1 Petrus 4:1-19
4 Perban enggo adapi Kristus kiniseran sanga ia jadi manusia,+ kena pe arus perlengkapi kena diri kena alu perukuren si seri bagi perukuren Kristus. Sebap kalak si adapina kiniseran selaku manusia lanai erban dosa.+
2 Alu bage, lanai ia nggeluh menurut sura-sura manusia+ tapi gunakenna geluhna guna ngelakoken peraten Dibata.+
3 Sebap enggo cukup ndekah lakoken kena sura-sura kalak si lit bas doni enda,+ eme ngelakoken perbahanen si la meteh mela,* ersura-sura ngelakoken kai si salah, mabuk-mabuk, pesta pora, pesta minem-minem, janah nembah berhala.+
4 Mamang ate kalak e perban lanai ikutken kena perbahanenna si najis si bagi kubang. E me sebapna hina kalak e kena.+
5 Tapi arus kalak e ertanggung jawap man Kristus, si ngakimi kalak si nggeluh ras si enggo mate.+
6 Situhuna, perban si e maka berita si meriah pe iberitaken ka man kalak mate,*+ gelah amin pe kalak e ihakimi menurut kai si teridah bas manusia, tapi kalak enda banci nggeluh alu penegu-negu kesah si badia.
7 Tapi enggo ndeher kedungen kerinana. Emaka beluhlah kena rukur,+ ndigan pe siap guna ertoto.+
8 Si pentingna, sikeleng-kelengenlah kena alu tutus,+ sebap kekelengen nutupi melala dosa.+
9 Alo-alolah kalak si deban alu meriah ukur, labo alu jungut-jungut.+
10 Sesuai ras pemere si aloken kena masing-masing selaku pengurus si mehuli arah kiniulin Dibata si luar biasa, gunakenlah e guna ngelayani kalak si deban, si icidahken alu erbage cara.+
11 Adi lit si ngerana, ngeranalah ia bali bagi mpeseh kata-kata arah Dibata nari. Adi lit si ngelayani, andalkennalah gegeh si bereken Dibata.+ Alu bage, arah Jesus Kristus, Dibata imuliaken bas kai pe.+ Kemulian ras kuasa lit bas Ia seh rasa lalap. Amin.
12 O turang senina si kukelengi, ula sengget perban percuban si mberat* si adapi kena,+ tempa-tempa percuban si adapi kena e kejadin si mbaru.
13 Tapi, ermeriah ukurlah kena+ perban ikut dat kiniseran bagi Kristus,+ gelah tuhu-tuhu meriah ukur kena sanga cidahken Kristus kemulianna.+
14 Adi kena ihina perban gelar Kristus, kena ermeriah ukur+ perban kesah si mulia, eme kesah Dibata lit bas kena.
15 Tapi, ula min lit bas kena si dat kiniseran perban jadi sekalak pembunuh, pinangko, kalak jahat, ntah pe perban campuri kena urusen kalak.+
16 Adi dat kiniseran kena perban kena kalak Kristen, ula kena mela.+ Tapi, teruslah muliaken Dibata, teruslah nggeluh selaku kalak Kristen.
17 Enggo seh waktu si itetapken guna ngakimi. Penghakimen e imulai arah rumah Dibata.+ Adi kita lebe si ihakimi,+ kai nge si terjadi man kalak si la patuh man berita si meriah si rehna arah Dibata nari?+
18 “Adi kalak si benar pe mesera nelamatkenca, kai nge si terjadi man kalak si la hamatina Dibata bage pe kalak perdosa?”+
19 Emaka adi dat kiniseran kena perban ngelakoken peraten Dibata, serahkenlah diri kena man Ia si setia, eme Si Nciptaken kita, teruslah lakoken si mehuli.+
Cataten i teruh
^ Ntah “percuban si bagi api.”
