2 Reaya eme anak Sobal, janah Reaya e bapak Jahat. Jahat e bapak Ahumai ras Lahat. Kalak e si jadi kalak Sora.+
3 Enda me gelar anak dilaki si mbangun kota Etam:*+ Jesreel, Isma, Idbas (janah turang kalak e gelarna Haselelponi),
4 Penuel, ras Eser. Penuel e bapak Gedor, janah Eser e bapak Husa. Kalak e ndai me anak Hur si dilaki.+ Hur kap anak Eprata sintua janah ia si mbangun kota Betlehem.+
5 Ashur+ kap si mbangun kota Tekoa.+ Lit dua diberu Ashur, gelarna Hela ras Naara.
6 Lahirken Naara me Ahusam, Heper, Temeni, ras Hahastari. Si e ndai me kerina anak Naara si dilaki.
7 Anak Hela si dilaki eme Seret, Ishar, ras Etan.
8 Kos eme bapak Anub ras Sobeba. Kos pe jadi nini bulang keluarga Aharhel anak Harum.
9 Jabes lebih ihamati asangken senina-seninana. Gelari mamakna ia Jabes,* sebap nina, “Mesui kel kuakap sanga ngelahirken ia.”
10 Erlebuh Jabes man Dibata Israel, nina, “Mbera-mbera pasu-pasuNdu aku janah pebelangNdu min daerahku. TemaniNdu min aku lalap, janah pedauhlah aku arah bencana gelah ula terjadi si la mehuli man bangku.” Emaka bereken Dibata kerina si pindona e.
11 Kelup eme senina Suha. Kelup e bapak Mehir. Mehir e bapak Eston.
12 Eston eme bapak Betrapa, Paseah, ras Tehina. Tehina e bapak Ir-nahas. Kalak e kerina kalak Reka.
13 Anak Kenas si dilaki eme Otniel+ ras Seraya. Anak* Otniel si dilaki eme Hatat.
14 Meonotai eme bapak Opra. Seraya eme bapak Joap si jadi nini bulang penduduk Ge-harasim.* Kalak e igelari Ge-harasim perban kalak e tukang si beluh.
15 Kalep+ eme anak Jepune. Enda me gelar anak Kalep si dilaki: Iru, Ela, ras Naam. Anak* Ela si dilaki eme Kenas.
16 Anak Jehalelel si dilaki eme Sip, Sipa, Tiria, ras Asarel.
17 Anak Esrah si dilaki eme Jeter, Meret, Eper, ras Jalon. Hamil diberu e* janah lahirkenna Miriam, Samai, ras Isba. Isba e bapak Estemoa.
18 Kalak e ndai kerina anak Bitia si dilaki. Bitia e putri raja Mesir* si empoi Meret. Lit ka diberu Meret, janah diberuna e kalak Jahudi. Lahirkenna anak dilaki si gelarna Jeret, Heber, ras Jekutiel. Jeret e bapak Gedor. Heber e bapak Soko. Jekutiel e bapak Sanoah.
19 Diberu Hodia eme turang Naham. Anak Hodia si dilaki eme Keila ras Estemoa. Keila e nini bulang kalak Garmi, janah Estemoa e nini bulang kalak Maakat.
20 Anak Shimon si dilaki eme Amnon, Rina, Behanan, ras Tilon. Anak Isi si dilaki eme Sohet ras Bensohet.
21 Bapak Selah+ eme Juda. Anak Selah si dilaki eme Er ras Laada. Er e bapak Leka, janah Laada e bapak Maresa. Selah e jadi nini bulang keturunen Asbea, eme keluarga-keluarga si dahinna erban kain si mejile.
22 Selain si e, Selah pe jadi nini bulang kalak Jokim, kalak Koseba, kalak Yoas, ras kalak Sarap. Kalak e ngempoi kalak Moap. Selah pe jadi nini bulang Jasubi-lehem. Cataten enda enggo lit arah jaman si nai.
