2 Petrus 1:1-21
1 Simon Petrus, sekalak budak bage pe rasul Jesus Kristus, nulis surat enda man kalak si enggo erkiniteken man kebenaren si merga, janah kiniteken e pe lit bas kami arah keadilen Dibatata bage pe arah Juru Selamatta, Jesus Kristus.
2 Mbera-mbera aloken kena terbuen kiniulin si luar biasa ras kedamen, perban lit bas kena pemeteh si benar+ kerna Dibata ras kerna Jesus, Tuanta.
3 Alu kuasa Dibata, enggo ibereken man banta kerina si perluken kita guna nggeluh nembah Dibata. Si e sidat alu gratis perban enggo sialoken pemeteh si benar kerna Dibata, si enggo ndilo kita+ perban kemulianNa ras kiniulinNa.
4 Arah kemulianNa ras kiniulinNa e, enggo berekenNa man banta janji-janji si merga ras luar biasa alu gratis.+ Alu bage, kenca tadingken kena kejahaten si lit bas doni si rehna arah sura-sura si jahat nari, kena radu ras Dibata, imuliaken selaku mahluk roh.+
5 E me sebapna, selain erkiniteken, usahakenlah asa ngasup kena+ gelah lit kiniulin bas kena.+ Selain kiniulin, pemeteh.+
6 Selain pemeteh, nguasai diri, selain nguasai diri,+ ertahan.* Selain ertahan, nembah man Dibata.+
7 Selain nembah man Dibata, kekelengen man turang senina. Selain kekelengen man turang senina, kekelengen man kerina kalak.+
8 Adi si e kerina lit bas kena janah seh kel buena, dalanken kena pemeteh kerna Tuanta Jesus Kristus alu tepat. Alu bage, kena la jadi kalak si la aktip ntah pe la erbuah.+
9 Pentang kap kalak si la lit bas ia kerna si e. Tutupna matana arah terang nari,*+ janah lupa ia maka dosa-dosana si mbarenda enggo ibersihken.+
10 Emaka o turang senina, kena si enggo idilo+ ras si ipilih Dibata, usahakenlah asa ngasup kena gelah tetap setia. Adi terus lakoken kena si e, labo kena pernah ndabuh.+
11 Alu bage, melala kel dat kena pasu-pasu, janah masuk pagi kena ku Kerajan si la ermasap-masap,+ eme Kerajan Tuanta ras Juru Selamatta, Jesus Kristus.+
12 E me sebapna rusur teku mpersingeti kena kerna si e, amin pe enggo teh kena janah enggo paguh kena bas kebenaren si enggo aloken kena.
13 Tapi, sanga aku bas dagingku* denga,+ perlu denga kuakap mpersingeti kena kerna si e kerina,+
14 sebap kuteh maka ntisik nari kernep dagingku* enda, bagi si enggo ikataken Tuanta Jesus Kristus alu terus terang man bangku.+
15 Terus kuusahaken asa ngasupku gelah kenca aku lawes banci inget kena kerna si e.
16 Ceritaken kami man kena kerna kuasa ras kerehen Tuan Jesus Kristus. Si e labo ceritaken kami sesuai ras cerita si iban-ban manusia, tapi mata kami si ngidah kemulianna e.+
17 Sanga kataken Dibata si mulia man bana, “Enda me AnakKu si Kukelengi, ia me si ngena ateKu,”+ sanga si e enggo alokenna kehamaten ras kemulian arah Dibata nari, Bapakta.
18 Begi kami sora e arah langit nari sanga kami radu ras ia i gunung si badia.
19 Perban si e, reh tekna kami man kata-kata nubuat. Seh kel ulina adi perdiateken kena nubuat-nubuat e, si bagi lampu+ si ersinar bas ingan si gelap bas pusuh kena, seh asa reh terang bage pe bintang erpagi-pagi.+
20 Pasti teh kena maka la lit nubuat bas Kitap si Badia si rehna arah perukuren jelma nari.
21 Nubuat la pernah rehna arah peraten manusia nari,+ tapi kai si kataken manusia rehna arah Dibata nari, perban kalak e itegu-tegu kesah si badia.+
Cataten i teruh
^ Ntah “megenggeng.”
^ Ntah banci saja “Pentang, lanai idahna si ndauh.”
^ As. “kemahku.”
^ As. “kemahku.”
