1 Timotius 4:1-16
4 Tapi, jelas ikataken kesah si badia maka lit pagi waktuna bene kiniteken kalak, begikenna kata-kata si tempa-tempa rehna arah Dibata nari si erban kalak e sesat,+ ras begikenna ka ajaren malekat-malekat jahat
2 si ipeseh kalak si munapik si nggit erbual,+ si pusuh peratenna enggo lanai erpenggejapen bagi itutung besi si melas.
3 Kalak si bage larangna kalak erjabu+ ras larangna man pangan tertentu.+ Padahal pangan ciptaken Dibata gelah ipan kalak+ si erkiniteken ras si meteh kebenaren alu tepat janahna ngataken bujur man Dibata.+
4 Kerina si ciptaken Dibata e mehuli,+ la lit si perlu ipantangken+ adi ipan alu ngataken bujur,
5 sebap pangan e ipebadia alu kata Dibata ras toto.
6 Adi berekenndu nasehat enda man turang senina, kam jadi pelayan Kristus Jesus si mehuli, si enggo iajar kerna kata-kata si nampati kita erkiniteken man Dibata bage pe kerna ajaren si mehuli si enggo tuhu-tuhu ikutkenndu sedekah enda.+
7 Ula begiken cerita-cerita si la tuhu+ si hinana Dibata, bagi si biasa iceritaken jelma si enterem.* Tapi ajarlah dirindu alu tujun guna nembah Dibata.
8 Latihen gerak badan sitik ngenca gunana, tapi nembah man Dibata erguna bas kai pe. Perban nembah man Dibata mereken jaminen guna kegeluhen si gundari bage pe kegeluhen bas waktu si nandangi reh.+
9 Kata-kata enda banci iteki janah ialoken alu bulat ukur.
10 E me sebapna kita kerja keras janah erjuang,+ perban erpengarapen kita man Dibata si nggeluh, Si Nelamatken+ erbage-bage jelma+ terlebih kalak si setia.
11 Teruslah perentahken si enda janah ajarken.
12 Ula pediat ise pe sepele man bandu perban kam nguda denga. Tapi jadi usihenlah kam man kalak si setia bas ranan, perbahanen, kekelengen, kiniteken, bage pe lagu langkah si bersih.
13 Seh asa reh pagi aku, teruslah atendu tutus mbaca i lebe-lebe jelma si enterem,+ mereken nasehat,* ras ngajar.
14 Ula sia-siaken pemere si ibereken man bandu arah nubuat, sanga tamaken pertua-pertua tanna ku takalndu.+
15 Ukurilah si enda kerina alu mbages janah tuhu-tuhulah perdiateken, gelah kerina kalak ngidah kemajunndu alu jelas.
16 Teruslah perdiateken bandu ras pengajarenndu.+ Tetaplah lakokenndu si e, alu bage selamatkenndu bandu bage pe kalak si megiken kam.+
