2 Samuel 22:1-51
22 Kenca Daud iselamatken Jahwe arah Saul+ bage pe arah kerina musuhna,+ endeken Daud lagu enda man Jahwe.+
2 Nina,
“O Jahwe, Kam kap tebing batuku, Kam bagi kota si ertembok man bangku,+ Kam kap Si Nelamatken aku.+
3 O Dibataku, Kam kap gunung batuku,+ erlindung aku man baNdu,Kam kap perisaiku,*+ Dibataku si megegeh si nelamatken aku,* inganku erlindung* si aman,+Kam inganku kiam,+ si nelamatken aku,+ si mbebasken aku arah musuh-musuhku si kejam.
4 Erlebuh aku man Jahwe, Ia kap si patut ipuji,SelamatkenNa aku arah musuh-musuhku nari.
5 Gelombang kematen lit i sekelilingku,+Mbiar aku iban kalak si la erguna si bagi banjir si mbelin.+
6 Nali-nali Kuburen* ngelilit aku,+Jerat-jerat kematen lit i lebe-lebeku.+
7 Sanga latih kel ukurku, erlebuh aku man Jahwe,+Lalap aku erlebuh man Dibataku.
BegikenNa soraku arah rumah pertotonNa nari,Soraku mindo penampat seh ku cupingNa.+
8 Doni mugur-ugur ku jah ku je ras nggirgir.+
Pondasi langit pe nggirgir+Mugur-ugur ku jah ku je perban enggo merawa Dibata.+
9 EmbuskenNa asap arah igungNa nari,PedaratNa api arah babahNa nari,+Rara api si gara ndarat arah Ia nari.
10 Sanga Ia nusur, banNa langit mbengkung,+Embun si mbiring lit bas naheNa.+
11 Kundul Ia i datas malekat,*+ kabang Ia ras.
Teridah Ia i datas kabeng malekat.+
12 TamaNa kegelapen jadi kemah i sekelilingNa,+Kegelapen e terjadi arah embun si mbiring ras mekapal.
13 Arah kilap si lit i lebe-lebeNa, gara rara api.
14 Kenca si e, ban Jahwe lenggur i langit,+Ban Dibata Si Meganjangna soraNa terbegi.+
15 PanahkenNa anak-anak panahNa,+ merap banNa musuh-musuhNa,Guntar banNa musuh-musuhNa alu kilapNa.+
16 Perban sergang Jahwe janah embuskenNa kesah arah igungNa,+Teridah dasar laut+Bage pe pondasi-pondasi doni.
17 DudurkenNa tanNa arah ingan si meganjang nari,JemakNa aku, tarikNa aku arah lau si mbages nari.+
18 SelamatkenNa aku arah musuhku si megegeh,+Arah kalak si rate segat man bangku, si gegehen asangken aku.
19 Lawan kalak e aku sanga aku susah,+Tapi tetap sampati Jahwe aku.
20 BabaNa aku ku ingan si aman,+SelamatkenNa aku sebap jadi teNa ngidah aku.+
21 Upahi Jahwe aku perban kulakoken si benar,+UpahiNa aku perban aku la ersalah.*+
22 Lalap kuikutken dalan-dalan Jahwe,La kulakoken si jahat alu nadingken Dibataku.
23 Kuinget kerina perentahNa,+La kutadingken perentah-perentahNa.+
24 Kuusahaken tetap la ersalah+ i lebe-lebeNa,Kuusahaken gelah ula ngelakoken kai si salah.+
25 Mbera-mbera upahi Jahwe aku perban kulakoken si benar,+Perban aku la ersalah i lebe-lebeNa.+
26 Setia Kam man kalak si setia,+Adil perbahanenNdu man kalak si la ersalah.+
27 Mehuli Kam man kalak bujur,+Tapi la Kam banci itipu kalak si licik.+
28 SelamatkenNdu kalak si meteruk rukur,+Tapi segat teNdu kalak si sombong, peterukNdu kalak e.+
29 O Jahwe, Kam kap terangku,*+O Jahwe, Kam kap si nerangi aku bas kegelapen.+
30 Alu penampatNdu, banci kuserang perampok-perampok,Alu gegeh si bereken Dibata, banci kulompati tembok.+
31 Sempurna kap dalan Dibata si benar,+Badia* kap kata-kata Jahwe.+
Ia perisai man kerina kalak si erlindung man baNa.+
32 Lit kin Dibata si deban selain Jahwe?+
Lit kin gunung batu si deban selain Dibatata?+
33 Dibata si benar bagi benteng si paguh man bangku,+BanNa dalanku sempurna.+
34 BanNa perkiam naheku bagi rusa,BanNa aku tedis bas ingan si meganjang.+
35 LatihNa tanku guna erperang,Banci kutarik busur panah tembaga seh asa bengkok.
36 BerekenNdu man bangku perisai keselamatenNdu,SipatNdu si meteruk ukur erban aku mulia.+
37 PebelangNdu dalan si kulewati,Naheku la banci celus.+
38 Kuayaki pagi musuh-musuhku janah kukernepken,Labo aku mulih sope kukernepken kalak e kerina.
39 Kukernepken pagi kalak e ras kuhancurken ngasa lanai banci keke mulihi,+Ndabuh pagi kalak e i teruh naheku.
40 BereNdu pagi aku gegeh guna erperang,+BanNdu pagi musuh-musuhku ndabuh i lebe-lebeku.+
41 BanNdu pagi musuh-musuhku kiam arah aku nari,+Kukernepken pagi* kalak si rate segat man bangku.+
42 Serko kalak e mindo penampat, tapi la lit si nelamatkenca,Serko pe kalak e man Jahwe, labo aloiNa.+
43 Kututu pagi kalak e seh asa melumat bagi abu taneh,Kuhancurken pagi kalak e janah kuperjaki bagi kubang bas dalan.
44 SelamatkenNdu pagi aku arah bangsaku si ndarami kesalahenku,+SelamatkenNdu pagi aku gelah banci jadi peminpin bangsa-bangsa.+
Bangsa si la kutandai pe layanina pagi aku.+
45 Sujud pagi kalak asing man bangku perban biarna,+Kai si begiken kalak kerna aku erban ia patuh man bangku.
46 Mbiar dungna kalak asing,Ndarat pagi kalak e arah kota-kotana si ertembok janahna nggirgir.
47 Jahwe, Dibata si nggeluh kap! Pujilah Gunung Batuku!+
Muliakenlah Dibata, gunung batu si nelamatken aku!+
48 Balas Dibata si benar musuh-musuhku guna kepentingenku,+BanNa bangsa-bangsa patuh man bangku.+
49 SelamatkenNdu aku arah musuh-musuhku,Meganjang aku angkatNdu+ ndauh arah musuh-musuhku.
SelamatkenNdu aku arah kalak si kejam.+
50 O Jahwe, e me sebapna i tengah bangsa-bangsa kukataken bujur man baNdu.+
Kupuji pagi gelarNdu alu ende-enden.*+
51 SelamatkenNa raja si pilihNa alu kemenangen* si mbelin,+CidahkenNa kekelengenNa si setia man kalak si pilihNa,Eme aku Daud ras keturunenku seh rasa lalap.”+
Cataten i teruh
^ Ntah “ampang-ampangku.”
^ Ntah “ingan si meganjang.”
^ As. “kerubim.”
^ As. “perban tanku bersih.”
^ Ntah “lampuku.”
^ Ntah “Murni.”
^ As. “Kuban pagi sinik kerina.”
^ Ntah “musik.”
^ Ntah “keselamaten.”
