2 Raja-Raja 19:1-37
19 Kenca begi Raja Hiskia kerna si e, mis rigatkenna uisna janah ipakena kain guni, jenari masuk ia ku rumah Jahwe.+
2 Suruhna Eliakim eme si ngawasi istana, bage pe Sepna sekertaris kerajan, ras peminpin-peminpin imam gelah make kain guni janah lawes ndahi Nabi Jesaya+ anak Amos.
3 Nina kalak e man bana, “Bagenda nina Hiskia, ‘Wari enda eme wari ceda ate, kita ihina janah ipermelaken. Kita bali bagi diberu si nandangi melahirken tapi la ngasup ngelahirkenca.+
4 Emaka ertotolah+ kam guna kami si tading denga bas negri enda. Mbera-mbera begiken Jahwe Dibatandu kerna kerina si ikataken peminpin pengurus inemen* si isuruh tuanna eme raja Assur guna nokohi Dibata si nggeluh.+ Mbera-mbera ia ibalas perban kata-katana e, si enggo begi Jahwe Dibatandu.’”
5 Lawes pelayan-pelayan Raja Hiskia ndahi Jesaya,+
6 janah nina Jesaya man kalak e, “Bagenda ningen man tuan kena, ‘Nina Jahwe, “Ula mbiar+ perban cakap si belasken pelayan-pelayan raja Assur amin pe enggo hina kalak e Aku.+
7 Kupengaruhi pagi pikirenna, gelah sanga begina pagi sada laporen, mulih ia ku negrina. Kuban pagi ia ibunuh alu pedang bas negrina.”’”+
8 Kenca begi peminpin pengurus inemen e maka raja Assur enggo mulih arah Lakis nari,+ mulih ia njumpai raja janah dapetina raja sangana erperang ngelawan Lipna.+
9 Dat raja laporen kerna Tirhaka raja Etiopia, “Reh ia guna ngelawan kam.” Emaka isuruh raja ka kalak+ ndahi Hiskia, nina,
10 “Kataken man Hiskia raja Juda, ‘Ula kam nggit tipu Dibata si andalkenndu e, si ngataken maka labo pagi Jerusalem ndabuh ku bas tan raja Assur.+
11 Enggo begindu kerna uga raja-raja Assur engkernepken kerina negri.+ Akapndu kin banci kam iselamatken?
12 Uga kerna bangsa-bangsa si ikernepken nini bulangku? Selamatken dibatana kin kalak e? I ja dage kalak Gosan, Haran,+ Resep, ras kalak Eden si lit i Telassar?
13 I ja dage raja Hamat, raja Arpad, bage pe raja arah kota Separwaim, kota Hena, ras kota Iwa?’”+
14 Buat Hiskia surat-surat e arah tan kalak si isuruh ndai, jenari bacana. Lawes ia ku rumah Jahwe janah bukana surat-surat e i lebe-lebe Jahwe.+
15 Ertoto Hiskia+ i lebe-lebe Jahwe, nina, “O Jahwe Dibata Israel, si kundul bas tahta i datas* kerubim-kerubim,+ Kam kap ngenca Dibata si benar bas kerina kerajan i doni.+ Kam kap si erban langit ras doni.
16 O Jahwe, perdiateken min janah begiken min.+ O Jahwe, bukalah mataNdu+ janah nenlah. Begikenlah pesan si ikirim Sanherip guna nokohi Dibata si nggeluh.
17 O Jahwe, teh kami maka erbage-bage bangsa ras negrina enggo ihancurken raja-raja Assur.+
18 Itutung kalak e dibata-dibata kerina bangsa e, perban e kerina labo Dibata situhu-tuhu,+ tapi tan manusia si erbanca+ arah kayu ras batu. E me sebapna maka kerina e banci ihancurken kalak e.
19 O Jahwe Dibata kami, gundari selamatkenNdu min kami arah tan raja Assur, gelah kerina kerajan bas doni enda meteh maka Kam ngenca Dibata, o Jahwe.”+
20 Kenca si e, Jesaya anak Amos ngirim pesan man Hiskia, nina, “Bagenda nina Jahwe Dibata Israel, ‘Enggo Kubegi totondu+ man bangKu kerna Sanherip raja Assur.+
21 Bagenda nina Jahwe kerna ia:
“Ihina janah itokohi singuda-nguda Sion pagi kam.
Geleng-geleng kepala pagi anak Jerusalem si diberu perban kam.
