1 Samuel 2:1-36
2 Kenca si e, ertoto Hanna:
“Meriah ukurku ban Jahwe;+Pegegehi Jahwe aku.*
Pang aku njawap musuh-musuhku,Meriah ukurku perban enggo selamatkenNdu aku.
2 La lit si badia bagi Jahwe,La lit si bagi Kam,+La lit gunung batu bagi Dibatata.+
3 Ula nai kena tual ngerana;Ula ndarat ranan si sombong arah babah kena nari,Sebap Jahwe kap Dibata si meteh kerinana,+Janah Ia kap si mereksa kerina perbahanen manusia alu adil.
4 Panah pejuang-pejuang si megegeh ipenggelken,Tapi kalak si tertuktuk ipegegehi.+
5 Kalak si besur arus erdahin ndatken roti,Tapi kalak si melihe lanai melihe,+Kalak si la banci hamil dungna lahirkenna pitu anak dilaki,+Tapi kalak si enterem anakna dilaki, jadi sisada.
6 Jahwe banci erban kalak jadi mate, bage pe erban kalak tetap nggeluh;Banci ka babaNa kalak ku bas Kuburen* janah pegeluhNa mulihi.+
7 Banci ban Jahwe kalak jadi mesera ntah pe bayak;+Banci ka peterukNa janah peganjangNa.+
8 AngkatNa kalak si la penting arah abu nari;PeganjangNa kalak si mesera arah abu si ergun-gun,*+Gelah banci kalak e kundul ras kalak si penting,Janah ndatken ingan si mehaga.
Sebap Jahwe kap si mpuna pondasi doni,+TamakenNa doni i datasna.
9 LindungiNa tiap langkah kalak si setia man baNa,+Tapi kalak jahat kernepkenNa bas kegelapen,+Sebap manusia labo banci menang alu gegehna saja.+
10 Kernepken Jahwe kalak si ngelawan Ia;*+LawanNa kalak e alu sora lenggur arah langit nari.+
Hakimi Jahwe kerina si lit bas doni,+BerekenNa kuasa man rajaNa+PegegehiNa* kalak si pilihNa.”+
11 Kenca si e, mulih Elkana ku rumahna i Rama, tapi anak e jadi pelayan Jahwe+ bas pengawasen Imam Eli.
12 Anak-anak Eli si dilaki seh kel jahatna,+ sitik pe la hamati kalak e Jahwe.
13 La ikutken kalak e peraturen si enggo itetapken man imam-imam kerna persembahen si ibereken rakyat.+ Malahen, lit kenca kalak si mpersembahken korban, reh pelayan imam maba garpu si galang bas tanna. Sanga daging e ibelgang denga,
14 jukjukkenna garpu e ku bas ingan mbelgang daging e, ntah e bas kudin, bas panci, ntah pe belanga. La soal kai si idat garpu e, e me si buat imam jadi jangna. Bage si lakoken kalak e i Silo man kerina kalak Israel si reh.
15 Selain si e, sope lemak korban itutung,+ reh pelayan imam janah nina man kalak si maba persembahen e, “Enta daging ena gelah panggang imam. Daging si matah ngenca si alokenna, labo si enggo ibelgang.”
16 Adi kataken kalak si maba persembahen e, “Tutung lebe lemakna,+ kenca si e maka buatndu si apai atendu,” biasana nina pelayan imam ngaloi, “Lang, bereken man bangku gundari! Adi la berendu, aku muatca!”
17 Emaka, mbelin kel dosa pelayan-pelayan imam e akap Jahwe,+ sebap la ergai kalak e korban si ipersembahken man Jahwe.
18 Sanga si e, Samuel si kitik denga enggo jadi pelayan+ Jahwe, janah pakena baju epod*+ si iban arah kain linen nari.
19 Tiap tahun, ban mamakna rompi si gedang janah berekenna man Samuel sanga ia reh ras dilakina guna mpersembahken korban tahunen.+
20 Jenari ipasu-pasu Eli me Elkana ras diberuna, nina, “Mbera-mbera bereken Jahwe man bandu anak arah diberundu enda guna nggantiken anak si enggo berekenndu* man Jahwe.”+ Kenca si e, mulih kalak e ku rumahna.
