2 Korinti 4:1-18
4 Aloken kami tugas pelayanen e perban perkuah ate Dibata, emaka la kami nyerah.
2 Tulak kami perbahanen si erbuni-buni si erban mela, la kami nipu ntah pe la putarbalikken kami kata Dibata.+ Tapi ban kami kebenaren jadi jelas. Alu bage, i lebe-lebe Dibata, kami jadi usihen man kerina kalak.*+
3 Adi tertutup kin berita si meriah si beritaken kami e, si e tertutup man kalak si ikernepken,
4 eme kalak si la tek+ si ukurna enggo ipepentang dibata doni* enda,+ alu bage la banci idah kalak e terang arah berita si meriah si mulia,+ eme berita kerna Kristus, si ncidahken uga kin Dibata e.+
5 Labo beritaken kami kerna kami, tapi kerna Jesus Kristus selaku Tuan, janah kami selaku budak kena guna Jesus.
6 Enggo pernah kataken Dibata, “Ersinarlah terang bas gelap nari,”+ janah gundari enggo terangiNa pusuhta+ alu pemeteh si mulia kerna Ia si teridah arah ayo Kristus.
7 Amin pe kami bagi kudin taneh ngenca,+ tapi erta e+ itama bas kami, alu bage jelas teridah maka kengasupen kami si luar biasa rehna arah Dibata, labo arah kami nari.+
8 Arah apai pe kami itindih, tapi la kami kicat. Bingung kel kami, tapi lalap lit jalan keluar.*+
9 Kami isiksa tapi la itadingken.+ Kami ipekpeki seh ngasa ndabuh, tapi la mate.+
10 Bagi Jesus, rusur adapi kami bahaya kematen, alu bage kegeluhen kami bagi kegeluhen Jesus.+
11 Amin pe kami nggeluh, tapi lalap adapi kami kematen+ guna Jesus, alu bage kegeluhen kami bagi kegeluhen Jesus.
12 Lalap adapi kami kematen, tapi si enda ngertiken kegeluhen man kena.
13 Lit tertulis, “Aku ngerana perban aku erkiniteken,”+ emaka kami pe ngerana perban seri kiniteken kami.
14 Teh kami maka Dibata si mpekeke Jesus, pekekeNa ka pagi kami guna ersada ras Jesus, janah babaNa pagi kami radu ras kena ku Jesus.+
15 Kerina si enda guna kena kap, sebap adi reh teremna kalak si ngaloken kiniulin Dibata si luar biasa, reh teremna ka kalak si ngataken bujur man Dibata, alu bage Dibata imuliaken.+
16 Enda me sebapna maka kita la nyerah. Amin pe dagingta reh lemahna, tapi pusuh ras perukurenta iban mbaru tiap wari.
17 Amin pe kiniseran* e menahang janah ntisik ngenca, tapi si e erban kita ndatken kemulian si terbelinen janah tahan rasa lalap.+
18 Labo siperdiateken kai si teridah, tapi siperdiateken kai si la teridah,+ sebap kai si teridah e ntisik ngenca, tapi si la teridah e tahan rasa lalap.
Cataten i teruh
^ As. “pusuh peraten manusia.”
^ Ntah banci saja “tapi la sempat putus asa.”
^ Ntah “percuban.”
