2 Samuel 16:1-23
16 Kenca sitik denga lewati Daud puncak gunung e,+ Siba+ pelayan Mepiboset+ enggo lit i je njumpai Daud. Babana 200 roti, 100 kue kismis, 100 roti ara ras kurma, bage pe lau anggur bas sada ingan si galang. Babana kerina e tare dua kelede.+
2 Kenca si e, nungkun raja man Siba, “Man kadendu maba si e kerina?” Ngaloi Siba, “Kelede-kelede enda man keluargandu Tuan, gelah banci nangkihina. Roti ras buah enda man anak buahndu, janah inemen anggur enda man anak buahndu si enggo latih kapna bas taneh mesawang.”*+
3 Nungkun ka raja, “I ja kempu* tuanndu?”+ Nina Siba, “Tetap ia i Jerusalem sebap katakenna, ‘Bas wari enda ulihken kalak Israel kerajan bulangku* man bangku.’”+
4 Emaka nina raja man Siba, “Kerina si lit bas Mepiboset jadi jangndu.”+ Nina Siba, “O Tuanku Raja, sujud aku i lebe-lebendu. Mbera-mbera jadi atendu aku.”+
5 Sanga seh Raja Daud i Bahurim, lit sekalak dilaki ndahi ia. Gelar dilaki e Simei+ anak Gera, ia keluarga Saul. Sanga dahina Daud, megang ia ngerana numpahi Daud.+
6 Jenari benteri Simei me Daud alu batu. Kerina pelayan Raja Daud, termasuk kerina kalak si ikut ras ia bage pe kerina pejuangna si megegeh si lit i sebelah kiri ras kanan Daud pe ibenteri Simei.
7 Janahna numpahi Daud, megang banna sorana, nina, “O dilaki si la erguna! Lawesken jenda nari! Lawesken pembunuh!
8 Enggo hukum Jahwe engko perban enggo bunuhmu keluarga Saul, enggo rebutmu kerajanna. Gundari enggo bereken Jahwe kerajan e man anakmu Absalom. Engko kena bencana perban engko pembunuh.”+
9 Kenca si e nina Abisai anak Seruya+ e man raja, “Engkai ka maka biang si mate e+ numpahi Tuanku Raja?+ Pediatlah kudahi ia gelah kupotong kerahungna.”+
10 Tapi nina raja, “O anak-anak Seruya, urusen kena kin e?+ Pediatlah sumpahina aku.+ Adi Jahwe kin si ngatakenca man bana,+ ‘Sumpahilah Daud!’ Ise kin si lit hakna nungkun engkai maka lakokenna bage?”
11 Nina Daud ka man Abisai bage pe man kerina pelayan Daud, “Anakku saja pe, darehku kel ia, bunuhna tena aku,+ apai ka kalak Benyamin enda!+ Pediatlah sumpahina aku sebap Jahwe kap si nuruh ia!
12 Banci saja nen Jahwe pagi kesusahenku enda,+ janah sumpah si kataken Simei bas wari enda ban Jahwe pagi jadi pasu-pasu man bangku.”+
13 Lanjutken Daud perdalanenna ras kerina kalak si ngikutken ia. Simei pe ikut-ikutna kalak e janahna erdalan i gunung* e janah terus ia numpahi.+ Benterina ka kalak e alu batu ras taneh.
14 Dungna seh raja ras kerina kalak si ikut ras ia bas ingan tujunna. Latih kel kap kalak e, emaka istrahat kalak e i je.
15 Tapi, Absalom ras kerina kalak Israel enggo seh i Jerusalem, Ahitopel+ lit ras kalak e.
16 Sanga reh Usai+ kalak Arki+ teman Daud e ndahi Absalom, nina Usai, “Hidup Raja!+ Hidup Raja!”
17 Nina Absalom, “Bagenda nge carandu ncidahken kekelengenndu si setia man temanndu? Engkai maka la kam ikut ras temanndu ah?”
18 Nina Usai man Absalom, “Lang Raja, aku ndukung kalak si ipilih Jahwe, si ipilih kalak enda, bage pe si ipilih kalak Israel. Tetap nge aku ras kalak si ipilih Dibata.
19 Sekali nari kukataken man bandu, ise nari kin si kulayani adi la kin anak temanku? Kulayani pagi kam bagi aku ngelayani bapakndu.”+
20 Kenca si e nina Absalom man Ahitopel, “Uga menurutndu?*+ Kai nge si arus silakoken?”
21 Nina Ahitopel man Absalom, “Erhubungen sekslah kam ras gundik-gundik* bapakndu+ si enggo tadingkenna guna ngurus istana.+ Alu bage iteh kerina kalak Israel maka segat kel ate bapakndu man bandu. Emaka kerina kalak si ndukung kam pe reh tetapna ukurna.”
22 Emaka ban kalak e sada kemah man Absalom i datas atap.*+ Erhubungen seks Absalom ras gundik-gundik bapakna+ i lebe-lebe kerina kalak Israel.+
23 Sanga si e, nasehat si bereken Ahitopel+ ianggap reh arah Dibata si benar nari. Kerina nasehatna lalap iergai Daud bage pe Absalom.
Cataten i teruh
^ Taneh si mbelang si jarang iingani.
^ As. “anak.”
^ As. “bapakku.”
^ Ntah “i lereng gunung.”
^ Ntah “Kai nasehatndu?”
^ Buen rumah si i je rata atapna janah melala si banci ilakoken i je.