21 Inget Jahwe me Hanna, emaka hamil ia.+ Lahirkenna telu anak dilaki bage pe dua anak diberu. Samuel pe terus reh galangna janah terus layanina Jahwe.+
22 Gundari Eli enggo seh kel tuana, janah begina kerina perbahanen anak-anakna+ man kerina kalak Israel. Tehna ka kalak e erhubungen seks ras diberu-diberu si ngelayani bas dalan masuk ku kemah perjumpan.+
23 Biasana nina Eli man kalak e, “Engkai maka bage lalap perbahanen kena? La mehuli kubegi arah kerina kalak kerna kena.
24 Ula nai kena bage, Nakku. La kel mehuli cakap si kubegi arah umat Jahwe kerna kena.
25 Adi lit sekalak jelma si erdosa man kalak si deban, lit si banci mindo man Jahwe guna kepentingenna;* tapi adi sekalak jelma erdosa man Jahwe,+ ise si banci ertoto guna ia?” Amin pe bage, la begiken kalak e bapakna sebap enggo tetapken Jahwe gelah kalak e ibunuh.+
26 Sanga si e, Samuel si kitik denga terus reh galangna janah reh ngenana ate Jahwe bage pe manusia man bana.+
27 Reh sekalak dilaki si isuruh Dibata ndahi Eli, nina, “Bagenda si kataken Jahwe, ‘Sanga keluarga nini bulangndu jadi budak bas rumah raja Mesir* i Mesir, enggo kucidahken bangKu man kalak e.+
28 Bas kerina suku Israel,+ enggo Kupilih keluarga nini bulangndu jadi imamKu guna mpersembahken korban bas ingan nutung*+ persembahen, nutung kemenyan, ras make baju epod* i lebe-lebeKu. Kerina korban persembahen kalak Israel si itutung alu api, Kubereken ka man keluarga nini bulangndu.+
29 Engkai maka la ergai kena korban ras persembahen si Kuperentahken gelah ipersembahken bas inganKu tading?+ Engkai maka ergan akapndu anakndu asangken Aku, alu mangani bagin si mejilena arah tiap persembahen umatKu Israel?+
30 “‘E me sebapna ikataken Jahwe Dibata Israel, “Memang enggo Kukataken maka keluargandu bage pe keluarga nini bulangndu terus pagi ngelayani i lebe-lebeKu.”+ Tapi gundari bagenda nina Jahwe, “Lanai Kupediat si e terjadi, sebap Kuergai kalak si ngergai Aku,+ tapi kalak si hinana Aku lanai pagi lit ergana.”
31 Nenlah! Bas waktuna pagi, Kuban kam lanai ergegeh, keluarga nini bulangndu pe Kuban lanai ergegeh, alu bage la lit sada pe bas keluargandu si gedang umurna.+
32 Sanga kalak Israel ngenanami kerina si mehuli, idahndu pagi lit saingenndu bas inganKu tading.+ Ndigan pe lanai lit kalak si gedang umurna bas keluargandu.
33 Tapi sekalak bas keturunenndu nari Kupediat ngelayani bas ingan nutung persembahenKu, banna pagi matandu lanai erpengidah ras banna kam erceda ate. Selain si e, teremen pagi arah keluargandu si mate perban pedang.+
34 Guna mbuktiken maka benar kai si Kukataken e, Kucidahken sada tanda man bandu: Duana pagi anakndu si dilaki, eme Hopni ras Pinehas, mate bas wari si seri.+
35 Kenca si e, Kupilih pagi sekalak imam si setia,+ janah kai si lakokenna cocok ras sura-suraKu. Kuban keturunenna terus ngelayani jadi imam, janah terus ia ngelayani jadi imam guna kalak si Kupilih.
36 Ise pe keturunenndu si nggeluh denga, lawes pagi ndahi imam e, jenari sujud guna mindo dahin gelah datna sitik sen ras roti, janah nina, “Bereken min aku dahin sekalak imam, gelah banci kupan sepotong roti.”’”+
Cataten i teruh
^ Ntah banci saja “arah ingan pembuangen sampah.”
^ Ntah banci saja “Kalak si ngelawan Jahwe jadi mbiar.”
^ As. “pinjamkenndu.”
^ Ntah banci saja “Dibata kap si ngadilisa.”
^ As. “Paro; Firaun.” Penggelaren man raja Mesir.