22 Ise kin si ihina ras si itokoh-tokohindu e?+
Man ise kin ipegangndu sorandu e?+
Man ise kin pengenen matandu si sombong e?
E me man Dibata Israel Si Badia!+
23 Arah kalak si suruhndu,+ hinandu Jahwe+ janah nindu,‘Alu gereta perangku si melalaNangkih pagi aku ku datas pegunungen si meganjang,Ku bagin si ndauhna kel i Libanon.
Kutabah pagi batang-batang kayu aras si meganjang, bage pe batang-batang kayu juniper si mejilena.
Masuk pagi aku ku ingan istrahat si ndauhna kel, ku kerangen si mejile pe aku masuk.
24 Kukurak pagi sumur-sumur janah minem pagi aku arah lau negri asing,Kupekerah pagi kerina lau maler* si lit i Mesir alu tapak-tapak naheku.’
25 Lenga kin pernah begindu? Mbarenda nari enggo Kutetapken kerna si e.+
Mbarenda nari enggo Kuaturken* kerna si e.+
Gundari waktuna Kulakoken.+
Hancurkenndu pagi kota-kota si erbenteng seh ngasa lanai teringani.+
26 Lanai pagi lit gegeh penduduk kalak e,Mbiar janah mela akap kalak e.
Dungna kalak e bagi sinuan-sinuan ras dukut-dukut si meratah,+Bagi dukut si lit i datas atap-atap, si kerah perban iembus angin timur si melas.
27 Tapi Kuteh kel kerina si lakokenndu: Sanga kam kundul, sanga kam lawes, sanga kam mulih,+Bage pe sanga merawa kam man bangKu,+
28 Perban rawandu man bangKu+ bage pe sorandu ngamuk enggo seh ku cupingKu.+
Emaka Kupasang pengkawit ku igungndu janah Kusangam*+ babahndu,Kubaba kam mulih arah dalan si ilewatindu sanga reh.”+
29 “‘Enda tandana man bandu:* Bas tahun enda, man pagi kena arah sinuan-sinuan si turah bage-bage saja.* Jenari, arah sinuan-sinuan si turah bage-bage saja e ndai, turah ka sinuan-sinuan janah hasil sinuan-sinuan e me si pan kena bas tahun si peduaken.+ Tapi bas tahun si peteluken, ngambur benih pagi kena janah iperani kena. Suan kena ka pagi batang anggur janah pan kena buahna.+
30 Kalak Juda si nggeluh denga,+ rurat janah erbuah pagi bagi sinuan-sinuan.
31 Kalak si nggeluh denga ndarat pagi arah Jerusalem, janah kalak si selamat ndarat pagi arah Gunung Sion. Jahwe penguasa malekat pagi si ngelakokenca alu semangat.+
32 “‘Bagenda nina Jahwe kerna raja Assur:+
“Labo pagi ia masuk ku bas kota enda,+Labo pagi panahkenna sada pe anak panahna ku jenda,Labo pagi ia reh alu perisai,*Janah labo pagi pegun-gunna taneh guna nyerang.+
33 Mulih pagi ia arah dalan si ilewatina sanga ia reh,Labo pagi ia masuk ku bas kota enda,” nina Jahwe.
34 “Kupertahanken janah Kuselamatken pagi kota enda+ guna kepentingenKu,+Bage pe guna kepentingen Daud, pelayanKu.”’”+
35 Bas berngi e, reh sada malekat Jahwe janah bunuhna 185.000 kalak si lit i perkemahen Assur.+ Lit kalak si selamat janah sanga medak ia erpagi-pagi, idahna kerina mayat e.+
36 Emaka mulih Sanherip raja Assur ku Niniwe+ janah tading ia i je.+
37 Sanga sujud ia bas ingan ersembah man dibatana eme Nisroh, ibunuh anak-anakna ia alu pedang.+ Si munuhsa eme Adramelek ras Sareser. Jenari kiam kalak e ku daerah Ararat.+ Anakna si nggantiken ia jadi raja eme Esarhaddon.+
Cataten i teruh
^ Ntah “Rabsake.”
^ Ntah banci saja “i antara.”
^ Ntah “Lau Nil.”
^ Ntah “Kurencanaken.”
^ Ntah “Kukekang.”
^ Ntah “si turah arah biji-biji si ndabuh.”
^ Maksudna, man Hiskia.
^ Ntah “ampang-ampang.”
