2 Kronika 5:1-14
5 Emaka enggo dung kerina dahin si arus ilakoken Salomo guna rumah Jahwe.+ Kenca si e, masukken Salomo kerina barang-barang si enggo pebadia Daud bapakna.+ Masukkenna ka pirak, emas, ras kerina perlengkapen ku bas ingan nimpan erta bas rumah Dibata si benar.+
2 Kenca si e, pepulung Salomo peminpin-peminpin Israel, kerina peminpin suku, bage pe peminpin-peminpin arah keluarga bapak kalak Israel. Reh kalak e ku Jerusalem guna maba Peti Perjanjin* Jahwe arah Kota Daud nari+ eme Sion.+
3 Kerina kalak Israel pulung i lebe-lebe raja sanga perayan* bas bulan pepituken.+
4 Emaka reh kerina peminpin-peminpin Israel janah angkat kalak Lewi Peti Perjanjin.+
5 Baba imam-imam ras kalak Lewi Peti Perjanjin, kemah perjumpan,+ bage pe kerina barang-barang si enggo ipebadia si lit bas kemah e.
6 Raja Salomo bage pe kerina kalak Israel si enggo ilebuh guna njumpai raja, pulung i lebe-lebe Peti Perjanjin. Mbue kel biri-biri ras lembu si ikorbanken+ seh ngasa lanai terkira kalak e asa kai buena.
7 Emaka baba imam-imam Peti Perjanjin Jahwe ku ingan Peti e, ku Ingan Sibadiana eme ruangen si arah basna kel i rumah e,+ jenari amparkenna i teruh kabeng kerubim-kerubim.
8 Kabeng kerubim-kerubim e kimbang i datas ingan Peti Perjanjin, emaka tutupi bayangen kerubim-kerubim e Peti Perjanjin bage pe kayu+ guna ngangkat Peti e.
9 Kayu-kayu e seh kel gedangna emaka banci teridah ujung-ujungna arah Ingan si Badia si lit i lebe-lebe ruangen si arah basna kel, tapi la teridah arah darat nari. Peti e lit i je seh asa gundari.
10 La lit kai pe bas Peti Perjanjin e selain dua batu si imasukken Musa. Batu-batu e masukken Musa sanga ia bas Horep,*+ eme sanga ban Jahwe perjanjin+ ras kalak Israel kenca ndarat kalak e arah Mesir.+
11 Kerina imam si reh, la soal ia arah kelompok si apai pe,+ arus bersihkenna lebe dirina.+ Sanga ndarat imam-imam e arah ingan si badia,
12 kerina kalak Lewi si tugasna rende+ si sada kelompok ras Asap,+ Heman,+ Jedutun,+ ras anak-anakna bage pe senina-seninana maba simbal, alat musik si debanna si lit senarna, ras harpa.* Pake kalak e baju linen janah tedis kalak e arah timur ingan nutung* persembahen. Radu ras kalak e, lit 120 imam si ngembus trompet.+
13 Kalak si ngembus trompet ras kalak si rende ersada muji Jahwe ras ngataken bujur man baNa. Puji kalak e Jahwe, nina, “Mehuli kap Ia, kekelengenNa si setia tetap lit rasa lalap.”+ Paksa bereken kalak e pujin, mis terbegi sora trompet, simbal, ras alat musik si debanna. Kenca si e, dem rumah Jahwe alu embun.+
14 Lanai banci terusken imam-imam tugasna perban embun e, sebap kemulian Jahwe dem i bas rumah Dibata si benar.+
Cataten i teruh
^ Ntah “Peti Perpadanen.”
^ Maksudna, Perayan Sapo-Sapo.
^ Ntah “Gunung Sinai.”
^ Harpa eme alat musik si ersenar bagi gitar, tapi bentukna beda.