2 Kronika 4:1-22
4 Kenca si e, banna ingan nutung* persembahen arah tembaga+ nari si gedangna kira-kira siwah meter, belangna kira-kira siwah meter, janah ganjangna kira-kira empat meter.*
2 Banna ingan nampung lau si bentukna kibul, e igelari Laut Tembaga.+ Ganjangna kira-kira dua meter, gedang garis tengahna* kira-kira empat meter, janah kelilingna kira-kira 13 meter.*+
3 Arah darat ingan nampung lau e iban gambar hiasen si bentukna kibul+ janah lit sepuluh gambar bas tiap kira-kira 45 sentimeter.* Gambar e iban bas dua baris si engkelilingi ingan nampung lau e, janah gambar e icetak radu ras Laut Tembaga e.
4 Ingan nampung lau e itamaken i datas 12 patung lembu jantan.+ Telu lembu pengalana ku utara, telu ku barat, telu ku selatan, janah telu nari ku timur. Ingan nampung lau e itamaken i datas lembu-lembu e, janah pudiken lembu-lembu e ingan nampung lau e.
5 Tebal ingan nampung lau e asa sada tapak-tapak tan,* biberna bagi biber cangkir si bentuk biberna bagi bunga si sangana mekar. Banci siat 66.000 liter* lau bas ingan nampung lau e.
6 Banna ka sepuluh baskom. Lima baskom itama i sebelah kanan, janah lima nari i sebelah kiri.+ Kai pe si ipake guna mpersembahken persembahen tutungen,+ ibersihken i je. Tapi imam-imam mbersihken dirina alu lau si lit bas Laut Tembaga.+
7 Banna ka sepuluh ingan lampu arah emas nari,+ bagi si enggo itetapken.+ Jenari tamakenna bas rumah pertoton. Lima sebelah kanan, lima nari sebelah kiri.+
8 Banna ka sepuluh meja janah tamakenna i rumah pertoton. Lima sebelah kanan, lima nari sebelah kiri.+ Banna ka 100 mangkok arah emas nari.
9 Guna imam-imam e,+ banna halamen+ si arah bas ras si arah darat.+ Banna ka pintu-pintu halamen e, pintu-pintu e ilapisi alu tembaga.
10 Tamana Laut Tembaga e i sebelah kanan, si pengalana ku tenggara.+
11 Ban Hiram ka belanga-belanga, sekop-sekop, ras mangkok-mangkok.+
Emaka dungi Hiram kerina dahinna guna rumah pertoton Dibata si benar, bagi si perentahken Raja Salomo.+ Enda si ibanna:
12 dua tiang, dua takal tiang+ si bentukna bagi mangkok, bage pe dua jaring+ si jadi hiasen man dua takal tiang ndai.
13 Man dua jaring si jadi hiasen dua takal tiang e, iban ka 400 hiasen si bentukna bagi buah delima.+ Bas tiap jaring iban dua baris hiasen si bentukna bagi buah delima ndai.
14 Lit ka sepuluh gereta janah i datas tiap gereta+ e lit sada bakna,
15 lit ka Laut Tembaga ras 12 lembu jantan si lit i teruhna.+
16 Bage pe belanga-belanga, sekop-sekop, garpu-garpu,+ ras kerina peralaten si iban arah tembaga si erndilap. Si e kerina iban Hiram-abiw+ man Raja Salomo guna ipake bas rumah Jahwe.
17 Perentahken raja gelah kerina barang-barang ndai iban bas cetaken taneh liat i daerah Jordan si lit i antara Sukot+ ras Sereda.
18 Mbue kel peralaten si iban Salomo, seh ngasa la terpastiken asa kai beratna kerina tembaga si ipake.+
19 Ban Salomo kerina peralaten+ guna rumah Dibata si benar e, eme: ingan nutung persembahen arah emas nari,+ meja-meja+ ingan roti persembahen,+
20 ingan lampu ras lampu-lampuna si iban arah emas murni nari.+ E ipegara i lebe-lebe ruangen si arah basna kel, bagi peraturen si itetapken.
21 Banna ka bunga-bunga, lampu-lampu, ras alat guna njepit sumbuna. Si e kerina iban arah emas si seh kel murnina.
22 Banna ka alat guna mateken sumbu lampu, mangkok-mangkok, cangkir-cangkir, ras ingan rara. Kerina e iban arah emas murni nari. Banna ka pintu masuk ku rumah pertoton e, eme pintu-pintu si arah bas guna masuk ku Ingan Sibadiana,+ bage pe pintu-pintu masuk ku Ingan si Badia. Kerina e iban arah emas nari.+
Cataten i teruh
^ Ntah “diameterna.”
^ As. “Ganjangna 5 hasta, gedang garis tengahna 10 hasta, janah kelilingna 30 hasta.” Nen Ket. B14. Ntah “janah guna meteh kelilingna iperluken tali si gedangna 30 hasta.”
^ As. “3.000 bat.”