1 Timotius 3:1-16
3 Enda kata-kata si terteki: Adi usahaken sekalak dilaki jadi pengawas,*+ dahin si mehuli kap si surakenna e.
2 Sekalak pengawas* arus la erpandangen, sada ngenca diberuna, terkuasaina perbahanenna, beluh rukur,+ tertip, nggit ngalo-ngalo kalak si deban,+ beluh ngajar,+
3 la pemabuk,+ la kasar, tapi masuk akal,+ la nggit rubati,+ la mata duiten,+
4 urusna keluargana alu mehuli, anak-anakna pe patuh janah mehuli perbahanenna+
5 (sebap adi la banci urusna rumah tanggana, uga ia banci ngurus runggun Dibata?),
6 labo kalak si mbaru erkiniteken,+ gelah ula ia jadi sombong janah dungna ndatken hukumen si seri ras Iblis.
7 Selain si e, ia arus itandai jelma si enterem selaku kalak si mehuli,+ gelah ula ia ihina janah kena siding Iblis.
8 Bage ka pe, sinampati runggun arus serius, la nggit nipu, la melala minem anggur, ras la merangap bas ndatken keuntungen si la jujur.+
9 Setia man rahasia si badia eme kiniteken* alu pusuh peraten si bersih.+
10 Selain si e, arus ka ia iuji enggo cocok ntah lang, janah adi bebas ia arah tuduhen, emaka banci ia jadi sekalak sinampati runggun.+
11 Bage ka pe si diberu arus serius, la tukang pitnah,+ terkuasaina dirina, janah setia bas kai pe.+
12 Sinampati runggun arus sada ngenca diberuna, janah banci urusna anak-anakna bage pe rumah tanggana alu mehuli.
13 Dilaki si ngelayani alu mehuli ndatken gelar si mehuli, janah tuhu-tuhu banci ngerana alu bebas kerna kiniteken man Kristus Jesus.
14 Amin pe meter ateku reh ndahi kam, kutulisken kerna si enda kerina,
15 gelah adi terlambat pe aku reh, enggo tehndu uga arusna perbahanenndu bas rumah tangga Dibata,+ eme runggun Dibata si nggeluh, tiang kebenaren ras si ndukung kebenaren.
16 Rahasia si badia kerna nembah Dibata enda memang luar biasa kel: ‘Jesus jadi manusia,+ ikataken Dibata ia benar sanga banNa ia mulihi jadi mahluk roh,+ janah lawes ia ndahi malekat-malekat,+ iberitaken man bangsa-bangsa,+ ia iteki i doni,+ janah i surga pe ia ialoken ras imuliaken.’
