2 Kronika 32:1-33
32 Kenca lakoken Hiskia si e kerina alu setia,+ reh Raja Sanherip arah Assur nari nyerang Juda. Kepungna kota-kota si erbenteng, hancurkenna atena tembok-tembok kota jenari rebutna.+
2 Sanga idah Hiskia maka enggo reh Sanherip janah serangna atena Jerusalem,
3 arih-arih ia ras pejabat-pejabatna bage pe ras pejuang-pejuangna guna nutup kerina mata lau i darat kota.+ Janah dukung kalak e ia.
4 Enterem kalak pulung guna nutup kerina mata lau janah pengadi kalak e lau si maler bas negri e. Ning kalak e, “Adi reh pagi raja-raja Assur, la ateta datna melala lau.”
5 Semangat kel Hiskia mbangun mulihi kerina tembok si runtuh janah pajekkenna menara-menara i datasna ras bangunna ka tembok si deban arah darat. Pesikapna ka Bukit*+ si lit bas Kota Daud, banna ka melala kel senjata-senjata ras perisai.*
6 Kenca si e, pilihna ka peminpin-peminpin pasuken janah pepulungna kalak e bas lapangen kota si lit i deher gerbang kota, jenari pegegehina kalak e, nina,
7 “Perpanglah janah megegehlah. Ula mbiar ntah pe gentar perban raja Assur+ e ras pasukenna si enterem, sebap buen kap si ras kita asangken si ras ia.+
8 Bas ia lit gegeh manusia, tapi arah kita lit Jahwe Dibatata si nampati kita, si erperang guna kita.”+ Emaka terpegegehi kel kalak e megi kata-kata Hiskia raja Juda.+
9 Kenca si e, sanga Sanherip raja Assur lit bas Lakis+ ras kerina pasukenna si megegeh ras hebat, suruhna pelayanna ku Jerusalem njumpai Hiskia raja Juda bage pe kerina kalak Judea si lit i Jerusalem,+ nina,
10 “Enda si kataken Sanherip raja Assur, ‘Jerusalem enggo ikepung. Engkai lalap denga kena tading i je? Penampat ise kin si arapken kena?+
11 Sanga kataken Hiskia “selamatken Jahwe Dibata kena pagi kena bas tan raja Assur nari,”+ situhuna tipu Hiskia nge kena janah pediatna kena mate perban la man ras la minem.
12 La kin Hiskia si ngancurken ingan nutung* persembahen+ ras ingan-ingan ersembah*+ man Dibata kena? Nce katakenna ka man kalak Juda ras Jerusalem, “Bas sada ingan nutung persembahen saja kena sujud janah i je persembahken kena persembahen tutungen.”+
13 La kin teh kena kai si enggo kulakoken bage pe si lakoken nini bulangku man kerina kalak arah bangsa-bangsa si deban?+ Ngasup kin dibata bangsa-bangsa e mbebasken negri e arah tanku nari?+
14 Arah kerina bangsa si enggo hancurken nini bulangku, lit kin dibatana si ngasup mbebasken bangsana arah tanku nari? La mungkin ngasup Dibata kena mbebasken kena arah tanku nari.+
15 Emaka gundari ula kena nggit tipu Hiskia ntah pe tokohina.+ Ula kena tek man bana, sebap labo lit dibata arah bangsa ntah kerajan si apai pe si ngasup nelamatken bangsana arah tanku nari, bage pe arah tan nini bulangku. Emaka la mungkin Dibata kena ngasup nelamatken kena arah tanku nari!’”+
16 Pelayan-pelayan Assur pe terus nokohi Jahwe Dibata si benar bage pe Hiskia pelayan Dibata.
17 Bas surat si itulis raja Assur pe,+ hinana janah lawanna ka Jahwe Dibata Israel,+ nina, “Bagi dibata bangsa-bangsa arah negri si deban, si la ngasup nelamatken bangsana arah tanku nari,+ Dibata Hiskia pe labo ngasup nelamatken bangsana arah tanku nari.”
