2 Raja-Raja 11:1-21
11 Sanga Atalia+ mamak Ahasia ngidah maka anakna enggo mate,+ bunuhna kerina keturunen raja.+
2 Tapi tangko Jehoseba me Joas+ anak Ahasia arah anak-anak raja si debanna si nandangi ibunuh. Lalap bunikenna Joas ras kalak si ngurussa bas kamar. Emaka la banci dat Atalia janah la banci bunuhna Joas. Jehoseba e anak Raja Jehoram si diberu, ia kakak Ahasia.
3 Lit enem tahun dekahna Joas tading ras ia, janah ibuniken bas rumah Jahwe sedekah Atalia merentah bas negri e.
4 Bas tahun pepituken, lebuh Joyada peminpin-peminpin si ngawasi seratus kalak eme si ngawasi pengawal kerajan+ ras penjaga istana. Suruhna kalak e ndahi ia bas rumah Jahwe. Banna perjanjin ras kalak e janah suruhna kalak e ersumpah bas rumah Jahwe, kenca si e cidahkenna anak raja man kalak e.+
5 Perentahkenna kalak e, nina, “Enda si arus lakoken kena: Sepertelu arah kena arus ertugas bas wari Sabat janah arus jaga kena kel istana raja,+
6 sepertelu nari erjaga bas Gerbang Pondasi, janah sepertelu nari bas gerbang si lit i pudi penjaga istana. Arus kena giliren njaga istana e.
7 Dua kelompok si la ertugas bas wari Sabat, arus sikap kel njaga rumah Jahwe guna ngelindungi raja.
8 Arus kena lit i sekeliling raja janah tiap kalak arus njemak senjata. Bunuh ise pe si terobosna atena kena. Ikutkenlah raja ku japa pe ia lawes.”*
9 Peminpin-peminpin si ngawasi seratus kalak+ ngelakoken kai si perentahken Imam Joyada. Emaka tiap peminpin maba anggotana si ertugas bas wari Sabat bage pe si la ertugas bas wari Sabat, janah reh kalak e ndahi Imam Joyada.+
10 Kenca si e, bereken imam e tombak, bage pe perisai* si kibul si mbarenda jang Raja Daud si lit bas rumah Jahwe, berekenna e man peminpin si ngawasi seratus kalak.
11 Penjaga-penjaga istana+ erjaga bas inganna janahna njemak senjata. Erjaga kalak e bas sebelah kanan ras sebelah kiri rumah Dibata, i deher ingan nutung* persembahen+ ras i deher rumah e, eme i sekeliling raja.
12 Kenca si e, baba Joyada ndarat anak raja+ janah tamakenna mahkota ku takalna bage pe gulungen si isina Undang-Undang Dibata,+ janah jadiken kalak e ia raja. Lantik kalak e ia janah mulai kalak e ertepuk. Nina kalak e, “Hidup Raja!”+
13 Sanga begi Atalia sora kalak si kiamen, mis dahina kalak e ku rumah Jahwe.+
14 Kenca e, idahna raja tedis i deher tiang bagi kebiasan raja-raja.+ Peminpin-peminpin ras kalak si ngembus trompet+ lit ras raja. Kerina kalak ermeriah ukur janah ngembus trompet. Emaka rigatken Atalia pakenna, serko ia, “Penghianaten! Penghianaten!”
15 Tapi perentahken Imam Joyada man peminpin-peminpin si ngawasi seratus kalak+ si enggo ipilih ngawasi pasuken si lit i je, nina, “Baba ia ndarat arah barisen e. Ise pe si ngikutken ia, bunuh alu pedang!” Sebap enggo kataken imam e, “Ula bunuh ia bas rumah Jahwe.”
16 Emaka tangkap kalak e ia janah babana ku dalan masuk istana raja+ si rusur ilewati kuda, i je ia ibunuh.
17 Jenari ban Joyada perjanjin antara Jahwe ras raja bage pe rakyat+ maka kalak e lalap jadi umat Jahwe. Banna ka perjanjin antara raja ras rakyat.+
18 Kenca si e, kerina rakyat negri e lawes ku ingan ersembah man Baal, runtuhkenna ingan-ingan nutung persembahen+ janah hancurkenna patung-patung berhalana.+ Bunuhna ka Mattan imam Baal+ i lebe-lebe ingan nutung persembahen e.
Kenca si e, pilih Imam Joyada me pengawas-pengawas guna ngawasi rumah Jahwe.+
19 Jenari, suruhna peminpin-peminpin si ngawasi seratus kalak,+ pengawal kerajan, penjaga istana,+ bage pe kerina rakyat bas negri e ngarak-ngarak raja si ndarat arah rumah Jahwe. Masuk kalak e ku istana arah gerbang penjaga istana, kenca si e kundul raja bas tahta raja.+
20 Emaka kerina rakyat bas negri e ermeriah ukur, kota e pe aman perban Atalia enggo ibunuh alu pedang bas istana.
21 Joas+ jadi raja sanga umurna pitu tahun.+