1 Tesalonika 4:1-18
4 Si terakhir, o turang senina, enggo ajari kami uga arusna perbahanen kena gelah ngena ate Dibata.+ Tuhu bage perbahanen kena gelgel nari. Janah gundari pindoken kami kel man kena bas gelar Tuan Jesus gelah lakoken kena lebih asa si e.
2 Sebap enggo teh kena petunjuk* si bereken kami man kena arah Tuan Jesus.
3 Peraten Dibata gelah kena badia+ janah ndauh arah perbahanen seks si salah.*+
4 Masing-masing kena arus teh kena uga nguasai daging kena+ gelah tetap badia+ ras mehamat.
5 Labo bagi bangsa-bangsa si la nandai Dibata+ si la terkuasaisa napsu seksna+ janah la pernah puas.
6 Bas si enda, ula ise pe erban si la mehuli ntah pe ngelanggar hak turang seninana, sebap ihukum Jahwe* kap kalak si ngelakoken si bage, bagi si enggo pernah kataken kami janah persingeti kami man kena.
7 Enggo lebuh Dibata kena gelah badia, labo gelah najis.+
8 Emaka kalak si nulak pengajaren enda, labo manusia si tulakna, tapi Dibata+ si mereken kesah si badia+ nge si tulakna.
9 Labo perlu tulisken kami kerna uga engkelengi turang senina,+ sebap enggo ajari Dibata kena engkelengi sada ras si debanna.+
10 Situhuna enggo bage perbahanen kena man turang senina i belang-belang Makedoni. Tapi pindoken kami, teruslah lakoken kena e janah reh tutusna bas ndalankenca.
11 Sesuai ras petunjuk si bereken kami, usahakenlah asa bancina nggeluh alu tenang,+ la ncampuri urusen kalak si deban,+ janah erdahinlah alu tutus.+
12 Alu bage la kena kurang kai pe janah jelma si enterem pe banci idahna perbahanen kena si mehuli e.+
13 O turang senina, ate kami gelah teh kena min uga situhuna kerna kalak si medem bas kematen,+ gelah ula ceda ate kena bagi kalak si la erpengarapen.+
14 Sebap adi erkiniteken kita maka Jesus enggo mate janah ipekeke mulihi,+ kita pe erkiniteken ka maka pengikut Jesus si medem bas kematen pe ipekeke Dibata pagi janah ersada kalak e ras Jesus.+
15 Pengajaren Jahwe* kap si kataken kami man kena, eme kita si nggeluh denga seh asa kerehen Tuan labo pagi ngelebei kalak si enggo medem bas kematen.
16 Sebap nusur Tuan arah surga nari janah jemakna trompet Dibata. Erlebuh ia alu sora si megang, alu sora peminpin malekat,+ janah leben pagi kalak mate si ersada ras Kristus ipekeke.+
17 Kenca si e, kita si nggeluh denga ibaba nangkih ras kalak e bas embun+ gelah jumpa ras Tuan+ i langit, alu bage kita tetap ersada ras Tuan.+
18 Emaka teruslah apuli sada ras si debanna alu kata-kata enda.
Cataten i teruh
^ Ntah “perentah.”
