2 Kronika 22:1-12
22 Kenca si e, ban penduduk Jerusalem anak raja si nguda jadi raja eme Ahasia, sebap anak-anakna si tertuan enggo bunuh gerombolen perampok+ si reh ku perkemahen radu ras kalak Arab. Emaka mulai Ahasia anak Jehoram si merentah jadi raja i Juda.+
2 Umur Ahasia 22 tahun sanga ia jadi raja, janah lit sada tahun ia merentah i Jerusalem. Gelar mamakna Atalia,+ kempu* Omri.+
3 Ikutken Ahasia kai si lakoken keluarga Ahap,+ perban mamakna si mereken nasehat man bana guna ngelakoken kai si jahat.
4 Lalap lakokenna kai si jahat menurut Jahwe bagi si lakoken keluarga Ahap, sebap kalak e si jadi penasehatna kenca enggo mate bapakna. E me si erbanca ia cilaka.
5 Ikutkenna nasehat kalak e janah lawes ia ras Jehoram anak Ahap raja Israel guna erperang ngelawan raja Siria eme Hasael+ bas Ramot i Gileat.+ I je Jehoram luka iban pemanah.
6 Emaka mulih ia ku Jesreel+ gelah malem luka-lukana. Ia luka i Rama sanga lawanna Hasael raja Siria.+
Lawes Ahasia* anak Jehoram+ raja Juda ku Jesreel ngenen Jehoram+ anak Ahap perban sangana ia luka.*+
7 Tapi ban Dibata mate Ahasia perban reh ia ndahi Jehoram. Sanga ia reh, lawes ia ras Jehoram njumpai Jehu+ kempu* Nimsi. Jehu si enggo pilih Jahwe engkernepken keluarga Ahap.+
8 Sanga bereken Jehu hukumen man keluarga Ahap, jumpa ia ras pejabat-pejabat Juda bage pe anak-anak arah senina-senina Ahasia si ngelayani Ahasia, jenari bunuhna kalak e.+
9 Kenca si e, suruh Jehu kalak ndarami Ahasia. Tangkap kalak e Ahasia si sangana cebuni i Samaria janah babana ku Jehu. Bunuh kalak e Ahasia jenari ikuburken.+ Sebap nina kalak e, “Ia kempu Josapat si ndarami Jahwe alu bulat ukur.”+ Emaka lanai lit sekalak pe arah keturunen Ahasia si banci erkuasa bas kerajanna.
10 Sanga Atalia+ mamak Ahasia ngidah maka anakna enggo mate, bunuhna kerina keturunen raja Juda.+
11 Tapi tangko Jehosebat me Joas+ anak Ahasia arah anak-anak raja si debanna si nandangi ibunuh. Bunikenna Joas ras kalak si ngurussa bas kamar. Emaka la banci dat Atalia janah la banci bunuhna Joas.+ (Jehosebat eme anak Raja Jehoram+ si diberu. Ia diberu Imam Joyada,+ ia kakak Ahasia.)
12 Lit enem tahun dekahna Joas tading ras kalak e, janah ibuniken bas rumah Dibata si benar sedekah Atalia merentah bas negri e.
Cataten i teruh
^ As. “anak.”
^ Bas piga-piga cataten Heber make gelar “Asaria.”
^ Ntah “sangana ia sakit.”
^ As. “anak.”
