2 Kronika 21:1-20
21 Kenca si e, mate Josapat janah ikuburken ia ras nini bulangna i Kota Daud. Anakna si nggantiken ia jadi raja eme Jehoram.+
2 Senina Jehoram eme Asaria, Jehiel, Sakaria, Asaria, Mikael, ras Sepatia. Kalak e ndai kerina anak Josapat raja Israel.
3 Melala hadiah si bereken bapak kalak e man kalak e. Lit pirak, emas, barang-barang si merga, bage pe kota-kota si erbenteng i Juda.+ Tapi kerajanna berekenna man Jehoram+ perban ia anak sintua.
4 Sanga Jehoram erkuasa bas kerajan bapakna, bunuhna kerina seninana+ ras piga-piga pejabat Israel alu pedang gelah reh paguhna kedudukenna.
5 Umur Jehoram 32 tahun sanga ia jadi raja. Waluh tahun dekahna ia merentah i Jerusalem.+
6 Ikutkenna perbahanen raja-raja Israel,+ bagi si lakoken keluarga Ahap, sebap empoina anak Ahap.+ Lalap lakokenna kai si jahat akap Jahwe.
7 Tapi la ate Jahwe engkernepken keturunen Daud, sebap enggo erjanji Dibata man Daud+ maka keturunenna nge lalap si jadi raja.*+
8 Sanga Jehoram merentah, mberontak kalak Edom ngelawan Juda,+ ban kalak e rajana sendiri.+
9 Emaka lawes Jehoram ras peminpin-peminpin pasukenna bage pe kerina gereta perangna. Sanga berngi, maju kalak e janah talukenna kalak Edom si ngepung kalak e bage pe peminpin-peminpin pasuken Edom si ergereta.
10 Tapi seh ngasa gundari, Edom terus mberontak ngelawan Juda. Paksa si e, Lipna+ pe mberontak ngelawan Jehoram, perban Jehoram enggo nadingken Jahwe Dibata nini bulangna.+
11 Banna ka ingan-ingan ersembah*+ bas pegunungen Juda gelah penduduk Jerusalem lanai setia man Dibata.* Selain si e, banna kalak Juda ndauh arah Dibata nari.
12 Kenca si e, tulis Nabi Elia+ surat man Jehoram, nina, “Enda si kataken Jahwe Dibata Daud nini bulangndu, ‘La ikutkenndu si lakoken bapakndu Josapat+ ntah pe si lakoken Asa+ raja Juda.
13 Tapi ikutkenndu kai si lakoken raja-raja Israel.+ Banndu kalak Juda ras penduduk Jerusalem lanai setia man Dibata,*+ bagi si lakoken keluarga Ahap.+ Bunuhndu ka senina-seninandu+ eme anak-anak bapakndu si ulin asangken kam.
14 E me sebapna ban Jahwe bencana si ngeri man rakyatndu, anak-anakndu, diberu-diberundu, ras kerina erta-ertandu.
15 Mesui pagi akapndu tiap wari perban melala penakitndu. Lit ka penakit ususndu, seh asa ndarat ususndu perban penakit e.’”
16 Ban Jahwe+ kalak Pilisti+ ras kalak Arab+ si lit i deher Etiopia ngelawan Jehoram.
17 Emaka serbu kalak e Juda janah serangna daerah e. Rampas kalak e kerina erta-erta si lit bas istana raja,+ termasuk anak-anakna ras diberu-diberuna. Sada ngenca si tading man bana eme anakna si nguda, Jehoahas.*+
18 Kenca kerina kejadin e, ban Jahwe me Jehoram kena penakit usus si la tertambari.+
19 Dua tahun kenca si e, ndarat ususna perban penakitna e, mesui kel kapna perban penakitna e, janah dungna mate ia. La pegara rakyatna api guna ngergai ia. Adi man nini bulangna mbarenda pegara kalak e api.+
20 Umurna 32 tahun sanga ia jadi raja janah lit 8 tahun dekahna ia merentah i Jerusalem. La lit sekalak pe si rate ceda sanga ia mate. Emaka ikuburken ia bas Kota Daud+ tapi labo bas ingan kuburen raja-raja.+
Cataten i teruh
^ As. “maka lalap berekenNa man bana lampu.”
^ As. “ingan-ingan si meganjang.”
^ As. “Jerusalem erlua-lua secara rohani.”
^ As. “Jerusalem erlua-lua secara rohani.”
^ Igelari ka ia Ahasia.
