1 Samuel 27:1-12
-
Siklak ibereken kalak Pilisti man Daud (1-12)
27 Tapi nina Daud bas ukurna, ‘Bas sada wari pagi, pasti aku mate bas tan Saul. Padin aku kiam+ ku daerah kalak Pilisti gelah ula nai darami Saul aku bas kerina daerah Israel,+ banci ka aku bebas arah tanna nari.’
2 Emaka lawes Daud ras 600 anak buahna+ ndahi Akis+ anak Maoh, raja Gat.
3 Tading Daud ras Akis i Gat. Anak buah Daud ras keluargana tading ras Daud i je. Duana diberu Daud pe ikut ras ia. Sada gelarna Ahinoam+ kalak Jesreel, sada nari gelarna Abigail+ kalak Karmel, si mbarenda diberu Nabal.
4 Kenca ilaporken man Saul maka Daud enggo kiam ku Gat, lanai darami Saul ia.+
5 Kenca si e, nina Daud man Akis, “Adi jadi kin atendu aku Tuan, berekenndu min inganku tading bas sada kota si kitik. Ula min aku tading ras kam bas kota raja.”
6 Emaka bas wari e, bereken Akis kota Siklak man Daud.+ E me sebapna seh ngasa gundari, kota Siklak e raja-raja Juda punana.
7 Sada tahun empat bulan dekahna Daud tading bas kota kalak Pilisti si kitik e.+
8 Daud ras pasukenna nyerang kalak Gesur,+ kalak Girsi, bage pe kalak Amalek,+ sebap kalak e tading bas daerah arah Telam seh ku Sur+ bage pe Mesir.
9 Sanga serang Daud daerah kalak e, bunuhna kerina dilaki bage pe diberu.+ Tapi buatna biri-biri, kambing, lembu, kelede, unta, bage pe uis kalak e, jenari mulih ia ndahi Raja Akis.
10 Kenca si e, nungkun Akis, “Sendah daerah si apai serangndu?” Nina Daud, “Daerah selatan* kalak Juda”+ ras “Daerah selatan kalak Jerahmeel”+ ras “Daerah selatan kalak Keni.”+
11 La pediat Daud sekalak dilaki ntah pe diberu tetap nggeluh guna ibaba ku Gat, nina Daud, “Ula pagi sempat laporken kalak e kita janah nina, ‘Enda si lakoken Daud.’” Bage ndai me si lakoken Daud sedekah ia tading bas kota kalak Pilisti si kitik e.
12 Tek Akis man Daud, nina bas ukurna, ‘Pasti segat ate bangsana eme bangsa Israel man bana, emaka lalap nge pagi ia jadi budakku.’
Cataten i teruh
^ Ntah “Negep.”
