2 Korinti 3:1-18
3 Perlu kin bereken kami surat si isina mujiken kami? Bali kin kami bagi kalak si deban si merluken surat-surat pujin arah kena nari ntah man kena?
2 Kena kap surat kami,+ si itulis bas pusuh kami, si iteh kerina kalak janah ibacana.
3 Enggo jelas maka kena kap surat Kristus si itulisken kami selaku pelayan Dibata.+ Tulis kami surat e labo alu tinta tapi alu kesah si badia Dibata si nggeluh, labo itulis bas batu+ tapi bas pusuh manusia.+
4 Arah Kristus, tek kami kerna si e i lebe-lebe Dibata.
5 La kataken kami maka ngasup kami ngelakoken pendahin enda perban gegeh kami, tapi perban penampat Dibata.+
6 Ia kap si erban kami ngasup jadi pelayan arah sada perjanjin si mbaru,+ labo alu penegu-negu sada undang-undang si tertulis,+ tapi alu penegu-negu kesah si badia. Undang-undang si tertulis maba hukumen mate,+ tapi kesah si badia maba kegeluhen.+
7 Undang-undang si maba kematen si itulis bas batu,+ reh alu kemulian si mbelin, emaka kalak Israel la ngasup natap ayo Musa perban kemulian si lit bas ayona+ e kemulian si nandangi masap.
8 La kin belinen kemulian pelayanen si lakoken kesah si badia?+
9 Adi undang-undang si maba kematen+ e saja pe mulia,+ pasti ndauh mulian pelayanen si erban kalak ikataken benar!+
10 Situhuna, undang-undang si mulia si mbarenda, enggo lanai lit ertina ibandingken ras kemulian si lit bas perjanjin si mbaru.+
11 Adi undang-undang si nandangi masap saja pe ibereken alu kemulian,+ pasti ndauh belinen kemulian si lit bas perjanjin si gundari!+
12 Perban bagenda arapen kami,+ pang kami terus terang ngerana.
13 Kami labo bagi Musa si nutupi ayona alu kain+ gelah la idah kalak Israel kemulian* undang-undang si nandangi masap e.
14 Mbarenda la angkai kalak e,+ seh ngasa wari enda pe, kain penutup e tetap lit denga bas ukurna sanga perjanjin si ndekah ibacaken,+ sebap alu penampat Kristus ngenca kain e banci lepas.+
15 Situhuna, seh asa wari enda pe, tiap Undang-Undang Musa ibacaken,+ kain penutup ndai tetap nutupi ukur kalak e.+
16 Tapi adi lit sekalak jelma mulihken man Jahwe,* kain penutup e iagui.+
17 Jahwe* e la banci siidah janah Ia i surga.*+ I ja lit kesah si badia Jahwe,* i je lit kebebasen.+
18 Kerina kita si ayona la itutupi, sicidahken kemulian Jahwe* bali bagi cermin. Kita iubah gelah bali bagi Dibata janah gelah sicidahken kemulian si reh belinna, pas bagi si arapken Jahwe,* Dibata si la banci siidah si lit i surga.*+
