1 Petrus 3:1-22
3 Bage pe kena o ndehara, patuhlah man perbulangen kena,+ gelah adi lit perbulangen si la patuh man kata Dibata, banci ia patuh perban perbahanen kena amin gia la kena ngerana sitik pe,+
2 sebap idahna mehuli* kena+ janah mehamat perbahanen kena.
3 Ula ban penampilen kena si teridah arah darat jadi si pentingna, contohna bagi gaya buk si lebihsa,* perhiasen emas,+ ntah pe make baju si mewah.
4 Tapi banlah maka jile kena e rehna arah pusuh nari, kejilen si la ermasap-masap eme lembut ras tenang.+ Enda kap kejilen si merga kel i lebe-lebe* Dibata.
5 Bage kap diberu-diberu si mbarenda, si erkiniteken* ras erpengarapen man Dibata, pejilena bana alu patuh man perbulangenna,
6 bagi Sara patuh man Abraham, lebuhna ia tuan.+ Kena kap anak-anakna adi terus lakoken kena si mehuli janah la mbiar bas kai pe.+
7 Bage pe kena o perbulangen, teruslah kena erpengangka sanga kena tading ras ndehara kena. Hamatilah ia+ sebap gegehen kena asangken ia,* perban ia pe ikut jadi ahli waris ras kena+ guna ngaloken kegeluhen arah kiniulin Dibata si luar biasa. Adi la bage, toto kena labo ibegiken.
8 Dungna, o turang senina, seperukuren min kena kerina,+ sepenggejapen, sikeleng-kelengen, perkuah,+ janah meteruk ukur.+
9 Ula balas kejahaten alu kejahaten,+ ntah pe hinan alu hinan.+ Tapi, balaslah alu ranan si mehuli,*+ sebap guna si e kena ipilih gelah banci aloken kena pasu-pasu.
10 Sebap lit tertulis, “Ise pe si sikap tena geluhna ras ermeriah ukur, ula belaskenna kai si jahat+ ras ula belasken kata-kata guna nipu.
11 Pedauhnalah kai si la mehuli+ janah lakokennalah kai si mehuli.+ Daraminalah perdamen ras ayakinalah e.+
12 Sebap mata Jahwe* mperdiateken kalak si benar, janah cupingNa megiken pemindon kalak e,+ tapi nembeh ate Jahwe* kalak si ngelakoken kai si jahat.”+
13 Adi semangat kena ngelakoken kai si mehuli, ise kin si erban kena cilaka?+
14 Tapi, amin pe arus adapi kena kiniseran perban kai si benar, ermeriah ukur me kena.+ Ula mbiar man kai si erban kalak mbiar,* ula kena kuatir.+
15 Hamatilah Kristus selaku Tuan bas pusuh kena, badia kap ia. Ersikaplah katawari pe guna njawap kerina kalak si nungkun kerna pengarapen si lit bas kena. Tapi jawaplah alu lembut+ ras mehamat.+
16 Jagalah pusuh peraten kena tetap bersih,+ gelah ise pe si ngerana nentang kena alu cara kai pe, mela dungna+ perban mehuli perbahanen kena selaku pengikut Kristus.+
17 Ulin adapi kena kiniseran perban perbahanen si mehuli+ adi kin e ipediat Dibata, asangken perban perbahanen si jahat.+
18 Sebap Kristus si ngelakoken kai si benar pe sekali ngenca mate guna dosa seh rasa lalap.+ Ia mate guna kalak si ngelakoken kai si salah.+ Banna bage gelah banci tegu-teguna kena ku Dibata.+ Mate ia bas daging+ tapi ipegeluh bas kesah.+
19 Janah bas keadan si bage, lawes ia erberita man malekat-malekat si lit bas penjara,+
20 si mbarenda la patuh man Dibata bas jaman Nuah.+ Sanga bahtra ibangun,+ Dibata tetap sabar. Bahtra e maba piga-piga kalak ngenca eme waluh kalak si selamat arah lau e.+
21 Kejadin e nggambarken peridin si nelamatken kena gundari arah kekeken Jesus Kristus. Peridin e labo mbersihken daging arah si kotor nari, tapi pemindon man Dibata guna pusuh peraten si bersih.+
22 Jesus lawes ku surga janah gundari ia enggo i sebelah kanan Dibata.+ Malekat-malekat bage pe penguasa-penguasa iban patuh man bana.+
Cataten i teruh
^ As. “bersih.”
^ As. “bagi buk si ikepang.”
^ As. “i mata.”
^ As. “badia.”
^ As. “sebap kalak e bagi benda si lebih lemah.”
^ As. “alu pasu-pasu.”
^ Ntah banci saja “man ancamen kalak.”
