2 Samuel 23:1-39
23 Enda kata-kata Daud si terakhir,+
“Kata-kata Daud anak Isai,+Kata-kata sekalak dilaki si enggo imuliaken,+Kalak si lantik+ Dibata Jakup,Penyanyi si mejile sorana si ngendeken lagu-lagu+ Israel.
2 Kesah si badia Jahwe ngerana arah aku,+Kata-kataNa lit bas dilahku.+
3 Ngerana Dibata Israel,Kataken Gunung Batu Israel+ man bangku,
‘Adi lit si merentah manusia alu adil,+Janah mbiar man Dibata,+
4 E bali kap bagi sinar matawari erpagi-pagi,+Janah la lit embunna.
E bagi sinar matawari kenca dung udan,Si erban dukut-dukut turah i taneh.’+
5 La kin bage ban Dibata keturunenku?
BanNa perjanjin si tahan rasa lalap ras aku,+Enggo aturkenNa kerinana janah labo pagi berubah.
Perjanjin e si erban aku tuhu-tuhu selamat ras ermeriah ukur.
Pasti pagi tepatiNa perjanjin e.+
6 Tapi kerina kalak si la erguna iambekken+ bagi dukut si erduri,Perban kalak e la banci ijemak alu tan.
7 Adi lit kalak si tena njemaksa,Arus pakena alat arah besi ras tombak,Arus kalak e itutung ngasa keri bas inganna.”
8 Enda gelar pejuang-pejuang Daud si megegeh:+ Josep Basebet kalak Takemon. Ia si jadi kepala telu pejuang Daud si megegeh.+ Pernah bunuhna 800 kalak alu tombakna bas sada peperangen.
9 Si peduaken Eleasar+ anak Dodo+ kempu Ahoh. Ia salah sada arah telu pejuang Daud si megegeh sanga kalak e ngelawan kalak Pilisti. Sanga si e, kalak Pilisti pulung guna erperang. Tapi sanga mundur kalak Israel,
10 Eleasar tetap bas inganna. Terus bunuhna kalak Pilisti seh ngasa ngalah tanna ras latih perban terus jemakna pedang.+ Emaka bereken Jahwe kemenangen* si mbelin bas wari e.+ Jenari mulih pasuken Israel njarah barang-barang kalak si enggo mate ibunuh.
11 Si peteluken eme Sammah anak Age kalak Harar. Sanga si e, pulung kalak Pilisti i Lehi, i je lit juma si melala turah kacang. Kiamen pasuken Israel perban pasuken Pilisti.
12 Tapi tedis Sammah i tengah-tengah juma e guna mpertahankenca. Terus serangna kalak Pilisti e, emaka bere Jahwe kemenangen* si mbelin.+
13 Sanga musim rani, telu arah 30 kepala pasuken reh ndahi Daud i Gua Adulam+ janah pasuken Pilisti sangana erkemah i Lembah Repaim.+
14 Sanga si e, Daud sangana bas ingan cebuni,+ janah ingan erjaga kalak Pilisti lit i Betlehem.
15 Kenca si e kataken Daud sura-surana, “Bicara banci kuinem lau arah sumur* si lit i deher gerbang Betlehem, pasti meriah ukurku.”
16 Megi si e, terobos telu pejuang Daud si megegeh e perkemahen kalak Pilisti, buatna lau si lit bas sumur* i deher gerbang Betlehem jenari berekenna man Daud. Tapi la nggit Daud nginemsa emaka amburkenna lau e man Jahwe.+
17 Nina Daud, “O Jahwe, la mungkin kuinem lau enda! Enggo pertaruhken kalak enda kesahna guna muatca, la mungkin kuinem darehna!”+ Emaka la inemna lau e. E me si lakoken telu pejuang Daud si megegeh.
18 Lit ka telu kalak nari pejuang Daud si megegeh, arah kalak e teluna, Abisai+ senina Joap anak Seruya+ si jadi peminpinna. Bas sada paksa, bunuh Abisai 300 kalak alu tombakna, ia pe terkenal bagi telu pejuang si megegeh si pertama ndai.+
19 Amin pe hebaten Abisai asangken si dua kalak ndai janah ia si jadi peminpin kalak e. Tapi la seri keduduken Abisai ras telu pejuang si pertama ndai.
20 Benaya+ anak Joyada kalak si perpang. Lakokenna melala perbahanen si hebat i Kabseel.+ Bunuhna dua anak Ariel arah Moap nari. Bas musim salju, nusur ia ku lubang lau guna munuh sada singa.+
21 Bunuhna ka sada kalak Mesir si seh kel galangna dagingna. Amin pe lit tombak bas tan kalak Mesir e, lawanna ia alu tongkat janah rebutna tombak si lit bas tanna e, jenari bunuhna ia alu tombakna.
22 E me si lakoken Benaya anak Joyada. Ia terkenal bagi telu pejuang si megegeh e.
23 Amin pe ia lebih terkenal asangken 30 pejuang ndai, labo seri kedudukenna ras telu pejuang si pertama ndai. Tapi pilih Daud ia jadi kepala pengawal pribadina.
24 Asahel+ senina Joap termasuk bas si 30 kalak enda: Elhanan anak Dodo arah Betlehem nari,+
25 Sammah kalak Harod, Elika kalak Harod,
26 Heles+ kalak Betpelet, Ira+ anak Ikes kalak Tekoa,
27 Abieser+ kalak Anatot,+ Mebunai kalak Husa,
28 Salmon kalak Ahoh, Maharai+ kalak Netopa,
29 Helep anak Baanah kalak Netopa, Itai anak Ribai kalak Benyamin arah Gibea,
30 Benaya+ kalak Piraton, Hiddai arah daerah lau* Gaas,+
31 Abialbon kalak Bet-Araba, Asmawet kalak Bahurim,
32 Eliaba kalak Salbim anak Jasen, Jonatan,
33 Sammah kalak Harar, Ahiam anak Sarar kalak Harar,
34 Elipelet anak Ahasbai kalak Maakat, Eliam anak Ahitopel+ kalak Gilo,
35 Hesro kalak Karmel, Paarai kalak Arab,
36 Igal anak Natan kalak Soba, Bani kalak Gat,
37 Selek kalak Ammon, Naharai kalak Beerot, kalak si maba senjata Joap anak Seruya,
38 Ira kalak Jetri, Garep kalak Jetri,+
39 bage pe Uria+ kalak Het. Kerinana lit 37 kalak.
Cataten i teruh
^ Ntah “keselamaten.”
^ Ntah “keselamaten.”
^ Maksudna, lubang guna nimpan lau.
^ Maksudna, lubang guna nimpan lau.
