2 Kronika 27:1-9
-
Jotam jadi raja Juda (1-9)
27 Jotam+ jadi raja sanga umurna 25 tahun, janah 16 tahun dekahna ia merentah i Jerusalem. Gelar mamakna Jerusah anak Sadok.+
2 Lalap lakokenna kai si benar menurut Jahwe bagi si lakoken Ussia bapakna,+ tapi la ia masuk ku ingan si la banci imasuki bas rumah pertoton Jahwe.+ Tapi rakyat lalap denga ngelakoken kai si salah.
3 Bangun Jotam Gerbang Datas i rumah Jahwe+ janah melala tembok-tembok Opel si bangunna.+
4 Bangunna ka kota-kota+ si lit bas daerah pegunungen Juda+ bage pe ingan-ingan si erbenteng+ ras menara-menara+ i daerah kerangen.
5 Erperang ia ngelawan raja kalak Ammon+ janah talukenna kalak e. Emaka bereken kalak Ammon 3 ton 420 kilo* pirak, 1.600 ton* gandum, bage pe 1.300 ton* barli. Bas tahun peduaken ras peteluken pe berekenna ka bage.+
6 Emaka Jotam terus reh gegehna perban ikutkenna dalan-dalan Jahwe Dibatana.
7 Cerita si debanna kerna sejarah Jotam, kerina perang si lakokenna bage pe perbahanenna itulis bas Buku Raja-Raja Israel ras Juda.+
8 Ia jadi raja sanga umurna 25 tahun janah 16 tahun dekahna ia merentah i Jerusalem.+
9 Dungna mate Jotam janah ikuburken bas Kota Daud.+ Anakna si nggantiken ia jadi raja eme Ahas.+