18 Terus kalak e megang ngerana bas bahasa Jahudi man kalak Jerusalem si lit bas datas tembok, gelah mbiar kalak e ras nggirgir, janah gelah banci rebut kalak e kota e.+
19 Ranan kalak e ngelawan Dibata kalak Jerusalem, bagi sanga kalak e ngelawan dibata-dibata arah erbage bangsa si lit i doni, si iban manusia.
20 Tapi Raja Hiskia ras Nabi Jesaya+ anak Amos lalap ertoto kerna si e janah serko mindo penampat ku surga.+
21 Emaka suruh Jahwe me sada malekat jenari kernepkenna kerina pejuang si megegeh,+ peminpin, ras peminpin si debanna si lit bas kemah raja Assur. Emaka mulih raja Assur janah mela kel kapna. Kenca si e, masuk ia ku rumah dibatana janah serang anak-anakna sendiri ia alu pedang i je.+
22 Bage me cara Jahwe nelamatken Hiskia ras penduduk Jerusalem arah tan Sanherip raja Assur, bage pe arah tan kalak si deban. Bebas kalak e arah kerina musuhna si lit bas sekelilingna.
23 Melala kel pemere si baba kalak man Jahwe i Jerusalem bage pe barang-barang pilihen man Hiskia raja Juda.+ Mehamat kel kerina bangsa-bangsa man Hiskia kenca si e.
24 Bas sada wari sakit Hiskia janah nandangi mate. Emaka ertoto ia man Jahwe+ janah jawapNa ia alu mereken tanda.+
25 Tapi la ergai Hiskia perbahanen si mehuli si enggo ban Dibata man bana, sombong ia. Emaka merawa Dibata man bana bage pe man kalak Juda ras Jerusalem.
26 Tapi dungna Hiskia lanai sombong, peterukna bana.+ Penduduk Jerusalem pe peterukna bana. Emaka lanai merawa Jahwe man kalak e sedekah Hiskia nggeluh denga.+
27 Dungna bayak kel Hiskia janah seh kel ia muliana.+ Banna gudang-gudang+ guna ingan pirak, emas, batu-batu si merga, minak balsem,* perisai-perisai, bage pe kerina barang si merga.
28 Banna gudang-gudang ingan nimpan biji-bijin,* anggur si mbaru, ras minak. Banna ka kandang-kandang guna biri-biri ras kambing bage pe guna asuh-asuhen si debanna.
29 Bangunna ka kota-kota guna dirina, janah melala ka asuhina lembu, kambing, ras biri-biri, sebap melala kel erta si bereken Dibata man bana.
30 Hiskia kap si nutup Mata Lau+ Gihon+ si arah datas, janah maler banna ku barat ku Kota Daud.+ Berhasil Hiskia bas kerina pendahinna.
31 Tapi sanga reh juru bicara arah pejabat Babilon guna nungkun man bana kerna tanda+ si terjadi bas negri e,+ pediat Dibata si benar ia erban keputusen sendiri+ guna meteh isi pusuhna.+
32 Cerita si debanna kerna sejarah Hiskia bage pe perbahanenna si mbuktiken kekelengenna si setia,+ itulis Nabi Jesaya si lit pengenehenenna,*+ Jesaya e anak Amos. Tulisna bas Buku Raja-Raja Juda bage pe Israel.+
33 Dungna mate Hiskia janah ikuburken ras nini bulangna. Ikuburken ia bas ingan si nangkeng-nangkeng,* dalan ku kuburen anak-anak Daud.+ Sanga ia mate, kerina kalak Juda ras penduduk Jerusalem mere kehamaten man bana. Kenca e, anakna si nggantiken ia jadi raja eme Manase.
Cataten i teruh
^ Ntah “Milo.” Istilah Heber si ertina “taneh si ergun-gun.”
^ Ntah “ampang-ampang.”
^ As. “ingan-ingan si meganjang.”
^ Minak si merim si iban arah sinuan-sinuan ntah pe batang kayu tertentu. E ipake guna jadi tambar ntah pe parfum.
^ Eme kerna kai pe si cidahken Dibata ku bas pikiren sekalak jelma.
^ Ntah “merebe.”
