2 Kronika 2:1-18
-
Persikapen mbangun rumah pertoton (1-18)
2 Perentahken Salomo gelah ibangun rumah guna gelar Jahwe+ bage pe mbangun istana kerajanna.+
2 Ban Salomo 70.000 dilaki jadi kuli, 80.000 dilaki jadi tukang motong batu i gunung,+ ras 3.600 kalak si ngawasi kalak e.+
3 Kenca si e kirim Salomo pesan man Hiram+ raja Tirus, nina, “Mbarenda kirimndu kayu aras man bapakku Daud guna mbangun istana inganna tading.+ Bage ka min ban man bangku.
4 Gundari kubangun sada rumah man gelar Jahwe Dibataku. Gelah banci kupebadia ingan e man baNa, gelah banci itutung kemenyan si merim+ i lebe-lebeNa, gelah banci lit lalap i je roti persembahen*+ ras persembahen tutungen, pagi-pagi ras karaben,+ bas wari Sabat,+ bas bulan baru,+ bage pe bas musim perayan+ man Jahwe Dibata kami. Enda me tanggung jawap kalak Israel seh rasa lalap.
5 Rumah si nandangi kubangun e seh kel mehagana, sebap Dibata kami hebaten asangken kerina dibata si deban.
6 Ise kin si ngasup mbangun rumah man baNa? Uga belangna pe langit labo siat jadi inganNa tading.+ Ise kin aku maka banci kubangun rumah inganNa tading? Si banci kuban eme ingan guna nutung persembahen i lebe-lebeNa ngenca.
7 Gundari kirim man bangku sekalak si ahli erban barang-barang arah emas, pirak, tembaga,+ besi, wol ungu, benang si warna megara ras si warna biru, bage pe kalak si beluh ngukir. Bas Juda ras Jerusalem pagi ia erdahin radu ras tukangku si ahli si enggo sikapken Daud bapakku.+
8 Janah kirim man bangku kayu aras, kayu juniper,+ ras kayu cendana+ arah Libanon nari, sebap kuteh sierdahinndu enggo erpengalamen motong kayu si lit i Libanon.+ Radu pagi erdahin sierdahinku ras sierdahinndu+
9 nikapken man bangku melala kayu, perban rumah si nandangi kubangun e luar biasa kel galangna.
10 Kusikapken pagi pangan man sierdahinndu+ si motong kayu, buena 3.200 ton* gandum, 2.600 ton* barli, 440.000 liter* inemen anggur, ras 440.000 liter minak.”
11 Ibalas Hiram raja Tirus me surat Salomo, nina, “Perban keleng ate Jahwe umatNa, jadikenNa kam raja.”
12 Nina Hiram ka, “Terpujilah Jahwe Dibata Israel si erban langit ras doni, perban enggo berekenNa man Raja Daud sekalak anak si pentar,+ beluh ras erpengangka.+ Ia pagi si mbangun rumah man Jahwe ras mbangun istana kerajanna.
13 Gundari kukirim sekalak tukang si ahli ras erpengalamen eme Hiram-abi.+
14 Mamakna kalak Dan ras bapakna kalak Tirus. Ia enggo erpengalamen erban barang-barang arah emas, pirak, tembaga, besi, batu, kayu, wol ungu, benang si warna biru, kain linen, ras benang si warna megara.+ Beluh ia erban ukiren kai pe ras uga pe bentukna.+ Ia pagi si erdahin ras tukangndu si ahli bage pe ras tukang tuanku Daud bapakndu.
15 Emaka Tuanku, kirimlah gandum, barli, minak, bage pe inemen anggur bagi si enggo janjikenndu man kalak si erdahin.+
16 Potong kami pagi kayu i Libanon+ ngasa si perlukenndu, ban kami kayu e bagi rakit janah kirim kami arah laut ku Jope,+ jenari babandu pagi kayu e ku Jerusalem.”+
17 Kenca si e, hitung Salomo kerina kalak asing si tading bas Israel+ bagi si pernah lakoken Daud bapakna,+ jumlahna lit 153.600 kalak.
18 Emaka tugaskenna 70.000 kalak jadi kuli, 80.000 kalak jadi tukang si motong batu+ i gunung, ras 3.600 kalak si ngawasi kalak si erdahin e.+