23 Kalak enda tading i Netain ras i Gedera. Dahin kalak e erban kudin taneh, janah kalak e erdahin man raja.
24 Anak Simeon si dilaki+ eme Nemuel, Jamin, Jarib, Sera, ras Saul.+
25 Anak Saul si dilaki eme Salum. Anak Salum si dilaki eme Mibsam. Anak Mibsam si dilaki eme Misma.
26 Anak Misma si dilaki eme Hamuel. Anak Hamuel si dilaki eme Sakur. Anak Sakur si dilaki eme Simei.
27 Lit 16 kalak anak Simei si dilaki janah 6 kalak si diberu. Tapi senina-senina Simei la enterem anakna si dilaki. La lit sada pe keluarga kalak e si mbue anakna si dilaki bagi keluarga-keluarga kalak Juda.+
28 Kalak e tading i Berseba,+ Molada,+ Hasar Sual,+
29 Bilha, Esem,+ Tolad,
30 Betuil,+ Horma,+ Siklak,+
31 Bet-Markabot, Hasarsusim,+ Betbiri, ras i Saaraim. Enda me kota-kota kalak e seh asa Daud jadi raja.
32 Kalak enda pe tading bas lima kota si deban, eme i bas Etam, Ain, Rimon, Token, ras i bas Asan.+
33 Kalak e pe tading i sekitar kota-kota e seh ngasa kota Baal. Enda ndai me silsilah kalak e bage pe inganna tading.
34 Keturunen Simeon si deban eme Mesobab, Jamlek, Josa anak Amasia,
35 Joel, Jehu (Jehu e anak Josibia, Josibia e anak Seraya, Seraya e anak Asiel),
36 Elyoenai, Jaakoba, Jesohaya, Asaya, Adiel, Jesimiel, Benaya,
37 ras Sisa (Sisa e anak Sipi, Sipi e anak Alon, Alon e anak Jedaya, Jedaya e anak Simri, janah Simri e anak Semaya).
38 Kalak e ndai kerina eme peminpin bas keluargana sekalak-sekalak. Janah keluarga nini bulang kalak e terus reh buena.
39 Lawes kalak e ku dalan masuk ku Gedor, si lit i sebelah timur lembah, guna ndarami mbalmbal man asuh-asuhen kalak e.
40 Dungna, dat kalak e mbalmbal si mejile ras subur. Ingan e mbelang, tenang, janah la lit si ngganggu. Mbarenda kalak Ham si tading i je.+
41 Kalak si gelarna enggo itulis ndai enggo engkernepken perkemahen kalak Ham ras kalak Meunim i bas jaman Hiskia+ raja Juda. Perkemahen kalak Ham ras kalak Meunim e enggo ikernepken kerinana, janah seh ngayak gundari lanai lit kalak Ham ras kalak Meunim si tading i je. Tading kalak Simeon i je sebap lit i je mbalmbal man asuh-asuhenna.
42 Lit 500 kalak keturunen Simeon si lawes ku gunung Seir.+ Kalak e ipinpin anak Isi si dilaki, gelarna eme Pelatia, Nearia, Repaya, ras Usiel.
43 Bunuh kalak e kerina kalak Amalek+ si kiam. Lalap kalak e tading i je seh ngayak gundari.
Cataten i teruh
^ Piga-piga gelar si lit bas pasal enda banci ngertiken ingan, labo gelar kalak. Bas piga-piga ayat, kata ‘bapak’ mungkin ngertiken ‘si mbangun.’
^ Mungkin gelar Jabes e lit hubungenna ras kata Heber si ertina “mesui.”
^ As. “Anak-anak.”
^ Ertina “Lembah Tukang si Beluh.”
^ As. “Anak-anak.”
^ Mungkin si imaksud eme Bitia bas ayat 18.
^ As. “Paro; Firaun.” Penggelaren man raja Mesir.
