1 Kronika 9:1-44
9 Kerina kalak Israel itulis menurut silsilah keluargana janah itulis i bas Buku Raja-Raja Israel. Kalak Juda itaban ku Babilon perban la ia setia.+
2 Penduduk si tangtangna mulih ku kota-kotana eme piga-piga kalak Israel, imam-imam, kalak Lewi, ras kalak si ngelayani i bas rumah pertoton.*+
3 Piga-piga keturunen Juda,+ Benyamin,+ Eperaim, ras keturunen Manase tading i Jerusalem. Kalak e eme:
4 Arah keturunen Peres+ anak Juda eme Utai (Utai e anak Amihut si dilaki. Amihut e anak Omri si dilaki. Omri e anak Imri si dilaki. Imri e anak Bani si dilaki).
5 Arah kalak Silo eme Asaya ras anakna si dilaki. Asaya e anak sintua.
6 Arah keturunen Sera+ eme Jewel ras 690 senina kalak e.
7 Arah keturunen Benyamin eme Sallu (Sallu e anak Mesullam si dilaki. Mesullam e anak Hodawia si dilaki. Hodawia e anak Hassenua si dilaki),
8 Ibneya (Ibneya e anak Jeroham si dilaki), Ela (Ela e anak Ussi si dilaki. Ussi e anak Mikri si dilaki), ras Mesullam (Mesullam e anak Sepatia si dilaki. Sepatia e anak Rehuel si dilaki. Rehuel e anak Ibnija si dilaki).
9 Menurut silsilah keluarga kalak e, lit 956 senina kalak e. Kerina kalak e ndai jadi peminpin bas keluarga bapakna.
10 Arah imam-imam eme Jedaya, Jehoyarip, Jakin,+
11 Asaria (Asaria e anak Hilkia si dilaki. Hilkia e anak Mesullam si dilaki. Mesullam e anak Sadok si dilaki. Sadok e anak Merayot si dilaki. Merayot e anak Ahitup si dilaki, sekalak peminpin bas rumah* Dibata si benar),
12 Adaya (Adaya e anak Jeroham si dilaki. Jeroham e anak Pashur si dilaki. Pashur e anak Malkia si dilaki), Maasai (Maasai e anak Adiel si dilaki. Adiel e anak Jahsera si dilaki. Jahsera e anak Mesullam si dilaki. Mesullam e anak Mesilemit si dilaki. Mesilemit e anak Immer si dilaki),
13 bage pe senina-senina kalak e, si jadi peminpin bas keluarga bapakna si buena 1.760 kalak. Kalak e kalak si megegeh janah banci iandalken guna ngelayani i bas rumah Dibata si benar.
14 Arah suku Lewi keturunen Merari eme Semaya+ (Semaya e anak Hassup si dilaki. Hassup e anak Asrikam si dilaki. Asrikam e anak Hasabia si dilaki),
15 Bakbakar, Heres, Galal, Mattania (Mattania e anak Mika si dilaki. Mika e anak Sikri si dilaki. Sikri e anak Asap si dilaki),
16 Obaja (Obaja e anak Semaya si dilaki. Semaya e anak Galal si dilaki. Galal e anak Jedutun si dilaki), ras Berehia (Berehia e anak Asa si dilaki. Asa e anak Elkana si dilaki). Berehia me si tading bas kuta-kuta kalak Netopa.+
17 Si jadi penjaga gerbang+ eme Salum, Akkub, Talmon, ras Ahiman. Salum senina kalak e si jadi peminpinna.
18 Pernah ia njaga gerbang raja si lit i sebelah timur.+ Kalak e ndai si njaga gerbang perkemahen kalak Lewi.
19 Salum e anak Kore si dilaki. Kore e anak Ebiasap si dilaki. Ebiasap e anak Korah si dilaki. Ibereken tanggung jawap man Salum bage pe senina-seninana arah keluarga bapakna si keturunen Korah. Tugas kalak e njaga pintu masuk ku kemah Dibata. Janah nini bulang kalak e mbarenda si njaga kemah Jahwe bage pe si njaga pintu masuk ku je.
20 Pinehas+ eme anak Eleasar si dilaki.+ Mbarenda Pinehas si jadi peminpin kalak e, janah Jahwe lit ras ia.
21 Sakaria+ eme anak Meselemia si dilaki. Sakaria si njaga pintu masuk ku kemah perjumpan.
22 Kerina si ipilih jadi si njaga gerbang masuk e, jumlahna lit 212 kalak. Kalak e tading bas inganna sekalak-sekalak menurut silsilah keluargana.+ Si milih kalak e ndatken jabaten kepercayan eme Daud ras Samuel si lit pengenehenenna.*+
23 Kalak e ras anak-anakna si dilaki si ertugas njaga gerbang-gerbang rumah Jahwe,+ eme kemah ingan ersembah.*
24 Kalak si njaga gerbang lit bas empat ingan eme i sebelah timur, barat, utara, ras selatan.+
25 Reh senina-senina kalak e arah kutana nari alu ratur guna ngelayani ras kalak e pitu wari dekahna.
26 Lit empat kalak Lewi si itugasken jadi kepala penjaga gerbang.* Ibereken man kalak e jabaten kepercayan guna ngawasi ruangen-ruangen* bage pe ingan nimpan erta si lit bas rumah Dibata si benar.+
27 Kalak e si ertugas njaga rumah Dibata si benar bage pe si njemak kunci pintuna. Segedang berngi, kalak e erjaga i sekeliling rumah Dibata janah tiap erpagi-pagi kalak e si mbuka pintu rumah e.
28 Piga-piga arah kalak e ertugas ngawasi peralaten+ guna nembah Dibata. Kira kalak e peralaten e sanga ipedarat bage pe sanga iulihken.
29 Piga-piga arah kalak e ipilih guna ngawasi peralaten, kerina peralaten si badia,+ tepung halus,+ lau anggur,+ minak,+ kemenyan mbentar,+ ras minak balsem.*+
30 Piga-piga anak imam si dilaki ertugas erban campuren minak balsem.
31 Mattitia eme anak Salum sintua. Ia kalak Lewi arah keturunen Korah. Man bana ibereken jabaten kepercayan guna erban roti si menipes.+
32 Piga-piga senina kalak e arah keturunen Kohat si ertugas guna ngurus roti persembahen.*+ Roti e isikapken kalak e tiap wari Sabat.+
33 Lit ka piga-piga penyanyi, eme peminpin-peminpin keluarga bapak arah kalak Lewi janah kalak e lit i ruangen-ruangen.* Kalak e ibebasken arah tugas-tugas si debanna, sebap kalak e ndahiken tugasna suari ras berngi.
34 Kalak e peminpin-peminpin keluarga bapak arah kalak Lewi menurut silsilah keturunen kalak e. Kalak e tading i Jerusalem.
35 Bapak Gibeon eme Jeiel. Ia tading i Gibeon.+ Gelar diberuna Maaka.
36 Anakna sintua eme Abdon, kenca si e Sur, Kis, Baal, Ner, Nadap,
37 Gedor, Ahio, Sakaria, ras Miklot.
38 Miklot kap bapak Simeam. Kalak e kerina tading i deher senina-seninana i Jerusalem radu ras senina-seninana si debanna.
39 Ner+ kap bapak Kis. Kis e bapak Saul.+ Saul kap bapak Jonatan,+ Malkisua,+ Abinadap,+ ras Esbaal.
40 Anak Jonatan si dilaki eme Meribaal.+ Meribaal e bapak Miha.+
41 Anak Miha si dilaki eme Piton, Melek, Tarea, ras Ahas.
42 Ahas kap bapak Jara. Jara kap bapak Alemet, Asmawet, ras Simri. Simri e bapak Mosa.
43 Mosa e bapak Binea. Anak Binea eme Repaya. Anak Repaya eme Eleasa. Anak Eleasa eme Asel.
44 Lit enem anak Asel si dilaki, gelarna eme Asrikam, Boheru, Ismael, Seariah, Obaja, ras Hanan. Enda ndai me anak-anak Asel si dilaki.
Cataten i teruh
^ Ntah “kalak Netinim.” As. “kalak si ibereken.”
^ Ntah “rumah pertoton.”
^ Bas bahasa Heber, kata enda ngertiken kengasupen sekalak jelma si bereken Dibata guna meteh sura-suraNa.
^ As. “eme rumah arah kemah.”
^ Ntah “ruangen-ruangen ingan man.”
^ As. “jadi penjaga gerbang si megegeh.”
^ Minak si merim si iban arah sinuan-sinuan ntah pe batang kayu tertentu. E ipake guna jadi tambar ntah pe parfum.
^ Ntah “roti lapis.”
^ Ntah “ruangen-ruangen ingan man.”
